អន្តរជាតិ
រថក្រោះធុន VT4 ដែលថៃគ្រោងទិញពីចិន (រូបភាព Defense Blog)
×![]()
ដោយ: តន ចាន់រិទ្ធារ៉ា
ផលិតផលយោធារបស់ចិន កំពុងមានទីផ្សារខ្លាំងក្នុងចំណោមអតិថិជននៅតំបន់អាស៊ាន។ ក្រោយសម្រេចចិត្តទិញនាវាមុជទឹក ពេលនេះរដ្ឋាភិបាលថៃ ក៏អនុម័តគម្រោងទិញរថក្រោះចំនួន១០គ្រឿងដែលផលិតដោយចិន ដើម្បីប្រើជំនួសរថក្រោះអាមេរិកដែលចាស់ និងមានទំហំតូច។ គម្រោងទិញរថក្រោះទាំង១០គ្រឿងនេះ ជាជំហានទី២នៃគម្រោងទិញរថក្រោះចំនួន៤៩គ្រឿងរបស់របបសឹកថៃ ដើម្បីការពារសន្តិសុខរបស់ខ្លួន។
អ្នកនាំពាក្យរដ្ឋាភិបាលថៃនិយាយនៅថ្ងៃទី៤ ខែមេសា ថា គណៈរដ្ឋមន្ត្រីបានយល់ព្រមទិញរថក្រោះផលិតនៅចិនចំនួន១០គ្រឿង។ រដ្ឋាភិបាលយោធាថៃ បានបញ្ជាទិញរថក្រោះពីចិនចំនួន២៨គ្រឿងកាលពីឆ្នាំមុន ដើម្បីប្រើជំនួសរថក្រោះរបស់អាមេរិក ដែលចូលបម្រើក្នុងវិស័យការពារជាតិអស់ពេលជាច្រើនឆ្នាំមកហើយ។
បើតាមទីភ្នាក់ងារព័ត៌មាន Reuters លោក Sansern Kaewkamnerd ជាអ្នកនាំពាក្យ បានបញ្ជាក់ថា រថក្រោះថ្មីនឹងចូលជំនួសរថក្រោះធុន M41 របស់អាមេរិក ដែលមានទំហំតូច ហើយក៏ដូចជាហួសសម័យដែរ។ ចំណែកឧបនាយករដ្ឋមន្ត្រី និងជារដ្ឋមន្ត្រីការពារជាតិថៃ Prawit Wongsuwan និយាយដែរ យោធាថៃ បានប្រើប្រាស់រថក្រោះរបស់អាមេរិក តាំងពីសម័យសង្គ្រាមលោកលើកទី២ មកម្ល៉េះ។
ការទិញឧបករណ៍សង្គ្រាមផលិតនៅចិនពេលនេះ បង្ហាញកាន់តែច្បាស់ពីការរីកចម្រើននៃទំនាក់ទំនងទ្វេភាគីរវាងចិន និងសម្ព័ន្ធមិត្តចាស់វស្សារបស់អាមេរិកនៅអាស៊ីអាគ្នេយ៍។ ទំនាក់ទំនងនេះជិតស្និទ្ធកាន់តែខ្លាំង ក្រោយក្រុមយោធាក្ដោបអំណាចតាមរយៈរដ្ឋប្រហារឆ្នាំ២០១៤ ដែលរងការរិះគន់ពីអាមេរិក។ ចាប់ពីពេលនោះមក សម្ព័ន្ធភាពអាមេរិក និងថៃ ក៏ចាប់ផ្ដើមល្អក់កករជាមួយគ្នាដែរ។
ក្រៅពីរថក្រោះ រដ្ឋាភិបាលថៃ ក៏សម្រេចចិត្តនាវាមុជទឹកមួយគ្រឿងពីចិនក្នុងតម្លៃ៣៨០លានដុល្លារ ហើយកំពុងពិចារណារកទិញចំនួន៣គ្រឿងបន្ថែមទៀត។ បើទោះជាគម្រោងទិញនាវាមុជរងការរិះគន់ក្ដី របបយោធាថៃ នៅតែបន្តផែនការរបស់ខ្លួនដដែល ដោយអះអាងថា ការទិញនាវាមុជទឹកធ្វើឡើងដោយសារតែថៃរងការគំរាមកំហែងខ្លាំង។
មិនខុសពីថៃដែរ ទំនាក់ទំនងរវាងអាមេរិក និងរដ្ឋសមាជិកអាស៊ានមួយចំនួនទៀត ក៏មិនសូវល្អដែរ។ ជាក់ស្ដែង ទំនាក់ទំនងរវាងអាមេរិក និងហ្វីលីពីន ធ្លាក់ចុះកាន់ខ្លាំង ក្រោយការកាន់អំណាចរបស់ប្រធានាធិបតី Rodrigo Duterte ។ លោក Duterte បានផ្លាស់ប្ដូរនយោបាយការបរទេសរបស់ហ្វីលីពីន ដែលធ្លាប់ពឹងផ្អែកខ្លាំងលើអាមេរិក និងងាកទៅចងសម្ព័ន្ធភាពជិតស្និទ្ធជាមួយចិន ទាំងមានជម្លោះដែនដីជាមួយគ្នាក៏ដោយ៕
អ្នកនាំពាក្យរដ្ឋាភិបាលថៃនិយាយនៅថ្ងៃទី៤ ខែមេសា ថា គណៈរដ្ឋមន្ត្រីបានយល់ព្រមទិញរថក្រោះផលិតនៅចិនចំនួន១០គ្រឿង។ រដ្ឋាភិបាលយោធាថៃ បានបញ្ជាទិញរថក្រោះពីចិនចំនួន២៨គ្រឿងកាលពីឆ្នាំមុន ដើម្បីប្រើជំនួសរថក្រោះរបស់អាមេរិក ដែលចូលបម្រើក្នុងវិស័យការពារជាតិអស់ពេលជាច្រើនឆ្នាំមកហើយ។
បើតាមទីភ្នាក់ងារព័ត៌មាន Reuters លោក Sansern Kaewkamnerd ជាអ្នកនាំពាក្យ បានបញ្ជាក់ថា រថក្រោះថ្មីនឹងចូលជំនួសរថក្រោះធុន M41 របស់អាមេរិក ដែលមានទំហំតូច ហើយក៏ដូចជាហួសសម័យដែរ។ ចំណែកឧបនាយករដ្ឋមន្ត្រី និងជារដ្ឋមន្ត្រីការពារជាតិថៃ Prawit Wongsuwan និយាយដែរ យោធាថៃ បានប្រើប្រាស់រថក្រោះរបស់អាមេរិក តាំងពីសម័យសង្គ្រាមលោកលើកទី២ មកម្ល៉េះ។
ការទិញឧបករណ៍សង្គ្រាមផលិតនៅចិនពេលនេះ បង្ហាញកាន់តែច្បាស់ពីការរីកចម្រើននៃទំនាក់ទំនងទ្វេភាគីរវាងចិន និងសម្ព័ន្ធមិត្តចាស់វស្សារបស់អាមេរិកនៅអាស៊ីអាគ្នេយ៍។ ទំនាក់ទំនងនេះជិតស្និទ្ធកាន់តែខ្លាំង ក្រោយក្រុមយោធាក្ដោបអំណាចតាមរយៈរដ្ឋប្រហារឆ្នាំ២០១៤ ដែលរងការរិះគន់ពីអាមេរិក។ ចាប់ពីពេលនោះមក សម្ព័ន្ធភាពអាមេរិក និងថៃ ក៏ចាប់ផ្ដើមល្អក់កករជាមួយគ្នាដែរ។
ក្រៅពីរថក្រោះ រដ្ឋាភិបាលថៃ ក៏សម្រេចចិត្តនាវាមុជទឹកមួយគ្រឿងពីចិនក្នុងតម្លៃ៣៨០លានដុល្លារ ហើយកំពុងពិចារណារកទិញចំនួន៣គ្រឿងបន្ថែមទៀត។ បើទោះជាគម្រោងទិញនាវាមុជរងការរិះគន់ក្ដី របបយោធាថៃ នៅតែបន្តផែនការរបស់ខ្លួនដដែល ដោយអះអាងថា ការទិញនាវាមុជទឹកធ្វើឡើងដោយសារតែថៃរងការគំរាមកំហែងខ្លាំង។
មិនខុសពីថៃដែរ ទំនាក់ទំនងរវាងអាមេរិក និងរដ្ឋសមាជិកអាស៊ានមួយចំនួនទៀត ក៏មិនសូវល្អដែរ។ ជាក់ស្ដែង ទំនាក់ទំនងរវាងអាមេរិក និងហ្វីលីពីន ធ្លាក់ចុះកាន់ខ្លាំង ក្រោយការកាន់អំណាចរបស់ប្រធានាធិបតី Rodrigo Duterte ។ លោក Duterte បានផ្លាស់ប្ដូរនយោបាយការបរទេសរបស់ហ្វីលីពីន ដែលធ្លាប់ពឹងផ្អែកខ្លាំងលើអាមេរិក និងងាកទៅចងសម្ព័ន្ធភាពជិតស្និទ្ធជាមួយចិន ទាំងមានជម្លោះដែនដីជាមួយគ្នាក៏ដោយ៕
Tag:
ថៃ
ចិន
អាមេរិក
© រក្សាសិទ្ធិដោយ thmeythmey.com
