ជាតិ
×![]()
ដោយ: ថ្មីៗ
ភ្នំពេញ៖ ក្នុងឆ្នាំនេះ ជប៉ុនរៀបចំមហោស្រពគីហ្សូណា (KIZUNA) ក្រោមប្រធានបទដំណើរទៅកាន់ ប្រទេសជប៉ុន (Fly to Japan) ចាប់ពីថ្ងៃទី ២៣ ដល់ទី២៦ ខែកុម្ភៈ ក្នុងមជ្ឈមណ្ឌលសហប្រតិបត្តិការ កម្ពុជា-ជប៉ុន (CJCC)។
ស្ថានទូតជប៉ុន ប្រចាំកម្ពុជា សហការជាមួយ CJCC និងមូលនិធិ ជប៉ុន (Japan Foundation Asia Center Liaison) រៀបចំមហោស្រពនេះឡើង ក្នុងគោលបំណងផ្សារភ្ជាប់វប្បធម៌ប្រពៃណីបុរាណ និងទំនើបរវាងជនជាតិជប៉ុន និងកម្ពុជា។
ឯកអគ្គរាជទូតជប៉ុនប្រចាំកម្ពុជា លោក ណូរីណុអ៊ុជិ ហ៊ីដេស៊ីសា បានពន្យល់ពាក្យគីហ្សូណា ក្នុងពិធីបើកមហោស្រពនៅថ្ងៃទី២៣ ខែកុម្ភៈនេះថា វាមានន័យថា ជាចំណងទំនាក់ទំនងមតិ្តភាពជាមួយអ្នកសំខាន់ៗ ដូចជា គ្រួសារ ឬមិត្តភក្តិ ជាដើម។ បន្ថែមលើសពីនេះ លោកបន្តថា ការជ្រើសរើសប្រធានបទដំណើរទៅកាន់ប្រទេសជប៉ុនឆ្នាំនេះ ក្នុងគោលបំណងសាទរការបើកជើងហោះ ហើរត្រង់រវាងជប៉ុន និងកម្ពុជា កាលពីខែកញ្ញា ឆ្នាំ២០១៦កន្លងមក។
ឱកាសនោះដែរ លោក ហ៊ីង ថូរ៉ាក់ស៊ី រដ្ឋលេខាធិការ នៃទីស្តីការគណៈរដ្ឋមន្ត្រី បានចាត់ទុកមហោស្រពនេះ ជាឱកាសសម្រាប់ប្រជាជនប្រទេសទាំងពីរ ពិសេសគឺ យុវជន បានស្វែងយល់ពីវប្បធម៌ប្រពៃណីនិងសម័យទំនើបសម្បូរបែបរវាងជប៉ុន និងកម្ពុជា។
មហោស្រពនេះ មានកម្មវិធី និងពិព័រណ៌វប្បធម៌នានា ដូចជា ការសម្តែងសិល្បៈដោយសិល្បករជប៉ុន និងកម្ពុជា ការរៀបផ្កា ការសរសេរអក្សរផ្ចង់ ការប្រគុំតន្ត្រី ការតាំងពិរព័ណ៌បង្អែម និងម្ហូបអាហារ ការរចនាម៉ូដសក់ និងសំលៀកបំពាក់ និងកម្មវិធីសិក្ខាសាលាអប់រំផ្សេងទៀត។
គួរបញ្ជាក់ មហោស្រពគីហ្សូណាជប៉ុន-កម្ពុជា បានរៀបចំឡើងតាំងពីឆ្នាំ ២០១២មកម្លេះ។ សាធារណជនអាចចូលរួមស្វែងយល់ និងទស្សនាដោយសេរី៕
ស្ថានទូតជប៉ុន ប្រចាំកម្ពុជា សហការជាមួយ CJCC និងមូលនិធិ ជប៉ុន (Japan Foundation Asia Center Liaison) រៀបចំមហោស្រពនេះឡើង ក្នុងគោលបំណងផ្សារភ្ជាប់វប្បធម៌ប្រពៃណីបុរាណ និងទំនើបរវាងជនជាតិជប៉ុន និងកម្ពុជា។
ឯកអគ្គរាជទូតជប៉ុនប្រចាំកម្ពុជា លោក ណូរីណុអ៊ុជិ ហ៊ីដេស៊ីសា បានពន្យល់ពាក្យគីហ្សូណា ក្នុងពិធីបើកមហោស្រពនៅថ្ងៃទី២៣ ខែកុម្ភៈនេះថា វាមានន័យថា ជាចំណងទំនាក់ទំនងមតិ្តភាពជាមួយអ្នកសំខាន់ៗ ដូចជា គ្រួសារ ឬមិត្តភក្តិ ជាដើម។ បន្ថែមលើសពីនេះ លោកបន្តថា ការជ្រើសរើសប្រធានបទដំណើរទៅកាន់ប្រទេសជប៉ុនឆ្នាំនេះ ក្នុងគោលបំណងសាទរការបើកជើងហោះ ហើរត្រង់រវាងជប៉ុន និងកម្ពុជា កាលពីខែកញ្ញា ឆ្នាំ២០១៦កន្លងមក។
ឱកាសនោះដែរ លោក ហ៊ីង ថូរ៉ាក់ស៊ី រដ្ឋលេខាធិការ នៃទីស្តីការគណៈរដ្ឋមន្ត្រី បានចាត់ទុកមហោស្រពនេះ ជាឱកាសសម្រាប់ប្រជាជនប្រទេសទាំងពីរ ពិសេសគឺ យុវជន បានស្វែងយល់ពីវប្បធម៌ប្រពៃណីនិងសម័យទំនើបសម្បូរបែបរវាងជប៉ុន និងកម្ពុជា។
មហោស្រពនេះ មានកម្មវិធី និងពិព័រណ៌វប្បធម៌នានា ដូចជា ការសម្តែងសិល្បៈដោយសិល្បករជប៉ុន និងកម្ពុជា ការរៀបផ្កា ការសរសេរអក្សរផ្ចង់ ការប្រគុំតន្ត្រី ការតាំងពិរព័ណ៌បង្អែម និងម្ហូបអាហារ ការរចនាម៉ូដសក់ និងសំលៀកបំពាក់ និងកម្មវិធីសិក្ខាសាលាអប់រំផ្សេងទៀត។
គួរបញ្ជាក់ មហោស្រពគីហ្សូណាជប៉ុន-កម្ពុជា បានរៀបចំឡើងតាំងពីឆ្នាំ ២០១២មកម្លេះ។ សាធារណជនអាចចូលរួមស្វែងយល់ និងទស្សនាដោយសេរី៕
Tag:
KIZUNA
ជប៉ុន
CJCC
© រក្សាសិទ្ធិដោយ thmeythmey.com
