អន្តរជាតិ
មន្ត្រីចារកម្មអាមេរិកព្រមានថា រុស្ស៊ីអាចលូកលាន់ក្នុងបោះឆ្នោតបារាំងដើម្បីជួយលោកស្រី Le Pen
×![]()
ដោយ: ថ្មីៗ
ប្រធានគណៈកម្មាធិការចារកម្មប្រចាំព្រឹទ្ធសភាអាមេរិកបានព្រមានថា រុស្ស៊ីអាចនឹងលូកលាន់ក្នុងការបោះឆ្នោតបារាំង ដូចដែលរុស្ស៊ីបានធ្វើនៅក្នុងការបោះឆ្នោតនៅអាមេរិកឆ្នាំមុនដែរ។ ប៉ុន្តែកាលពីសប្តាហ៍មុន មេដឹកនាំរុស្ស៊ីបានប្រកាសរុស្ស៊ីគ្មានរឿងអ្វីត្រូវលូកលាន់ក្នុងបញ្ហានយោបាយរួមទាំងការបោះឆ្នោតបារាំងឡើយ។
សមាជិកព្រឹទ្ធសភាដែលជាប្រធានគណៈកម្មាការចារកម្មលោក Richard Burr បានថ្លែងនៅថ្ងៃពុធទី ២៩ ខែមីនាថា ក្រុងម៉ូស្គូនៅតែបង្ហាញឆន្ទៈពិតប្រាកដមួយក្នុងការលូកលាន់និងបំផ្លាញដំណើរការបោះឆ្នោតនៅបណ្តាប្រទេសលោកខាងលិច។
សមាជិកព្រឹទ្ធសភារូបនេះក៏ព្រមានដែរថា រុស្ស៊ីនឹងលូកលាន់ដំណើរការនៃការបោះឆ្នោតប្រធានាធិបតីបារាំង ដូចដែលរុស្ស៊ីបានធ្វើក្នុងការបោះឆ្នោតប្រធានាធិបតីអាមេរិកកាលពីខែវិច្ឆិកាឆ្នាំមុន។
យោងតាមទីភ្នាក់ងារព័ត៌មាន AFP Richard Burr បានបញ្ជាក់ដូច្នេះ«អ្វីដែលយើងអាចវាយតម្លៃបានគឺ ការលូកលាន់ជាសម្ងាត់ចូលក្នុងការបោះឆ្នោតនៅអាមេរិកឆ្នាំ ២០១៦ ហើយវាក៏អាចមានការជ្រៀតជ្រែករបៀបនេះក្នុងការបោះឆ្នោតនៅបារាំងឬអាល្លឺម៉ង់ដែរ»។
សមាជិកព្រឹទ្ធសភាអាមេរិកខាងលើបន្ថែមថា៖«វាជារឿងសុវត្ថិភាព ដែលគេវាយតម្លៃថា រុស្ស៊ីជាប់ពាក់ព័ន្ធក្នុងការបោះឆ្នោតនៅបារាំងពេលនេះ»។
ក្រោយដូណាល់ ត្រាំ ឈ្នះឆ្នោត លោក Burr បានបន្តដឹកនាំការស៊ើបអង្កេតរបស់ព្រឹទ្ធសភាដើម្បីបំបែកសំណុំរឿងដែលចោទថាប្រធានាធិបតីរុស្ស៊ីវ្ល៉ាឌីមៀ ពូទីន ជ្រៀតជ្រែកចូលក្នុងការបោះឆ្នោតអាមេរិក។ សមាជិកព្រឹទ្ធសភារូបនេះបានអះអាងថា រុស្ស៊ីមានលទ្ធភាពធ្វើគ្រប់យ៉ាងដើម្បីបង្កបញ្ហាក្នុងការបោះឆ្នោតរើសមេដឹកនាំនៅអឺរ៉ុប និងជួយបេក្ខជនណាមួយដែលគេពេញចិត្ត។
តាមពិតទៅ បារាំងនឹងរៀបចំការបោះឆ្នោតប្រធានធិបតីជុំទីមួយនៅចុងខែមេសា និងជុំទី ២នៅដើមខែឧសភាខាងមុខនេះ។ បេក្ខជនកណ្តាលនិយមលោក Emmanuel Macron និងបេក្ខជនស្តាំនិយមជ្រុលលោកស្រី Marine Le Pen មានលទ្ធភាពខ្ពស់ក្នុងការឈានទៅការបោះឆ្នោតនេះដែរ។ របាយការណ៍ស្ទង់មតិមួយចំនួនបានបង្ហាញថា លោក Macron នឹងឈ្នះឆ្នោត តែលោកនឹងត្រូវប្រកួតប្រជែងជាមួយលោកស្រី Le Pen នៅក្នុងការបោះឆ្នោតជុំទី ២ នាថ្ងៃ ៨ ឧសភា។
គេបារម្ភថា របបដឹកនាំក្រេមឡាំងអាចនឹងជួយលោកស្រី Marine Le Pen ឲ្យឈ្នះឆ្នោតព្រោះលោកស្រីមាននិន្នាការលម្អៀងមករករុស្ស៊ី និងធ្លាប់សន្យាស្តារទំនាក់ទំនងរវាងបារាំងជាមួយរុស្ស៊ីវិញផងដែរ បើសិនជាលោកស្រីជាប់ឆ្នោត។ អ្វីដែលគួរឲ្យសង្ស័យ លោកស្រីបេក្ខជនប្រធានាធិបតីនេះបានបំពេញទស្សនកិច្ចទៅកាន់រុស្ស៊ី និងជួបជាមួយប្រធានាធិបតីរុស្ស៊ីវ្ល៉ាឌីមៀ ពូទីន ថែមទៀតកាលពីចុងសប្តាហ៍មុន។ ប៉ុន្តែលោក ពូទីន បានបញ្ជាក់ច្បាស់ក្នុងជំនួបនោះថា រុស្ស៊ីគ្មានមូលហេតុអ្វីដែលត្រូវលូកលាន់ឬជ្រៀតជ្រែកក្នុងបញ្ហានយោបាយបារាំងឡើយ៕
សមាជិកព្រឹទ្ធសភាដែលជាប្រធានគណៈកម្មាការចារកម្មលោក Richard Burr បានថ្លែងនៅថ្ងៃពុធទី ២៩ ខែមីនាថា ក្រុងម៉ូស្គូនៅតែបង្ហាញឆន្ទៈពិតប្រាកដមួយក្នុងការលូកលាន់និងបំផ្លាញដំណើរការបោះឆ្នោតនៅបណ្តាប្រទេសលោកខាងលិច។
សមាជិកព្រឹទ្ធសភារូបនេះក៏ព្រមានដែរថា រុស្ស៊ីនឹងលូកលាន់ដំណើរការនៃការបោះឆ្នោតប្រធានាធិបតីបារាំង ដូចដែលរុស្ស៊ីបានធ្វើក្នុងការបោះឆ្នោតប្រធានាធិបតីអាមេរិកកាលពីខែវិច្ឆិកាឆ្នាំមុន។
យោងតាមទីភ្នាក់ងារព័ត៌មាន AFP Richard Burr បានបញ្ជាក់ដូច្នេះ«អ្វីដែលយើងអាចវាយតម្លៃបានគឺ ការលូកលាន់ជាសម្ងាត់ចូលក្នុងការបោះឆ្នោតនៅអាមេរិកឆ្នាំ ២០១៦ ហើយវាក៏អាចមានការជ្រៀតជ្រែករបៀបនេះក្នុងការបោះឆ្នោតនៅបារាំងឬអាល្លឺម៉ង់ដែរ»។
សមាជិកព្រឹទ្ធសភាអាមេរិកខាងលើបន្ថែមថា៖«វាជារឿងសុវត្ថិភាព ដែលគេវាយតម្លៃថា រុស្ស៊ីជាប់ពាក់ព័ន្ធក្នុងការបោះឆ្នោតនៅបារាំងពេលនេះ»។
ក្រោយដូណាល់ ត្រាំ ឈ្នះឆ្នោត លោក Burr បានបន្តដឹកនាំការស៊ើបអង្កេតរបស់ព្រឹទ្ធសភាដើម្បីបំបែកសំណុំរឿងដែលចោទថាប្រធានាធិបតីរុស្ស៊ីវ្ល៉ាឌីមៀ ពូទីន ជ្រៀតជ្រែកចូលក្នុងការបោះឆ្នោតអាមេរិក។ សមាជិកព្រឹទ្ធសភារូបនេះបានអះអាងថា រុស្ស៊ីមានលទ្ធភាពធ្វើគ្រប់យ៉ាងដើម្បីបង្កបញ្ហាក្នុងការបោះឆ្នោតរើសមេដឹកនាំនៅអឺរ៉ុប និងជួយបេក្ខជនណាមួយដែលគេពេញចិត្ត។
តាមពិតទៅ បារាំងនឹងរៀបចំការបោះឆ្នោតប្រធានធិបតីជុំទីមួយនៅចុងខែមេសា និងជុំទី ២នៅដើមខែឧសភាខាងមុខនេះ។ បេក្ខជនកណ្តាលនិយមលោក Emmanuel Macron និងបេក្ខជនស្តាំនិយមជ្រុលលោកស្រី Marine Le Pen មានលទ្ធភាពខ្ពស់ក្នុងការឈានទៅការបោះឆ្នោតនេះដែរ។ របាយការណ៍ស្ទង់មតិមួយចំនួនបានបង្ហាញថា លោក Macron នឹងឈ្នះឆ្នោត តែលោកនឹងត្រូវប្រកួតប្រជែងជាមួយលោកស្រី Le Pen នៅក្នុងការបោះឆ្នោតជុំទី ២ នាថ្ងៃ ៨ ឧសភា។
គេបារម្ភថា របបដឹកនាំក្រេមឡាំងអាចនឹងជួយលោកស្រី Marine Le Pen ឲ្យឈ្នះឆ្នោតព្រោះលោកស្រីមាននិន្នាការលម្អៀងមករករុស្ស៊ី និងធ្លាប់សន្យាស្តារទំនាក់ទំនងរវាងបារាំងជាមួយរុស្ស៊ីវិញផងដែរ បើសិនជាលោកស្រីជាប់ឆ្នោត។ អ្វីដែលគួរឲ្យសង្ស័យ លោកស្រីបេក្ខជនប្រធានាធិបតីនេះបានបំពេញទស្សនកិច្ចទៅកាន់រុស្ស៊ី និងជួបជាមួយប្រធានាធិបតីរុស្ស៊ីវ្ល៉ាឌីមៀ ពូទីន ថែមទៀតកាលពីចុងសប្តាហ៍មុន។ ប៉ុន្តែលោក ពូទីន បានបញ្ជាក់ច្បាស់ក្នុងជំនួបនោះថា រុស្ស៊ីគ្មានមូលហេតុអ្វីដែលត្រូវលូកលាន់ឬជ្រៀតជ្រែកក្នុងបញ្ហានយោបាយបារាំងឡើយ៕
Tag:
Marine Le Pen
Emmanuel Macron
Richard Burr
ការបោះឆ្នោតបារាំង
© រក្សាសិទ្ធិដោយ thmeythmey.com
