អន្តរជាតិ
×![]()
ដោយ: ថ្មីៗ
ប្រធានាធិបតីរុស្ស៊ីលោក វ្ល៉ាឌីមៀ ពូទីន រំពឹងថា កិច្ចប្រជុំកំពូលរដ្ឋអាកទិក នៅខែកញ្ញានៅប្រទេសហ្វាំងឡង់ អាចនឹងក្លាយជាឱកាសសមស្របបំផុតមួយសម្រាប់លោកជួបជាមួយប្រធានាធិបតី ដូណាល់ ត្រាំ។ បើសិនជាមិនមានជំនួបលើកនេះ ត្រាំនិងពូទីនអាចជួបគ្នានៅកិច្ចប្រជុំប្រទេស ២០នៅអាល្លឺម៉ង់នាខែកក្កដាខាងមុខ។
តាំងពីឡើងកាន់តំណែងខែមករា លោក ដូណាល់ ត្រាំ មិនដែលជួបលោក វ្ល៉ាឌីមៀ ពូទីន ផ្ទាល់សោះ ថ្វីបើលោកធ្លាប់សរសើរមិនដាច់ពីមាត់និងនិយាយទូរសព្ទជាមួយគ្នាផងក៏ដោយ។ ទាំងលោក ត្រាំ និងលោក ពូទីន សុទ្ធតែចង់ជួបមុខគ្នាផ្ទាល់និងពិភាក្សាពីការលើកស្ទួយទំនាក់ទំនងការទូតដែលល្អក់ករកអស់ពេលច្រើនឆ្នាំមកនោះ។
ថ្លែងក្នុងវេទិកាអន្តរជាតិអាកទិកដែលរៀបចំឡើងទីក្រុង Arkhangelsk លោក វ្ល៉ាឌីមៀ ពូទីន បង្ហើបថា កិច្ចប្រជុំរដ្ឋអាកទិកនៅហ្វាំងឡង់នាខែកញ្ញានឹងក្លាយជាពេលវេលាសមស្របបំផុតសម្រាប់លោកនិងលោក ដូណាល់ ត្រាំ ជួបពិភាក្សាគ្នា។
ពេលសួរថា តើវាអាចទៅរួចទៅដែលលោកនិងលោក ត្រាំ អាចជួបគ្នានៅហ្វាំងឡង់ ពូទីន ឆ្លើយតបថា៖«ខ្ញុំជឿជាក់ថា ហ្វាំងឡង់ស័ក្តិសមសម្រាប់ជំនួបនេះ ហើយក្រុង Helsinki គឺជាទីតាំងងាយស្រួលបំផុតសម្រាប់រៀបចំកិច្ចភាក្សាឬកម្មវិធីស្រដៀងគ្នានេះ។
ទោះជាបែបនេះក្តីលោកយល់ថា រាល់ជំនួបរវាងលោកនិងលោក ដូណាល់ ត្រាំ គួរតែត្រូវរៀបចំឡើងដោយមានការឯកភាពនិងសហការគ្នារវាភាគីទាំងសងខាង។ បន្ថែមពីនេះ លោកពូទីន យល់ថា បើសិនជាមិនអាចរៀបចំនៅខែកញ្ញានៅហ្វាំងឡង់បានទេ ជំនួបទ្វេភាគីនេះអាចប្តូរមកធ្វើឡើងនៅក្រៅកិច្ចប្រជុំប្រទេស ២០នៅអាល្លឺម៉ង់ខែកក្កដាវិញក៏បាន។
សារព័ត៌មាន RT បានស្រង់សម្តីលោក ពូទីន ថា៖ «បើសិនបើមានជំនួបនៅហ្វាំងឡង់មែន ខ្ញុំផ្ទាល់សប្បាយរីករាយនឹងចូលរួមក្នុងជំនួបជាមួយលោក ដូណាល់ ត្រាំ។ ប្រសិនបើវាមិនអាចកើតឡើងនៅហ្វាំងឡង់ទេ ជំនួបទ្វេភាគីនេះអាចនឹងកើតឡើងនៅក្រោមក្របខណ្ឌនៃកិច្ចប្រជុំប្រទេស ២០ នៅប្រទេសអាល្លឺម៉ង់នៅខែកក្កដាខាងមុខ»។
គេរំពឹងថាជំនួបជាផ្លូវការរវាងមេដឹកនាំទាំងពីរអាចនឹងជួយស្តារឡើងវិញនូវទំនាក់ទំនងដ៏ល្អក់កកររយៈពេលប៉ុន្មានឆ្នាំមកនេះផងដែរ។ របបដឹកនាំក្រេមឡាំងហាក់ដូចជាត្រៀមខ្លួនរួចស្រេចដើម្បីស្តារទំនាក់ទំនងការទូតជាមួយក្រុងវ៉ាស៊ីនតោនក្រោមអាណត្តិលោក ដូណាល់ ត្រាំ។
កិច្ចប្រជុំកំពូលរដ្ឋអាកទិនេះនឹងត្រូវរៀបចំឡើងនៅរដ្ឋធានី Helsinki ចាប់ពីថ្ងៃ ១៨ ដល់ថ្ងៃ ២០ខែកញ្ញាឆ្នាំ ២០១៧នេះ។ ប្រធានាធិបតីហ្វាំងឡង់លោក Sauli Niinisto បានបញ្ជាក់ផងដែរថា ប្រទេសរបស់លោកពិតជារីករាយនិងមានមោទនភាពក្នុងការរៀបចំកិច្ចប្រជុំកំពូលដ៏សំខាន់នេះ៕
តាំងពីឡើងកាន់តំណែងខែមករា លោក ដូណាល់ ត្រាំ មិនដែលជួបលោក វ្ល៉ាឌីមៀ ពូទីន ផ្ទាល់សោះ ថ្វីបើលោកធ្លាប់សរសើរមិនដាច់ពីមាត់និងនិយាយទូរសព្ទជាមួយគ្នាផងក៏ដោយ។ ទាំងលោក ត្រាំ និងលោក ពូទីន សុទ្ធតែចង់ជួបមុខគ្នាផ្ទាល់និងពិភាក្សាពីការលើកស្ទួយទំនាក់ទំនងការទូតដែលល្អក់ករកអស់ពេលច្រើនឆ្នាំមកនោះ។
ថ្លែងក្នុងវេទិកាអន្តរជាតិអាកទិកដែលរៀបចំឡើងទីក្រុង Arkhangelsk លោក វ្ល៉ាឌីមៀ ពូទីន បង្ហើបថា កិច្ចប្រជុំរដ្ឋអាកទិកនៅហ្វាំងឡង់នាខែកញ្ញានឹងក្លាយជាពេលវេលាសមស្របបំផុតសម្រាប់លោកនិងលោក ដូណាល់ ត្រាំ ជួបពិភាក្សាគ្នា។
ពេលសួរថា តើវាអាចទៅរួចទៅដែលលោកនិងលោក ត្រាំ អាចជួបគ្នានៅហ្វាំងឡង់ ពូទីន ឆ្លើយតបថា៖«ខ្ញុំជឿជាក់ថា ហ្វាំងឡង់ស័ក្តិសមសម្រាប់ជំនួបនេះ ហើយក្រុង Helsinki គឺជាទីតាំងងាយស្រួលបំផុតសម្រាប់រៀបចំកិច្ចភាក្សាឬកម្មវិធីស្រដៀងគ្នានេះ។
ទោះជាបែបនេះក្តីលោកយល់ថា រាល់ជំនួបរវាងលោកនិងលោក ដូណាល់ ត្រាំ គួរតែត្រូវរៀបចំឡើងដោយមានការឯកភាពនិងសហការគ្នារវាភាគីទាំងសងខាង។ បន្ថែមពីនេះ លោកពូទីន យល់ថា បើសិនជាមិនអាចរៀបចំនៅខែកញ្ញានៅហ្វាំងឡង់បានទេ ជំនួបទ្វេភាគីនេះអាចប្តូរមកធ្វើឡើងនៅក្រៅកិច្ចប្រជុំប្រទេស ២០នៅអាល្លឺម៉ង់ខែកក្កដាវិញក៏បាន។
សារព័ត៌មាន RT បានស្រង់សម្តីលោក ពូទីន ថា៖ «បើសិនបើមានជំនួបនៅហ្វាំងឡង់មែន ខ្ញុំផ្ទាល់សប្បាយរីករាយនឹងចូលរួមក្នុងជំនួបជាមួយលោក ដូណាល់ ត្រាំ។ ប្រសិនបើវាមិនអាចកើតឡើងនៅហ្វាំងឡង់ទេ ជំនួបទ្វេភាគីនេះអាចនឹងកើតឡើងនៅក្រោមក្របខណ្ឌនៃកិច្ចប្រជុំប្រទេស ២០ នៅប្រទេសអាល្លឺម៉ង់នៅខែកក្កដាខាងមុខ»។
គេរំពឹងថាជំនួបជាផ្លូវការរវាងមេដឹកនាំទាំងពីរអាចនឹងជួយស្តារឡើងវិញនូវទំនាក់ទំនងដ៏ល្អក់កកររយៈពេលប៉ុន្មានឆ្នាំមកនេះផងដែរ។ របបដឹកនាំក្រេមឡាំងហាក់ដូចជាត្រៀមខ្លួនរួចស្រេចដើម្បីស្តារទំនាក់ទំនងការទូតជាមួយក្រុងវ៉ាស៊ីនតោនក្រោមអាណត្តិលោក ដូណាល់ ត្រាំ។
កិច្ចប្រជុំកំពូលរដ្ឋអាកទិនេះនឹងត្រូវរៀបចំឡើងនៅរដ្ឋធានី Helsinki ចាប់ពីថ្ងៃ ១៨ ដល់ថ្ងៃ ២០ខែកញ្ញាឆ្នាំ ២០១៧នេះ។ ប្រធានាធិបតីហ្វាំងឡង់លោក Sauli Niinisto បានបញ្ជាក់ផងដែរថា ប្រទេសរបស់លោកពិតជារីករាយនិងមានមោទនភាពក្នុងការរៀបចំកិច្ចប្រជុំកំពូលដ៏សំខាន់នេះ៕
Tag:
វ្ល៉ាឌីមៀ ពូទីន
ដូណាល់ ត្រាំ
ហ្វាំងឡង់
Summit of Arctic Countries
© រក្សាសិទ្ធិដោយ thmeythmey.com
