អន្តរជាតិ
ថៃ៖ រដ្ឋធម្មនុញ្ញថ្មីដែលបើកផ្លូវឲ្យមានការបោះឆ្នោត នឹងចូលធរមាននៅសប្ដាហ៍នេះ
មហាក្សត្រថៃ Maha Vajiralongkorn នឹងឡាយព្រះហស្តលេខាលើរដ្ឋធម្មនុញ្ញថ្មីនៅថ្ងៃទី៦ ខែមេសា (រូបភាព Xnihua)
×![]()
ដោយ: តន ចាន់រិទ្ធារ៉ា
មហាក្សត្រថៃ Maha Vajiralongkorn នឹងឡាយព្រះហស្តលេខាលើរដ្ឋធម្មនុញ្ញថ្មីនៅសប្ដាហ៍នេះ ហើយវានឹងបើកផ្លូវឲ្យមានការបោះឆ្នោតទូទៅមួយ។ ការឡាយព្រះហស្តលេខានេះ ធ្វើឡើងបន្ទាប់ពីរដ្ឋធម្មនុញ្ញនេះត្រូវបានអនុម័តក្នុងប្រជាមតិខែសីហា ឆ្នាំ២០១៦ ហើយក៏បានឆ្លងកាត់ការធ្វើវិសោធនកម្មជាច្រើនលើករួចមកដែរ។
ព្រះរាជវាំងថៃ បានប្រកាសថា មហាក្សត្រ Maha Vajiralongkorn នឹងចូលរួមជាអធិបតីក្នុងពិធីឡាយព្រះហស្តលេខាលើរដ្ឋធម្មនុញ្ញថ្មីនៅថ្ងៃទី៦ ខែមេសា។ នេះជាជំហានថ្មីមួយទៀតនៃដំណើរវិលទៅប្រជាធិបតេយ្យ ដែលរបបយោធាថៃសន្យាស្ដារឡើងវិញ ក្រោយធ្វើរដ្ឋប្រហារខែឧសភា ឆ្នាំ២០១៤ ។ ការចូលធរមាននៃរដ្ឋធម្មនុញ្ញថ្មី ក៏បើកផ្លូវដល់ការបោះឆ្នោតឡើងវិញដែរ ក្រោយត្រូវបានពន្យារពេលជាច្រើនលើក។
មុននឹងឈានដល់ការឡាយព្រះហស្តនេះ ចំណុចមួយចំនួនក្នុងរដ្ឋធម្មនុញ្ញថ្មីនេះ ទាក់ទងនឹងមាត្រានិយាយពីអំណាចមហាក្សត្រ ក៏ត្រូវបានគេកែប្រែដែរ ដោយមានការស្នើសុំផ្លាស់ប្ដូរដោយផ្ទាល់ពីសំណាក់រាជវាំង។ ចំណុចកែប្រែចម្បងគឺ មហាក្សត្រថៃ Maha Vajiralongkorn មានរាជសិទ្ធិមិនតែងតាំងរាជានុសិទ្ធិ ពេលព្រះអង្គមិនស្ថិតក្នុងប្រទេស។ ចំណែកការកែប្រែមួយចំនួនទៀតដែលធ្វើឡើងដោយរបបយោធា មិនត្រូវបានទម្លាយឲ្យដឹងឡើយ។
ទីភ្នាក់ងារព័ត៌មាន Reuters ផ្សាយថា ការជ្រើសរើសថ្ងៃទី៦ ខែមេសា ជាថ្ងៃប្រកាសរដ្ឋធម្មនុញ្ញផ្លូវការ ក៏ព្រោះតែថ្ងៃទី៦ ជាខួបកំណើតទី២៣៥ឆ្នាំ នៃរាជវង្សចក្រី ដែលគ្រប់គ្រងប្រទេសថៃអស់ស្ដេច១០អង្គមកហើយ។ មហាក្សត្រ Maha Vajiralongkorn ជាស្ដេចរាមាទី១០ នៃរាជវង្សនេះ ខណៈបិតារបស់ទ្រង់ គឺព្រះចៅ ភូមិបុល អាឌុលយ៉ាដេត ជាសេ្ដចរាមាទី៩ ។
ក្រោយការឡាយព្រះហស្តលេខារួចរាល់ រដ្ឋធម្មនុញ្ញថ្មីនេះ នឹងត្រូវចុះក្នុងរាជកិច្ចថ្ងៃដដែល ហើយនឹងត្រូវអនុវត្តជាផ្លូវការតែម្ដង។ មហាក្សត្រថៃ នឹងប្រគល់រដ្ឋធម្មនុញ្ញនេះ ទៅឲ្យនាយករដ្ឋមន្ត្រី ប្រាយុទ្ធ ចន្ទអូចា ផងដែរ។ ការរង់ចាំដ៏យូរដើម្បីឲ្យរដ្ឋធម្មនុញ្ញនេះចូលធរមាន ក៏ព្រោះតែមហាក្សត្រថ្មី ចង់បានការកែប្រែចំណុចខ្លះ ព្រោះរដ្ឋធម្មនុញ្ញនេះអនុម័តក្នុងប្រជាមតិតាំងពីខែសីហា មុនព្រះអង្គឡើងគ្រងរាជ្យបន្តិច ដែលធ្វើឲ្យទ្រង់មិនពេញព្រះទ័យមាត្រាខ្លះ។
រដ្ឋធម្មនុញ្ញនេះ នឹងក្លាយជារដ្ឋធម្មនុញ្ញទី២០ របស់ថៃ ក្រោយការដួលរលំរបបរាជានិយមផ្ដាច់ការក្នុងឆ្នាំ១៩៣២ ។ របបយោធាថៃ ខិតខំតាក់តែងរដ្ឋធម្មនុញ្ញថ្មីនេះ ដោយបានបន្ថែមអំណាចយ៉ាងច្រើនដល់យោធា។ រដ្ឋធម្មនុញ្ញនេះ ក៏បានផ្ដល់សិទ្ធិឲ្យព្រឹទ្ធសភាមានសិទ្ធិជ្រើសរើសនាយករដ្ឋមន្ត្រីផងដែរ ដែលចំណុចនេះធ្វើឲ្យគេបារម្ភខ្លាំង ដ្បិតអីសមាជិកព្រឹទ្ធសភាដែលត្រូវតែងតាំងដោយយោធា មានអំណាចរើសប្រមុខរដ្ឋាភិបាលថ្មី ដែលមិនមែនសមាជិកសភាទៀតផង៕
ព្រះរាជវាំងថៃ បានប្រកាសថា មហាក្សត្រ Maha Vajiralongkorn នឹងចូលរួមជាអធិបតីក្នុងពិធីឡាយព្រះហស្តលេខាលើរដ្ឋធម្មនុញ្ញថ្មីនៅថ្ងៃទី៦ ខែមេសា។ នេះជាជំហានថ្មីមួយទៀតនៃដំណើរវិលទៅប្រជាធិបតេយ្យ ដែលរបបយោធាថៃសន្យាស្ដារឡើងវិញ ក្រោយធ្វើរដ្ឋប្រហារខែឧសភា ឆ្នាំ២០១៤ ។ ការចូលធរមាននៃរដ្ឋធម្មនុញ្ញថ្មី ក៏បើកផ្លូវដល់ការបោះឆ្នោតឡើងវិញដែរ ក្រោយត្រូវបានពន្យារពេលជាច្រើនលើក។
មុននឹងឈានដល់ការឡាយព្រះហស្តនេះ ចំណុចមួយចំនួនក្នុងរដ្ឋធម្មនុញ្ញថ្មីនេះ ទាក់ទងនឹងមាត្រានិយាយពីអំណាចមហាក្សត្រ ក៏ត្រូវបានគេកែប្រែដែរ ដោយមានការស្នើសុំផ្លាស់ប្ដូរដោយផ្ទាល់ពីសំណាក់រាជវាំង។ ចំណុចកែប្រែចម្បងគឺ មហាក្សត្រថៃ Maha Vajiralongkorn មានរាជសិទ្ធិមិនតែងតាំងរាជានុសិទ្ធិ ពេលព្រះអង្គមិនស្ថិតក្នុងប្រទេស។ ចំណែកការកែប្រែមួយចំនួនទៀតដែលធ្វើឡើងដោយរបបយោធា មិនត្រូវបានទម្លាយឲ្យដឹងឡើយ។
ទីភ្នាក់ងារព័ត៌មាន Reuters ផ្សាយថា ការជ្រើសរើសថ្ងៃទី៦ ខែមេសា ជាថ្ងៃប្រកាសរដ្ឋធម្មនុញ្ញផ្លូវការ ក៏ព្រោះតែថ្ងៃទី៦ ជាខួបកំណើតទី២៣៥ឆ្នាំ នៃរាជវង្សចក្រី ដែលគ្រប់គ្រងប្រទេសថៃអស់ស្ដេច១០អង្គមកហើយ។ មហាក្សត្រ Maha Vajiralongkorn ជាស្ដេចរាមាទី១០ នៃរាជវង្សនេះ ខណៈបិតារបស់ទ្រង់ គឺព្រះចៅ ភូមិបុល អាឌុលយ៉ាដេត ជាសេ្ដចរាមាទី៩ ។
ក្រោយការឡាយព្រះហស្តលេខារួចរាល់ រដ្ឋធម្មនុញ្ញថ្មីនេះ នឹងត្រូវចុះក្នុងរាជកិច្ចថ្ងៃដដែល ហើយនឹងត្រូវអនុវត្តជាផ្លូវការតែម្ដង។ មហាក្សត្រថៃ នឹងប្រគល់រដ្ឋធម្មនុញ្ញនេះ ទៅឲ្យនាយករដ្ឋមន្ត្រី ប្រាយុទ្ធ ចន្ទអូចា ផងដែរ។ ការរង់ចាំដ៏យូរដើម្បីឲ្យរដ្ឋធម្មនុញ្ញនេះចូលធរមាន ក៏ព្រោះតែមហាក្សត្រថ្មី ចង់បានការកែប្រែចំណុចខ្លះ ព្រោះរដ្ឋធម្មនុញ្ញនេះអនុម័តក្នុងប្រជាមតិតាំងពីខែសីហា មុនព្រះអង្គឡើងគ្រងរាជ្យបន្តិច ដែលធ្វើឲ្យទ្រង់មិនពេញព្រះទ័យមាត្រាខ្លះ។
រដ្ឋធម្មនុញ្ញនេះ នឹងក្លាយជារដ្ឋធម្មនុញ្ញទី២០ របស់ថៃ ក្រោយការដួលរលំរបបរាជានិយមផ្ដាច់ការក្នុងឆ្នាំ១៩៣២ ។ របបយោធាថៃ ខិតខំតាក់តែងរដ្ឋធម្មនុញ្ញថ្មីនេះ ដោយបានបន្ថែមអំណាចយ៉ាងច្រើនដល់យោធា។ រដ្ឋធម្មនុញ្ញនេះ ក៏បានផ្ដល់សិទ្ធិឲ្យព្រឹទ្ធសភាមានសិទ្ធិជ្រើសរើសនាយករដ្ឋមន្ត្រីផងដែរ ដែលចំណុចនេះធ្វើឲ្យគេបារម្ភខ្លាំង ដ្បិតអីសមាជិកព្រឹទ្ធសភាដែលត្រូវតែងតាំងដោយយោធា មានអំណាចរើសប្រមុខរដ្ឋាភិបាលថ្មី ដែលមិនមែនសមាជិកសភាទៀតផង៕
Tag:
ថៃ
រដ្ឋធម្មនុញ្ញ
Maha Vajiralongkorn
© រក្សាសិទ្ធិដោយ thmeythmey.com
