អន្តរជាតិ
ប្រធានាធិបតីអស់តំណែង ប៉ាក ហ្គឺនហេ ត្រូវចាប់ខ្លួននិងបញ្ជូនទៅកាន់មន្ទីរឃុំឃាំង
លោកស្រី ប៉ាក ហ្គឺនហេ ត្រូវបញ្ជុនទៅកាន់មន្ទីរឃុំឃាំង (រូបភាព AFP)
×![]()
ដោយ: តន ចាន់រិទ្ធារ៉ា
ទីបំផុត តុលាការកូរ៉េខាងត្បូង បានសម្រេចចិត្តយល់ព្រមឃាត់ខ្លួនអតីតប្រធានាធិបតីកូរ៉េខាងត្បូង ប៉ាក ហ្គឺនហេ ជុំវិញសំណុំរឿងពុករលួយ និងការបំពានអំណាច។ ភ្លាមៗនោះ លោកស្រី ប៉ាក ហ្គឺនហេ ក៏ត្រូវបញ្ជូនទៅកាន់មន្ទីរឃុំឃាំងមួយកន្លែងខាងក្រៅរដ្ឋធានីសេអ៊ូល ដែលនៅទីនោះលោកស្រីអាចត្រូវឃុំខ្លួនរហូតដល់២០ថ្ងៃ ដើម្បីរង់ចាំការស៊ើបអង្កេតការចោទប្រកាន់មកលើលោកស្រី។
ប្រធានាធិបតីអស់តំណែង ប៉ាក ហ្គឺនហេ ត្រូវបានបញ្ជូនទៅកាន់មន្ទីរឃុំឃាំងក្បែរក្រុងសេអ៊ូលនៅព្រឹកថ្ងៃទី៣១ ខែមីនា បន្ទាប់ពីតុលាការឯកភាពតាមសំណើរបស់រដ្ឋអាជ្ញារួចមក។ ក្រោយសវនាការដែលធ្វើឡើងជាច្រើនរាប់ម៉ោង តុលាការតំបន់សេអ៊ូលកណ្ដាល ចេញបញ្ជាឲ្យចាប់ខ្លួនលោកស្រី ប៉ាក លើករណីជាច្រើនដូចជាការទទួលសំណូក, រំលោភអំណាចរដ្ឋ, ការគំរាមកំហែង និងការបែកធ្លាយកិច្ចការសម្ងាត់រដ្ឋជាដើម។
ក្នុងសេចក្ដីប្រកាសរបស់ខ្លួន តុលាការកូរ៉េខាងត្បូងបញ្ជាក់ថា វាជារឿងត្រឹមត្រូវ និងចាំបាច់ដែលត្រូវចាប់ខ្លួនលោកស្រី ប៉ាក ព្រោះការចោទប្រកាន់សំខាន់សុទ្ធតែមានភស្តុតាង។ ម្យ៉ាងទៀត ការចាប់ខ្លួននេះ ក៏ដើម្បីការពារភស្តុតាងផងដែរ។ នេះបើយោងតាមទីភ្នាក់ងារព័ត៌មាន Reuters ដែលផ្សាយទៀតថា លោកស្រី ប៉ាក អាចត្រូវក្នុងមន្ទីរឃុំឃាំងនោះរហូតដល់ទៅ២០ថ្ងៃ អំឡុពេលនៃការស៊ើបអង្កេតកំពុងធ្វើឡើង។
បើតាមប្រភពព័ត៌មានដដែល អតីតប្រធានាធិបតីស្ត្រីទី១រូបនេះ ត្រូវបានបញ្ជូនទៅកាន់កន្លែងឃុំឃាំង ដែលអមមន្ត្រី២នាក់ ក្រោយអង្គុយក្នុងសវនាការដល់ទៅ៨ម៉ោង។ ដូចអ្នកជាប់ឃុំឃាំងដទៃទៀត លោកស្រី ក៏ត្រូវបានផ្លាស់ប្ដូរសម្លៀកបំពាក់អ្នកទោសដែរ។ នេះជារឿងអកុសលមួយរបស់លោកស្រី ប៉ាក ដែលមួយប៉ប្រិចភ្នែកសោះ ក៏ត្រូវអស់តំណែងជាប្រធានាធិបតី និងត្រូវជាប់ខ្លួនក្នុងមន្ទីរឃុំឃាំងទៅទៀត។
លោកស្រី ប៉ាក ដែលជាកូនស្រីអតីតប្រធានាធិបតី ប៉ាក ជុងហ៊ី ក្លាយជាមេដឹកនាំកូរ៉េខាងត្បូងទី៣ ដែលត្រូវចាប់ខ្លួន។ ប៉ុន្តែដោយសាររឿងអាស្រូវពុករលួយ បាតុកររាប់លាននាក់ បានទាមទារឲ្យលោកស្រី លាលែងពីតំណែង ដើម្បីប្រឈមមុខតាមផ្លូវច្បាប់។ លោកស្រី ត្រូវបានចោទប្រកាន់ថាបានសមគំនិតជាមួយលោកស្រី Choi Soon-sil ជាមិត្តភក្តិជិតស្និទ្ធ ក្នុងការបង្ខំឲ្យក្រុមហ៊ុនក្នុងស្រុកបរិច្ចាគប្រាក់រាប់លានដុល្លារចូលមូលនិធិរបស់ខ្លួន។
បន្ទាប់ពីការតវ៉ាជាច្រើន សភាកូរ៉េខាងត្បូង ក៏បោះឆ្នោតទម្លាក់តំណែងលោកស្រីនៅថ្ងៃទី៩ ខែធ្នូ ហើយតុលាការធម្មនុញ្ញក៏ឯកភាពលើការបោះឆ្នោតនេះនៅថ្ងៃទី១០ ខែមីនា ដែលធ្វើឲ្យលោកស្រីអស់អភ័យឯកសិទ្ធិតែម្ដង។ ការទម្លាក់តំណែងលោកស្រី ក៏ធ្វើឲ្យមានចន្លោះប្រហោងនៃការដឹកនាំប្រទេស បើទោះជានាយករដ្ឋមន្ត្រី Hwang Kyo-anh កាន់តំណែងប្រធានាធិបតីស្តីទី ខណៈការបោះឆ្នោតជ្រើសរើសប្រធានធិបតីថ្មី ត្រូវរៀបចំនៅខែឧសភាឯណោះ៕
ប្រធានាធិបតីអស់តំណែង ប៉ាក ហ្គឺនហេ ត្រូវបានបញ្ជូនទៅកាន់មន្ទីរឃុំឃាំងក្បែរក្រុងសេអ៊ូលនៅព្រឹកថ្ងៃទី៣១ ខែមីនា បន្ទាប់ពីតុលាការឯកភាពតាមសំណើរបស់រដ្ឋអាជ្ញារួចមក។ ក្រោយសវនាការដែលធ្វើឡើងជាច្រើនរាប់ម៉ោង តុលាការតំបន់សេអ៊ូលកណ្ដាល ចេញបញ្ជាឲ្យចាប់ខ្លួនលោកស្រី ប៉ាក លើករណីជាច្រើនដូចជាការទទួលសំណូក, រំលោភអំណាចរដ្ឋ, ការគំរាមកំហែង និងការបែកធ្លាយកិច្ចការសម្ងាត់រដ្ឋជាដើម។
ក្នុងសេចក្ដីប្រកាសរបស់ខ្លួន តុលាការកូរ៉េខាងត្បូងបញ្ជាក់ថា វាជារឿងត្រឹមត្រូវ និងចាំបាច់ដែលត្រូវចាប់ខ្លួនលោកស្រី ប៉ាក ព្រោះការចោទប្រកាន់សំខាន់សុទ្ធតែមានភស្តុតាង។ ម្យ៉ាងទៀត ការចាប់ខ្លួននេះ ក៏ដើម្បីការពារភស្តុតាងផងដែរ។ នេះបើយោងតាមទីភ្នាក់ងារព័ត៌មាន Reuters ដែលផ្សាយទៀតថា លោកស្រី ប៉ាក អាចត្រូវក្នុងមន្ទីរឃុំឃាំងនោះរហូតដល់ទៅ២០ថ្ងៃ អំឡុពេលនៃការស៊ើបអង្កេតកំពុងធ្វើឡើង។
បើតាមប្រភពព័ត៌មានដដែល អតីតប្រធានាធិបតីស្ត្រីទី១រូបនេះ ត្រូវបានបញ្ជូនទៅកាន់កន្លែងឃុំឃាំង ដែលអមមន្ត្រី២នាក់ ក្រោយអង្គុយក្នុងសវនាការដល់ទៅ៨ម៉ោង។ ដូចអ្នកជាប់ឃុំឃាំងដទៃទៀត លោកស្រី ក៏ត្រូវបានផ្លាស់ប្ដូរសម្លៀកបំពាក់អ្នកទោសដែរ។ នេះជារឿងអកុសលមួយរបស់លោកស្រី ប៉ាក ដែលមួយប៉ប្រិចភ្នែកសោះ ក៏ត្រូវអស់តំណែងជាប្រធានាធិបតី និងត្រូវជាប់ខ្លួនក្នុងមន្ទីរឃុំឃាំងទៅទៀត។
លោកស្រី ប៉ាក ដែលជាកូនស្រីអតីតប្រធានាធិបតី ប៉ាក ជុងហ៊ី ក្លាយជាមេដឹកនាំកូរ៉េខាងត្បូងទី៣ ដែលត្រូវចាប់ខ្លួន។ ប៉ុន្តែដោយសាររឿងអាស្រូវពុករលួយ បាតុកររាប់លាននាក់ បានទាមទារឲ្យលោកស្រី លាលែងពីតំណែង ដើម្បីប្រឈមមុខតាមផ្លូវច្បាប់។ លោកស្រី ត្រូវបានចោទប្រកាន់ថាបានសមគំនិតជាមួយលោកស្រី Choi Soon-sil ជាមិត្តភក្តិជិតស្និទ្ធ ក្នុងការបង្ខំឲ្យក្រុមហ៊ុនក្នុងស្រុកបរិច្ចាគប្រាក់រាប់លានដុល្លារចូលមូលនិធិរបស់ខ្លួន។
បន្ទាប់ពីការតវ៉ាជាច្រើន សភាកូរ៉េខាងត្បូង ក៏បោះឆ្នោតទម្លាក់តំណែងលោកស្រីនៅថ្ងៃទី៩ ខែធ្នូ ហើយតុលាការធម្មនុញ្ញក៏ឯកភាពលើការបោះឆ្នោតនេះនៅថ្ងៃទី១០ ខែមីនា ដែលធ្វើឲ្យលោកស្រីអស់អភ័យឯកសិទ្ធិតែម្ដង។ ការទម្លាក់តំណែងលោកស្រី ក៏ធ្វើឲ្យមានចន្លោះប្រហោងនៃការដឹកនាំប្រទេស បើទោះជានាយករដ្ឋមន្ត្រី Hwang Kyo-anh កាន់តំណែងប្រធានាធិបតីស្តីទី ខណៈការបោះឆ្នោតជ្រើសរើសប្រធានធិបតីថ្មី ត្រូវរៀបចំនៅខែឧសភាឯណោះ៕
Tag:
កូរ៉េខាងត្បូង
ប៉ាក ហ្គឺនហេ
© រក្សាសិទ្ធិដោយ thmeythmey.com
