ស្វាយរៀងស្វាគមន៍ប៉ូលិស ឯទ័ពប៉ះស៊ីម៉ាក់ក្រោយវេស្ទើនស្វាគមន៍ណាហ្គាវើល

កីឡាជាតិ

ជាតិ

ស្វាយរៀងស្វាគមន៍ប៉ូលិស ឯទ័ពប៉ះស៊ីម៉ាក់ក្រោយវេស្ទើនស្វាគមន៍ណាហ្គាវើល

01, Apr 2017 , 1:34 pm

រូបភាព

ដោយ:

ក្រោយសម្រាកអស់រយៈពេលមួយសប្តាហ៍ដោយសារកីឡាករសំខាន់ៗនៅតាមក្លិបនីមួយៗជាប់បំពេញបេសកកម្មក្នុងក្រុមជម្រើសជាតិកម្ពុជាក្នុងវគ្គជម្រុះពូល C នៃពានរង្វាន់ AFC Asian Cup 2019។ ពានរង្វាន់ក្របខណ្ឌលីកកំពូលកម្ពុជាបានបន្តការប្រកួតរបស់ខ្លួន ដោយនៅថ្ងៃទី១ ខែមេសា នេះ មានការប្រកួតចំនួន៣គូ ដែលធ្វើនៅលើទីលាន៣ផ្សេងៗគ្នា។

ក្រុមឈរកំពូលតារាងព្រះខ័នរាជស្វាយរៀង នឹងបើកទ្វារកីឡដ្ឋានខេត្តស្វាយរៀង ដើម្បីស្វាគមន៍ក្រុមភ្ញៀវអគ្គស្នងការនគរបាលជាតិ(ប៉ូលិស)នាវេលាម៉ោង៦ល្ងាច ក្នុងវគ្គសន្សំពិន្ទុសប្តាហ៍ទី៦នៃពានរង្វាន់ក្រមខណ្ឌមិត្តហ្វូនខេមបូឌានលីកឆ្នាំ២០១៧។ ព្រះខ័នរាជស្វាយរៀងត្រូវការឈ្នះដាច់ខាតលើក្រុមប៉ូលិស ដើម្បីបង្កើនគម្លាតនៃការប្រជែងពីក្រុមក្រសួងការពារជាតិ។ ដូច្នេះការប្រកួតនេះ នឹងក្លាយជាជំនួបមួយដ៏ស្វិតស្វាញ និងជក់ចិត្តបំផុត ព្រោះក្រុមទាំងពីរសុទ្ធតែមានទម្រង់លេងល្អដូចគ្នា។

បច្ចុប្បន្នព្រះខ័នរាជស្វាយរៀងឈរកំពូលតារាងប្រចាំសប្តាហ៍ទី៥ដោយមាន១៣ពិន្ទុ ខណៈគូប្រជែងដណ្តើមកំពូលតារាងក្រសួងការពារជាតិ(ទ័ព)កំពុងឈរលេខរៀងទី២ដោយមាន១១ពិន្ទុ។ តែយ៉ាងណា ទ័ពហាក់ដូចមានភាគរយខ្ពស់ជាងក្នុងការទទួលបាន៣ពិន្ទុបន្ថែម ព្រោះក្រុមនេះ នឹងបើកទ្វារកីឡដ្ឋានស្តាតចាស់ស្វាគមន៍ក្រុមស៊ីម៉ាក់នាវេលាម៉ោង៦ល្ងាចនេះ។

មុនជំនួបទាំងពីរខាងលើកើតឡើង នាវេលាម៉ោង៣រសៀលនេះ ក្រុមវេសើ្ទនភ្នំពេញនឹងបើកទ្វារកីឡដ្ឋានរបស់ខ្លួន ដើម្បីស្វាគមន៍ក្រុមភ្ញៀវណាហ្គាវើល។ ចំណែកក្រុមការពារតំណែងជើងឯក បឹងកេតអង្គរ តទល់ជាមួយម្ចាស់ផ្ទះគីរីសុខសែនជ័យនាវេលាម៉ោង៣រសៀលដូចគ្នា៕