សម្ដេច ហ៊ុន សែន ថា លោក ម៉ៅ មុនី្នវណ្ណ លួចប្រាប់រឿងផ្ទៃក្នុង CNRP មកខ្លួន

ជាតិ

សម្ដេច ហ៊ុន សែន ថា លោក ម៉ៅ មុនី្នវណ្ណ លួចប្រាប់រឿងផ្ទៃក្នុង CNRP មកខ្លួន

06, Mar 2017 , 4:06 pm

រូបភាព

ដោយ: ថ្មីៗ

ភ្នំពេញ៖ ពីពិធីចែកសញ្ញាបត្រដល់និស្សិតនៃវិទ្យាស្ថានវ៉ាន់ដា នៅរសៀលនេះ សម្ដេចនាយករដ្ឋមន្ត្រី ហ៊ុន សែន បានរំឮកជាថ្មីៗថា សម្ដេចមិនអត់ឱនឲ្យគណបក្សនយោបាយ ឬអ្នកនយោបាយណាដែលបានបរិហាកេរ្តិ៍ភរិយា និងកូនសម្ដេច ជាអតីតភរិយាមេដឹកនាំវៀតណាមឡើយ។ មូលហេតុដែលសម្ដេច ហ៊ុន សែន រំឮកបែបនេះ គឺចង់សំដៅទៅលើអតីតមេដឹកនាំគណបក្សសង្គ្រោះជាតិលោក សម រង្ស៊ី ដែលបានបញ្ជាឲ្យមន្ត្រីថ្នាក់ក្រោមវាយប្រហារមកលើក្រុមគ្រួសារសម្ដេចនេះ។

អ្វីដែលសម្ដេច ហ៊ុន សែន ចេញមកនិយាយចំៗថា លោក សម រង្ស៊ី ជាអ្នករៀបចំការវាយប្រហារមកលើក្រុមគ្រួសារខ្លួននេះ ដោយសារតែតំណាងរាស្ត្រគណបក្សសង្គ្រោះជាតិ គឺលោក ម៉ៅ មុនី្នវណ្ណ បានលួចប្រាប់គម្រោងផ្ទៃក្នុងបក្ស មកខុទ្ទកាល័យសម្ដេច។ ក្រៅពីអះអាងបែបនេះ សម្ដេច ហ៊ុន សែន ក៏បានបញ្ជាក់ថា លោក ម៉ៅ មុន្នីវណ្ណ ធ្លាប់បានសុំលុយពីសម្ដេចផងដែរ។

សូមស្ដាប់សំឡេង៖

តំណាងរាស្ត្រគណបក្សសង្គ្រោះជាតិលោក ម៉ៅ មុនីវណ្ណ ធ្លាប់បានបដិសេធកន្លងមក ចំពោះពត៌មានបែកធ្លាយចេញពីហ្វេសប៊ុក ឬក៏ការចុះផ្សាយព័ត៌មាននេះ ដោយលោកចាត់ទុកថា ជាពត៌មានប្រឌិតឡើងហើយមានចរិកបំបែកបំបាក់សុទ្ធសាធ ៕