ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
ជាតិ
ខ្យល់កន្ត្រាក់ក្នុងក្រុងសៀមរាបបណ្តាលឲ្យបាក់ដើមគគីរចំណាស់៤ដើម
23, Feb 2017 ,
6:15 pm
រូបភាព
ប្រភពរូបថត៖ ហ្វេសប៊ុក រដ្ឋបាល ខេត្តសៀមរាប
×
ដោយ:
អុីសា រ៉ហានី (Isa Rohany)
សៀមរាប៖ ខ្យល់កន្ត្រាក់មួយដ៏ខ្លាំង បានប៉ះទីក្រុងសៀមរាបនៅរសៀលថ្ងៃទី២៣ ខែកុម្ភៈ ឆ្នាំ២០១៧ ដែលបណ្តាលឲ្យដើមឈើជាច្រើនដើម បានបាក់មែក និងដួលរំលំ។ តាមការបញ្ជាក់ពីអាជ្ញាធរ ក្នុងហេតុការណ៍ដ៏កម្រនេះ បណ្តាលឲ្យដើមគគីរធំៗនៅបណ្តោយស្ទឹងសៀមរាប ដួលរំលំចំនួន៤ដើម។
លោក គឹម ឆៃហៀង អភិបាលរងខេត្តសៀមរាបបានប្រាប់សារព័ត៌មានថ្មីៗនៅរសៀលនេះថា ដើមគគីរចំណាស់ ដែលអាជ្ញាធរប្រឹងថែរក្សាលម្អក្រុងរហូតមក បានបាក់ដួលរំលំអស់ចំនួន៤ដើម។ លោកបញ្ជាក់ថា ដើមគគីរដែលបាក់នោះ មានទីតាំងស្ថិតនៅខាងកើតព្រះរាជដំណាក់ តាមបណ្តោយស្ទឹងសៀមរាប។
លោក គឹម ឆៃហៀង បានហៅខ្យល់កន្ត្រាក់នេះថា ជាបាតុភូតធម្មជាតិ ហើយវាក៏ត្រូវបានព្យាករណ៍ដោយក្រសួងធនធាន និងឧតុនិយមផងដែរ។ ប៉ុន្តែអ្វីដែលលោកមានការងឿងឆ្ងល់នោះ គឺខ្យល់នេះបានប៉ះតែក្នុងរង្វង់សង្កាត់ទាំង៥នៃក្រុងសៀមរាបតែប៉ុណ្ណោះ ជារួមតាមបណ្តាស្រុកនានាក្នុងខេត្តសៀមរាប មិនបានប៉ះពាល់ឡើយ។ លោក ឆៃហៀង បន្ថែមថា៖« ខ្យល់នេះត្រូវតែកណ្តាលក្រុងសៀមរាប ជារួមនៅជាយៗ ក៏មិនត្រូវដែរ ហើយតាមការសាកសួរតាមបណ្តាខេត្តជិតៗ ក៏គេអត់ប៉ះដែរ មិនដឹងហេតុអ្វី»។
ក្រៅពីការដួលរំលំ និងបាក់មែកឈើដើមឈើមួយចំនួនហើយនោះ លោកអភិបាលរងខេត្តសៀមរាបបានបញ្ជាក់ថា ហេតុការណ៍នេះពុំមានអ្នកណារងគ្រោះឡើយ។
គួរបញ្ជាក់ថា ហេតុការណ៍ខ្យល់កន្ត្រាក់នៅខេត្តសៀមរាបនេះ បានកើតឡើងនៅចន្លោះម៉ោង ១កន្លះ និងស្ងប់ស្ងាត់ទៅវិញនៅម៉ោងជាង២រសៀល។ នៅតាមបណ្តោយផ្លូវក្នុងក្រុងសៀមរាប គេសង្កេតឃើញមានមែកឈើ និងស្លឹកឈើរាយប៉ាយស្ទើរគ្រប់ទីតាំងកន្លែង ចំណែកបុគ្គលិកអនាម័យ ក៏កំពុងរួសរាន់ប្រមូល និងដឹកជញ្ជូនចេញយ៉ាងប្រញាប់ប្រញាល់ផងដែរ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ខ្យល់កន្ត្រាក់
គឹម ឆៃហៀង
© រក្សាសិទ្ធិដោយ thmeythmey.com
អត្ថបទពេញនិយម
សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម
3 ថ្ងៃ
«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!
5 ថ្ងៃ
បុរាណវិទូប្រឹងគាស់កកាយអាថ៌កំបាំងព្រែកជីកស្រមោច ដែលបានជីកមុនរាជ្យព្រះបាទជ័យវរ្ម័នទី៧
6 ថ្ងៃ
ដំរីព្រៃ ដែលគេសង្គ្រោះចេញពីល្បាប់ភក់ ក្នុងដែនជម្រកសត្វព្រៃភ្នំព្រេច បានងាប់ហើយ
7 ថ្ងៃ
រវាង «លស់» «លួស» និង «លោះ» មានអត្ថន័យខុសគ្នាដូចម្តេច?
4 ថ្ងៃ
អត្ថបទពេញនិយមបន្ថែម