ពីនេះ ពីនោះ
ព័ត៍មានសុខភាព
នេះជាហេតុផលដែលអ្នកវិទ្យាសាស្ត្រតែងឲ្យអ្នកធ្វើការឱបគ្នាឲ្យបានច្រើន
×![]()
ដោយ: ថ្មីៗ
ការឱបគ្ នាគឺជាផ្នែកមួយដ៏សំខាន់ ដើម្បីបញ្ជាក់ថា មនុស្សគ្រប់រូបគឺសំខាន់ចំពោះអ្នក។ វាអាចជាមិត្តភក្តិ ដៃគូស្នេហា ឬសមាជិកគ្រួសារ។ ខណៈពេលដែលយើងទាំងអស់គ្នាដឹងថា ការឱបគឺជារឿងដ៏អស្ចារ្យមួយ ហើយធ្វើឲ្យមានអារម្មណ៍កក់ក្តៅពីខាងក្នុងមកនោះ ខាងក្រោមនេះ គឺជាហេតុផលបែបវិទ្យាសាស្ត្រមួយចំនួន ដែលបញ្ជាក់ថាវាពិតជាល្អចំពោះជីវិតរស់នៅរបស់យើង និងព្យាយាមអនុវត្តវាឲ្យបានច្រើន៖
ការឱបធ្វើឲ្យមានអារម្មណ៍កាន់តែសប្បាយចិត្ត
ការសិក្សាបង្ហាញថា ការឱបមនុស្សម្នាក់នឹងបញ្ចេញសារធាតុ Serotonin និង Dopamine ក្នុងខួរក្បាល ដែលវាទាំងពីរនេះ គឺជាសារធាតុចម្លងសរសៃប្រសាទ និងមានតួនាទីជួយគ្រប់គ្រងអារម្មណ៍ និងផ្តល់ភាពសប្បាយរីករាយ។
អាចកាត់បន្ថយការឈឺចាប់ក្នុងខ្លួន
ការឱប ក៏ជួយបញ្ចេញសារធាតុ Endorphins ក្នុងរាងកាយដែរ។ សារធាតុមួយនេះ នឹងទប់ស្កាត់សារធាតុបង្កការឈឺចាប់ កុំឲ្យចរាចរណ៍ពីសរសៃឈាមចូលទៅក្នុងជាលិកា។
អាចជួយបន្ធូរបន្ថយក្នុងប្រព័ន្ធសរសៃប្រសាទ
ស្បែករបស់យើងមានកន្លែងទទួលរងអារម្មណ៍សម្ពាធ ដែលអាចបញ្ជូនសញ្ញាទៅខួរក្បាល នៅពេលមានការប៉ះពាល់។ នៅពេលយើងឱបគ្នា សញ្ញានឹងបញ្ចូលទៅខួរក្បាល ជាពិសេសប្រព័ន្ធសរសៃប្រសាទ Parasympathetic ដូច្នេះវាអាចនឹងសម្រួលដល់ចង្វាក់ដង្ហើម និងបន្ថយចង្វាក់បេះដូងមកធម្មតាវិញ។
ល្អចំពោះបេះដូង
តាមការសិក្សាបានរកឃើញថា អ្នកដែលមិនបានឱបគ្នា ឃើញថាមានចង្វាក់បេះដូងលោតលឿនជាងអ្នកដែលឱបគ្នារហូតដល់ ១០ដងក្នុងមួយនាទី។ ការថយចុះនៃចង្វាក់បេះដូងបែបនេះ មានន័យថា វានឹងកាត់បន្ថយភាពមានសម្ពាធលើបេះដូង និងសម្ពាធឈាម។
ពង្រឹងដល់ប្រព័ន្ធភាពស៊ាំ
ការសិក្សាបង្ហាញថា រោគសញ្ញារាងកាយនៃជំងឺនានាដូចជា ជំងឺផ្តាសាយ គឺមិនសូវធ្ងន់ធ្ងរលើអ្នកដែលឧស្សាហ៍ឱបគ្នានោះទេ។
មិនសូវមានអារម្មណ៍តានតឹង
ការសិក្សាបានឲ្យដឹងថា ការឱបគ្នាម្តង មុនពេលចូលរួមក្នុងព្រឹត្តការណ៍ដែលមានភាពតានតឹងដូចជា ការធ្វើបទបង្ហាញ ការប្រឡង ការធ្វើតេស្តឈាម អាចជួយឲ្យពួកគេធូរស្រាលក្នុងអារម្មណ៍ច្រើន ហើយក៏អាចនឹងពេញចិត្តទទួលយកលទ្ធផលរបស់វាបានដែរ។
ជួយឲ្យអ្នកនឹងដៃគូកាន់តែជិតស្និទ្ធគ្នា
ការឱបគ្នាត្រូវបានគេដឹងថា ជួយបញ្ចេញអ័រម៉ូន Oxytocin ក្នុងរាងកាយ ដែលវាជាសារធាតុមួយសំខាន់ណាស់ ក្នុងការជួយឲ្យមានអារម្មណ៍ស្និទ្ធស្នាលជាមួយដៃគូ។ វាក៏ជួយកាត់បន្ថយសម្ពាធឈាម ការឈឺចាប់ និងពង្រឹងដល់ប្រព័ន្ធភាពស៊ាំដែរ៕
ត្រួតពិនិត្យដោយ www.health.com.kh
ការឱបធ្វើឲ្យមានអារម្មណ៍កាន់តែសប្បាយចិត្ត
ការសិក្សាបង្ហាញថា ការឱបមនុស្សម្នាក់នឹងបញ្ចេញសារធាតុ Serotonin និង Dopamine ក្នុងខួរក្បាល ដែលវាទាំងពីរនេះ គឺជាសារធាតុចម្លងសរសៃប្រសាទ និងមានតួនាទីជួយគ្រប់គ្រងអារម្មណ៍ និងផ្តល់ភាពសប្បាយរីករាយ។
អាចកាត់បន្ថយការឈឺចាប់ក្នុងខ្លួន
ការឱប ក៏ជួយបញ្ចេញសារធាតុ Endorphins ក្នុងរាងកាយដែរ។ សារធាតុមួយនេះ នឹងទប់ស្កាត់សារធាតុបង្កការឈឺចាប់ កុំឲ្យចរាចរណ៍ពីសរសៃឈាមចូលទៅក្នុងជាលិកា។
អាចជួយបន្ធូរបន្ថយក្នុងប្រព័ន្ធសរសៃប្រសាទ
ស្បែករបស់យើងមានកន្លែងទទួលរងអារម្មណ៍សម្ពាធ ដែលអាចបញ្ជូនសញ្ញាទៅខួរក្បាល នៅពេលមានការប៉ះពាល់។ នៅពេលយើងឱបគ្នា សញ្ញានឹងបញ្ចូលទៅខួរក្បាល ជាពិសេសប្រព័ន្ធសរសៃប្រសាទ Parasympathetic ដូច្នេះវាអាចនឹងសម្រួលដល់ចង្វាក់ដង្ហើម និងបន្ថយចង្វាក់បេះដូងមកធម្មតាវិញ។
ល្អចំពោះបេះដូង
តាមការសិក្សាបានរកឃើញថា អ្នកដែលមិនបានឱបគ្នា ឃើញថាមានចង្វាក់បេះដូងលោតលឿនជាងអ្នកដែលឱបគ្នារហូតដល់ ១០ដងក្នុងមួយនាទី។ ការថយចុះនៃចង្វាក់បេះដូងបែបនេះ មានន័យថា វានឹងកាត់បន្ថយភាពមានសម្ពាធលើបេះដូង និងសម្ពាធឈាម។
ពង្រឹងដល់ប្រព័ន្ធភាពស៊ាំ
ការសិក្សាបង្ហាញថា រោគសញ្ញារាងកាយនៃជំងឺនានាដូចជា ជំងឺផ្តាសាយ គឺមិនសូវធ្ងន់ធ្ងរលើអ្នកដែលឧស្សាហ៍ឱបគ្នានោះទេ។
មិនសូវមានអារម្មណ៍តានតឹង
ការសិក្សាបានឲ្យដឹងថា ការឱបគ្នាម្តង មុនពេលចូលរួមក្នុងព្រឹត្តការណ៍ដែលមានភាពតានតឹងដូចជា ការធ្វើបទបង្ហាញ ការប្រឡង ការធ្វើតេស្តឈាម អាចជួយឲ្យពួកគេធូរស្រាលក្នុងអារម្មណ៍ច្រើន ហើយក៏អាចនឹងពេញចិត្តទទួលយកលទ្ធផលរបស់វាបានដែរ។
ជួយឲ្យអ្នកនឹងដៃគូកាន់តែជិតស្និទ្ធគ្នា
ការឱបគ្នាត្រូវបានគេដឹងថា ជួយបញ្ចេញអ័រម៉ូន Oxytocin ក្នុងរាងកាយ ដែលវាជាសារធាតុមួយសំខាន់ណាស់ ក្នុងការជួយឲ្យមានអារម្មណ៍ស្និទ្ធស្នាលជាមួយដៃគូ។ វាក៏ជួយកាត់បន្ថយសម្ពាធឈាម ការឈឺចាប់ និងពង្រឹងដល់ប្រព័ន្ធភាពស៊ាំដែរ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
