​
​
កំណាព្យ​បទ ពាក្យ​៩

-​ខ្លះ​ជំនាញ ជាញ​ចំណាប់ យ៉ាប់​ទីផ្សារ​

​ចាញ់​អ្នក​ថា ឆ្កា​ដៃជើង ពើង​ពេញ​លាភ​

​ខ្លះ​ចេះ​ខ្លាំង តាំង​ធ្វើការ បាន​តូច​ទាប​

​ត្រូវគេ​គាប រាប​ដល់​បាត ខាត​ប្រយោជន៍​។

 

-​ខ្លះ​ពូកែ បែរជា​ខ្សោយ ក្នុង​ភ្នែក​មេ​

​ចាញ់​ក្រុម​គេ ដែល​ពូកែ ខាង​ប៉ប៉ោច​

​មិនចេះ​ទ្រ ច្បាស់​វឹកវរ ដល់​ហិនហោច​

​អ្នក​ប៉ោ​ចៗ បាន​ប្រយោជន៍ ដេក​អេះ​ពោះ​។​

 

-​អ្នក​អែបអប សមប្រកប គ្រប់​កិច្ចការ​

​អ្នក​អែបអប មាន​ដុល្លារ ល្បី​ទាំង​ឈ្មោះ​

​អ្នកចេះ​ពិត ខ្លះ​ខ្វះ​លិឍ ជីវិត​គ្រោះ​

​ជាប់​ជា​ងោះ ព្រោះ​មិនចេះ រឿង​ទ្រ​មេ​។​

-​ខ្លះ​ពូកែ ខ្សែ​គ្នា​តូច ដូច​អត់​ចេះ​

​មានចំណេះ គេ​មិន​ប្រើ ធ្វើ​អី​គេ​

​រឿង​កើត​ពិត មិន​ប្រឌិត ឲ្យ​ខុស​ទេ​

​ខឹង​កុំ​ជេរ ស្មេរ​ខ្ញុំ​ថា តាម​សំគាល់​។​
 

 

 

 

 

 

​