អន្តរជាតិ
អាមេរិក ចង់ចាប់ដៃពួកឃើដស៊ីរីដើម្បីរំដោះក្រុង Raqqa តែចិត្តមិនដាច់ពីតួកគី
រដ្ឋមន្ត្រីការបរទេសអាមេរិក Rex Tillerson និងសមភាគីតួកគី Mevlut Casuvoglu (រូបភាពពីហ្វេសប៊ុកក្រសួងការបរទេសអាមេរិក)
×![]()
ដោយ: តន ចាន់រិទ្ធារ៉ា
រដ្ឋមន្ត្រីការបរទេសអាមេរិក Rex Tillerson បានបញ្ចប់ទស្សនកិច្ចលើកដំបូងទៅកាន់តួកគី ក្នុងន័យពង្រឹងមិត្តភាពជាមួយសមាជិកសម្ព័ន្ធយោធាណាតូមួយនេះ។ អាមេរិក មិនសូវស្ងប់ចិត្តឡើយ ពេលឃើញតួកគីជិតស្និទ្ធខ្លាំងជាមួយរុស្ស៊ី ដែលកំពុងមិនត្រូវគ្នាជាមួយណាតូនោះ។ ក្រៅពីរឿងការទូត ទស្សនកិច្ចរបស់លោក Tillerson ពេលនេះ ត្រូវគ្របដណ្ដប់ដោយប្រធានបទក្រុមសកម្មជនឃើដស៊ីរី ដែលជាតួអង្គសំខាន់ក្នុងការកម្ទេចក្រុមរដ្ឋឥស្លាម តែត្រូវតួកគីចាត់ទុកជាក្រុមភេរវកម្មទៅវិញ។
អាមេរិក និងតួកគី នៅតែខ្វែងគំនិតគ្នា ជុំវិញតួនាទីរបស់ក្រុមឧទ្ទាមឃើដស៊ីរីក្នុងយុទ្ធនាការបោសសម្អាតក្រុមរដ្ឋឥស្លាម។ អាមេរិក កំពុងរៀបចំផែនការដើម្បីវាយរំដោះទីក្រុង Raqqa ដែលត្រូវចាត់ទុកជារដ្ឋធានីរបស់ក្រុមរដ្ឋឥស្លាមនៅស៊ីរី តែនៅមិនទាន់ច្បាស់ថា ត្រូវចាប់ដៃប្រយុទ្ធជាមួយសកម្មជនឃើដស៊ីរី ឬក្រុមឧទ្ទាមគាំទ្រដោយតួកគី។ ម្យ៉ាងតួកគីចង់សហការជាមួយអាមេរិក ដើម្បីកម្ទេចក្រុមជ្រុលនិយម តែអាមេរិកជាអ្នកនៅពីក្រោយក្រុមឃើដក្នុងការប្រយុទ្ធកន្លងមក។
ជាមួយគំនិតមិនត្រូវគ្នានេះ ក្រុងវ៉ាស៊ីនតោន និងក្រុងអង់ការ៉ា មិនទាន់សម្រេចចិត្តយ៉ាងណាឡើយ ហើយរដ្ឋមន្ត្រីការបរទេស Rex Tillerson ដែលទើបបញ្ចប់ទស្សនកិច្ចនៅតួកគីនិយាយថា នេះជារឿងដ៏ពិបាកសម្រេចចិត្តមួយ។ នេះ ក៏ព្រោះតែតួកគីមិនពេញចិត្តទាល់តែសោះ ចំពោះការចម្រើនយ៉ាងខ្លាំងរបស់កងកម្លាំងឃើដស៊ីរី ដែលខ្លួនចាត់ទុកជាក្រុមភេរវកម្មមានទំនាក់ទំនងជាក្រុមឃើដតួកគី។ ការកើនឡើងឥទ្ធិពលរបស់ពួកឃើដក្បែរព្រំដែនរបស់ខ្លួន មិនមែនជារឿងតួកគីអាចស្ងប់ចិត្តឡើយ។
បើទោះជាកំពុងរារែកក្នុងការរើសដៃគូដើម្បីវាយក្រុមរដ្ឋឥស្លាម អាមេរិកហាក់មានជម្រើសក្នុងចិត្តរួចទៅហើយ។ រយៈពេលថ្មីៗនេះ អាមេរិកបានជញ្ជូនក្រុមសកម្មជនឃើដទៅកាន់តំបន់ខ្សែត្រៀមជួរមុខជាមួយអ្នកជំនាញយោធាអាមេរិកជាច្រើននាក់ ដើម្បីត្រៀមរំដោះក្រុង Raqqa ។ បើតាមសារព័ត៌មាន Al Jazeera ប្រមុខការទូតអាមេរិក និងសមភាគីតួកគី Mevlut Cavusoglu ក៏មានជម្រើសមួយចំនួនសម្រាប់ប្រតិបត្តិការនេះ តែមិនអាចសម្រេចបានកិច្ចព្រមព្រៀងអ្វីទេ។
ចំពោះមុខលោក Tillerson ប្រមុខការទូតតួកគី Cavusoglu ក៏បានលើកឡើងពីការមិនពេញចិត្តរបស់តួកគី ជុំវិញចំណងស្អិតល្មួតរវាងអាមេរិក និងក្រុមឃើដស៊ីរី នាពេលកន្លងមក។ ទំនាក់ទំនងរវាងអាមេរិក និងក្រុមឃើដ ដែលតួកគីចាត់ទុកជាក្រុមភេរវកម្ម ប៉ះពាល់ខ្លាំងទំនុកចិត្តប្រជាជនតួកគីលើទំនាក់ទំនងជាមួយអាមេរិក។ លើសពីនេះ តួកគីចង់ឲ្យអាមេរិកបោះបង់ក្រុមឃើដ និងត្រូវឈប់គាំទ្រក្រុមនេះទៀត បើចង់រក្សាទំនាក់ទំនងទ្វេភាគីឲ្យប្រសើរឡើងវិញ។
កម្លាំងប្រយុទ្ធរបស់ក្រុមឧទ្ទាមឃើដស៊ីរី កើនឡើងខ្លាំងដោយមានជំនួយពីអាមេរិក ហើយកើនឡើងខ្លាំងរហូតធ្វើឲ្យតួកគីបារម្ភថាក្រុមនេះអាចបង្កើតរដ្ឋលើទឹកដីដែលខ្លួនដណ្ដើមបានតាមបណ្ដោយព្រំដែនតួកគី-ស៊ីរីទៀតផង។ ដោយសាររឿងនេះ តួកគីក៏ចេញប្រតិបត្តិការយោធាមួយ ដើម្បីបង្អាក់ការរីកចម្រើនរបស់ក្រុមឃើដស៊ីរី និងរារាំងពួកគេពីការចងសម្ព័ន្ធជាមួយក្រុមឃើដតួកគី ដែលតួកគីដាក់ក្នុងបញ្ជីភេរកម្មទៅហើយ៕
អាមេរិក និងតួកគី នៅតែខ្វែងគំនិតគ្នា ជុំវិញតួនាទីរបស់ក្រុមឧទ្ទាមឃើដស៊ីរីក្នុងយុទ្ធនាការបោសសម្អាតក្រុមរដ្ឋឥស្លាម។ អាមេរិក កំពុងរៀបចំផែនការដើម្បីវាយរំដោះទីក្រុង Raqqa ដែលត្រូវចាត់ទុកជារដ្ឋធានីរបស់ក្រុមរដ្ឋឥស្លាមនៅស៊ីរី តែនៅមិនទាន់ច្បាស់ថា ត្រូវចាប់ដៃប្រយុទ្ធជាមួយសកម្មជនឃើដស៊ីរី ឬក្រុមឧទ្ទាមគាំទ្រដោយតួកគី។ ម្យ៉ាងតួកគីចង់សហការជាមួយអាមេរិក ដើម្បីកម្ទេចក្រុមជ្រុលនិយម តែអាមេរិកជាអ្នកនៅពីក្រោយក្រុមឃើដក្នុងការប្រយុទ្ធកន្លងមក។
ជាមួយគំនិតមិនត្រូវគ្នានេះ ក្រុងវ៉ាស៊ីនតោន និងក្រុងអង់ការ៉ា មិនទាន់សម្រេចចិត្តយ៉ាងណាឡើយ ហើយរដ្ឋមន្ត្រីការបរទេស Rex Tillerson ដែលទើបបញ្ចប់ទស្សនកិច្ចនៅតួកគីនិយាយថា នេះជារឿងដ៏ពិបាកសម្រេចចិត្តមួយ។ នេះ ក៏ព្រោះតែតួកគីមិនពេញចិត្តទាល់តែសោះ ចំពោះការចម្រើនយ៉ាងខ្លាំងរបស់កងកម្លាំងឃើដស៊ីរី ដែលខ្លួនចាត់ទុកជាក្រុមភេរវកម្មមានទំនាក់ទំនងជាក្រុមឃើដតួកគី។ ការកើនឡើងឥទ្ធិពលរបស់ពួកឃើដក្បែរព្រំដែនរបស់ខ្លួន មិនមែនជារឿងតួកគីអាចស្ងប់ចិត្តឡើយ។
បើទោះជាកំពុងរារែកក្នុងការរើសដៃគូដើម្បីវាយក្រុមរដ្ឋឥស្លាម អាមេរិកហាក់មានជម្រើសក្នុងចិត្តរួចទៅហើយ។ រយៈពេលថ្មីៗនេះ អាមេរិកបានជញ្ជូនក្រុមសកម្មជនឃើដទៅកាន់តំបន់ខ្សែត្រៀមជួរមុខជាមួយអ្នកជំនាញយោធាអាមេរិកជាច្រើននាក់ ដើម្បីត្រៀមរំដោះក្រុង Raqqa ។ បើតាមសារព័ត៌មាន Al Jazeera ប្រមុខការទូតអាមេរិក និងសមភាគីតួកគី Mevlut Cavusoglu ក៏មានជម្រើសមួយចំនួនសម្រាប់ប្រតិបត្តិការនេះ តែមិនអាចសម្រេចបានកិច្ចព្រមព្រៀងអ្វីទេ។
ចំពោះមុខលោក Tillerson ប្រមុខការទូតតួកគី Cavusoglu ក៏បានលើកឡើងពីការមិនពេញចិត្តរបស់តួកគី ជុំវិញចំណងស្អិតល្មួតរវាងអាមេរិក និងក្រុមឃើដស៊ីរី នាពេលកន្លងមក។ ទំនាក់ទំនងរវាងអាមេរិក និងក្រុមឃើដ ដែលតួកគីចាត់ទុកជាក្រុមភេរវកម្ម ប៉ះពាល់ខ្លាំងទំនុកចិត្តប្រជាជនតួកគីលើទំនាក់ទំនងជាមួយអាមេរិក។ លើសពីនេះ តួកគីចង់ឲ្យអាមេរិកបោះបង់ក្រុមឃើដ និងត្រូវឈប់គាំទ្រក្រុមនេះទៀត បើចង់រក្សាទំនាក់ទំនងទ្វេភាគីឲ្យប្រសើរឡើងវិញ។
កម្លាំងប្រយុទ្ធរបស់ក្រុមឧទ្ទាមឃើដស៊ីរី កើនឡើងខ្លាំងដោយមានជំនួយពីអាមេរិក ហើយកើនឡើងខ្លាំងរហូតធ្វើឲ្យតួកគីបារម្ភថាក្រុមនេះអាចបង្កើតរដ្ឋលើទឹកដីដែលខ្លួនដណ្ដើមបានតាមបណ្ដោយព្រំដែនតួកគី-ស៊ីរីទៀតផង។ ដោយសាររឿងនេះ តួកគីក៏ចេញប្រតិបត្តិការយោធាមួយ ដើម្បីបង្អាក់ការរីកចម្រើនរបស់ក្រុមឃើដស៊ីរី និងរារាំងពួកគេពីការចងសម្ព័ន្ធជាមួយក្រុមឃើដតួកគី ដែលតួកគីដាក់ក្នុងបញ្ជីភេរកម្មទៅហើយ៕
Tag:
ឃើដ
Rex Tillerson
Mevlut Cavusoglu
© រក្សាសិទ្ធិដោយ thmeythmey.com
