អន្តរជាតិ
ប៉ូលិសម៉ាឡេស៊ីព្រមានចាប់ខ្លួនមន្ត្រីទូតកូរ៉េខាងជើងពាក់ព័ន្ធឃាតកម្ម គីម ជុងណាំ
×![]()
ដោយ: តន ចាន់រិទ្ធារ៉ា
មន្ត្រីប៉ូលិសម៉ាឡេស៊ី បាននិយាយនៅថ្ងៃទី២៥ ខែកុម្ភៈ ថា ខ្លួនអាចចេញដីកាចាប់ខ្លួនមន្ត្រីទូតកូរ៉េខាងជើងម្នាក់ ដែលជាប់សង្ស័យពាក់ព័ន្ធករណីឃាតកម្មលោក គីម ជុងណាំ បងប្រុសម្ដាយទីទៃរបស់មេដឹកនាំកូរ៉េខាងជើង គីម ជុងអ៊ុន។ មន្ត្រីទូតកូរ៉េខាងជើង ដែលមានតូនាទីជាលេខាទី២ ស្ថានទូត និងមានឈ្មោះក្នុងបញ្ជីសង្ស័យរបស់ប៉ូលិស ទំនងជាមិនបានសហការជាមួយអាជ្ញាធរម៉ាឡេស៊ីក្នុងការស៊ើបអង្កេតករណីឃាតកម្មនេះឡើយ។
មកទល់ពេលនេះ អាជ្ញាធរម៉ាឡេស៊ី បានរកឃើញសារធាតុគីមី ដែលបានសម្លាប់បងប្រុសលោក គីម ជុងអ៊ុន ហើយ។ ប៉ុន្តែប៉ូលិសម៉ាឡេស៊ី នៅតែបន្តដុតដៃដុតជើងស្វែងរកជនសង្ស័យមួយចំនួនទៀត ដែលកំពុងរត់គេចខ្លួននៅឡើយ។ ក្នុងចំណោមជនសង្ស័យទាំងនោះ ក៏មានលេខាទី២ ស្ថានទូតកូរ៉េខាងជើងប្រចាំម៉ាឡេស៊ី Hyon Kwang Song ដែលប៉ូលិសកំពុងចង់នាំខ្លួនមកសាកសួរពាក់ព័ន្ធឃាតកម្មនេះ។
បើតាមទីភ្នាក់ងារព័ត៌មាន Reuters ស្នងការប៉ូលិសរដ្ឋ Selangor លោក Abdul Samah Mat និយាយថា ប៉ូលិសនឹងទុកពេលសមរម្យឲ្យលោក Hyon Kwang Song ដើម្បីសហការជាមួយប៉ូលិស មុននឹងប៉ូលិសចាត់វិធានការបន្តទៀត។ លោកបញ្ជាក់ថា បើលេខាទី២ រូបនេះមិនសហការជាមួយប៉ូលិសទេ អាជ្ញាធរនឹងចេញលិខិតជូនដំណឹងមួយឲ្យលោក Hyon Kwang Song ចូលខ្លួនសហការជាមួយប៉ូលិស
«ហើយប្រសិនបើ លោក Hyon Kwang Song មិនបង្ហាញខ្លួនតាមពេលកំណត់ទេ យើងនឹងឈានមួយជំហានទៀត គឺចេញដីកាចាប់ខ្លួនឡើងតុលាការតាមច្បាប់ម៉ាឡេស៊ីតែម្ដង។» នេះជាការបញ្ជាក់បន្ថែមរបស់ស្នងការប៉ូលិសរដ្ឋ Selangor ជុំវិញករណីសង្ស័យលើលេខាទូតកូរ៉េខាងជើង ដែលកាលពីថ្ងៃទី២២ ខែកុម្ភៈ ប៉ូលិសម៉ាឡេស៊ីកំពុងចង់បានរូបគាត់មកសាកសួរនោះ។
ពាក់ព័ន្ធសំណុំរឿងឃាតកម្មលោក គីម ជុងណាំ មានជនជាតិកូរ៉េខាងជើង៨នាក់ ជាប់ទាក់ទងក្នុងរឿងនេះដោយរួមទាំងលោក Hyon Kwang Song ផងនោះ។ ជនជាតិកូរ៉េខាងជើងម្នាក់ ត្រូវបានប៉ូលិសម៉ាឡេស៊ីចាប់ខ្លួនរួចហើយ ខណៈ២នាក់ទៀត កំពុងលាក់ខ្លួនលើទឹកដីម៉ាឡេស៊ីនៅឡើយ។ ចំណែកជនសង្ស័យជនជាតិកូរ៉េខាងជើង៤នាក់ទៀត បានគេចខ្លួនចេញពីម៉ាឡេស៊ីហើយ ក្រោយឃាតកម្ម។
គីម ជុងណាំ បងប្រុសមេដឹកនាំកំពូលកូរ៉េខាងជើង គីម ជុងអ៊ុន បានស្លាប់ក្រោយឃាតករប្រើសារធាតុគីមី VX ដ៏សាហាវ។ សារធាតុគីមី ត្រូវបានហាមឃាត់ដោយអនុសញ្ញាអង្គការសហប្រជាជាតិ និងអនុញ្ញាឲ្យប្រើតែក្នុងការងារវេជ្ជសាស្ត្រ និងការងារវិទ្យាសាស្ត្រខ្លះប៉ុណ្ណោះ។ ភ្លាមៗបន្ទាប់កើតហេតុ ប៉ូលិសម៉ាឡេស៊ី បានឃាត់ខ្លួនស្ត្រីវៀតណាម និងឥណ្ឌូណេស៊ី ទៀតផង ហើយក្នុងនោះ មានម្នាក់ទំនងជារងផលប៉ះពាល់ដោយសារសារធាតុគីមី VX នេះដែរ៕
មកទល់ពេលនេះ អាជ្ញាធរម៉ាឡេស៊ី បានរកឃើញសារធាតុគីមី ដែលបានសម្លាប់បងប្រុសលោក គីម ជុងអ៊ុន ហើយ។ ប៉ុន្តែប៉ូលិសម៉ាឡេស៊ី នៅតែបន្តដុតដៃដុតជើងស្វែងរកជនសង្ស័យមួយចំនួនទៀត ដែលកំពុងរត់គេចខ្លួននៅឡើយ។ ក្នុងចំណោមជនសង្ស័យទាំងនោះ ក៏មានលេខាទី២ ស្ថានទូតកូរ៉េខាងជើងប្រចាំម៉ាឡេស៊ី Hyon Kwang Song ដែលប៉ូលិសកំពុងចង់នាំខ្លួនមកសាកសួរពាក់ព័ន្ធឃាតកម្មនេះ។
បើតាមទីភ្នាក់ងារព័ត៌មាន Reuters ស្នងការប៉ូលិសរដ្ឋ Selangor លោក Abdul Samah Mat និយាយថា ប៉ូលិសនឹងទុកពេលសមរម្យឲ្យលោក Hyon Kwang Song ដើម្បីសហការជាមួយប៉ូលិស មុននឹងប៉ូលិសចាត់វិធានការបន្តទៀត។ លោកបញ្ជាក់ថា បើលេខាទី២ រូបនេះមិនសហការជាមួយប៉ូលិសទេ អាជ្ញាធរនឹងចេញលិខិតជូនដំណឹងមួយឲ្យលោក Hyon Kwang Song ចូលខ្លួនសហការជាមួយប៉ូលិស
«ហើយប្រសិនបើ លោក Hyon Kwang Song មិនបង្ហាញខ្លួនតាមពេលកំណត់ទេ យើងនឹងឈានមួយជំហានទៀត គឺចេញដីកាចាប់ខ្លួនឡើងតុលាការតាមច្បាប់ម៉ាឡេស៊ីតែម្ដង។» នេះជាការបញ្ជាក់បន្ថែមរបស់ស្នងការប៉ូលិសរដ្ឋ Selangor ជុំវិញករណីសង្ស័យលើលេខាទូតកូរ៉េខាងជើង ដែលកាលពីថ្ងៃទី២២ ខែកុម្ភៈ ប៉ូលិសម៉ាឡេស៊ីកំពុងចង់បានរូបគាត់មកសាកសួរនោះ។
ពាក់ព័ន្ធសំណុំរឿងឃាតកម្មលោក គីម ជុងណាំ មានជនជាតិកូរ៉េខាងជើង៨នាក់ ជាប់ទាក់ទងក្នុងរឿងនេះដោយរួមទាំងលោក Hyon Kwang Song ផងនោះ។ ជនជាតិកូរ៉េខាងជើងម្នាក់ ត្រូវបានប៉ូលិសម៉ាឡេស៊ីចាប់ខ្លួនរួចហើយ ខណៈ២នាក់ទៀត កំពុងលាក់ខ្លួនលើទឹកដីម៉ាឡេស៊ីនៅឡើយ។ ចំណែកជនសង្ស័យជនជាតិកូរ៉េខាងជើង៤នាក់ទៀត បានគេចខ្លួនចេញពីម៉ាឡេស៊ីហើយ ក្រោយឃាតកម្ម។
គីម ជុងណាំ បងប្រុសមេដឹកនាំកំពូលកូរ៉េខាងជើង គីម ជុងអ៊ុន បានស្លាប់ក្រោយឃាតករប្រើសារធាតុគីមី VX ដ៏សាហាវ។ សារធាតុគីមី ត្រូវបានហាមឃាត់ដោយអនុសញ្ញាអង្គការសហប្រជាជាតិ និងអនុញ្ញាឲ្យប្រើតែក្នុងការងារវេជ្ជសាស្ត្រ និងការងារវិទ្យាសាស្ត្រខ្លះប៉ុណ្ណោះ។ ភ្លាមៗបន្ទាប់កើតហេតុ ប៉ូលិសម៉ាឡេស៊ី បានឃាត់ខ្លួនស្ត្រីវៀតណាម និងឥណ្ឌូណេស៊ី ទៀតផង ហើយក្នុងនោះ មានម្នាក់ទំនងជារងផលប៉ះពាល់ដោយសារសារធាតុគីមី VX នេះដែរ៕
© រក្សាសិទ្ធិដោយ thmeythmey.com
