ជាតិ
JICA ត្រៀមជួយដំឡើងប្រព័ន្ធត្រួតពិនិត្យទំនិញដោយស្វ័យប្រវត្តិនៅកម្ពុជា
×![]()
ភ្នំពេញ៖ អ្នកជំនាញការទីភ្នាក់ងារសហប្រតិបត្តិការអន្តរជាតិជប៉ុន (JICA) ប្រចាំកម្ពុជាលោក Hidetoshi KUME បានឲ្យដឹងថា JICA កំពុងសិក្សាពីការរៀបចំហេដ្ឋារចនាសម្ព័ន្ធតាមផ្លូវគោក ទឹក និងផ្លូវដែកមួយចំនួន ដើម្បីធ្វើឲ្យការដឹកជញ្ជូនទំនិញកាន់តែប្រសើរនៅកម្ពុជា។
ក្រៅពីការរៀបចំហេដ្ឋារចនាសម្ព័ន្ធ និងការសិក្សាគម្រោងកែលម្អផ្លូវនៅកម្ពុជា លោក ហ៊ីដេតុស៊ី គូម៉េ (Hidetoshi KUME) ដែលជាទីប្រឹក្សាគោលនយោបាយដឹកជញ្ចូនជប៉ុនប្រចាំក្រសួងសាធារណការ និងដឹកជញ្ចូនផងនោះ បានឲ្យដឹងថា ជប៉ុនក៏កំពុងសិក្សាពីការដំឡើងប្រព័ន្ធត្រួតពិនិត្យទំនិញដោយ ស្វ័យប្រវត្តិតាមកំពង់ផែ និងកន្លែងត្រួតពិនិត្យទំនិញតាមព្រំដែនផងដែរ។
អ្នកជំនាញការដឹកជញ្ជូនទីភ្នាក់ងារ JICA រូបនេះ បាននិយាយថា ប្រព័ន្ធត្រួតពិនិត្យដែលប្រើប្រាស់ ទិន្នន័យតាមអេឡិចត្រូនិក (Electronic Data Interchange) ជាបច្ចេកវិទ្យាទំនើបចុងក្រោយរបស់ ជប៉ុន ជំនួយការប្រើប្រាស់ធនធានមនុស្ស ដើម្បីផ្ទៀងផ្ទាត់ទិន្នន័យទំនិញឆ្លងកាត់កំពង់ផែឲ្យកាន់តែត្រឹមត្រូវ។ លើសពីនេះ លោកបានបន្តបញ្ជាក់អ្នកសារព័ត៌មានក្នុងសន្និសីទ សារព័ត៌មាននាស្ថានទូតជប៉ុនថា បច្ចេកទេសនេះក៏ជួយពន្លឿនការផ្ទេរទំនិញចេញចូលកម្ពុជាផង។
«កម្ពុជាកំពុងប្រើប្រាស់កម្លាំងមនុស្សត្រួតពិនិត្យទំនិញទាំងយប់ ទាំងថ្ងៃ ហើយចំណាយពេលយូរក្នុងការបំពេញបែបបទទំនិញ ដូច្នេះប្រព័ន្ធនេះ ពិតជាចាំបាច់សម្រាប់កម្ពុជា»។ លោក Hidetoshi តាមរយៈអ្នកបកប្រែបញ្ជាក់នៅរសៀលថ្ងៃទី៤ មេសា មុនបន្ថែមថា ប្រទេសថៃ វៀតណាម និងមីយ៉ាន់ម៉ា បានបំពាក់ប្រព័ន្ធត្រួតពិនិត្យ EDIនេះរួចរាល់។ ប៉ុន្តែ លោកពុំទាន់អាចបញ្ជាក់ថា ជប៉ុននឹងសម្រេចដំឡើងប្រព័ន្ធបច្ចេកទំនើបឲ្យកម្ពុជា នៅពេលណាច្បាស់លាស់នៅឡើយ។ នៅពេលអ្នកសារព័ត៌មានសួរថា តើគម្រោងនេះចំណាយថវិកាប៉ុន្មាន? អ្នកជំនាញការផ្នែកដឹកជញ្ជូនដែលមានបទពិសោធន៍ការងារជាង ៣០ឆ្នាំរូបនេះ គ្រាន់តែបញ្ជាក់ថា៖«យើងកំពុងសិក្សាបញ្ជូនរបាយការណ៍ ជូនរដ្ឋាភិបាលជប៉ុនពិនិត្យ និងសម្រេចនៅឡើយ»។
ជាមួយគ្នា លោក ចាន់ ដារ៉ា អគ្គនាយកនៃអគ្គនាយកដ្ឋានដឹកជញ្ចូនផ្លូវទឹក ផ្លូវសមុទ្រ និងកំពង់ផែ បានទទួលស្គាល់ថា ប្រព័ន្ធបច្ចេកវិទ្យាត្រួតពិនិត្យទិន្នន័យទំនិញតាមអេឡិចត្រូនិក ពិតជាជំរុញល្បឿនដាក់ផ្ទេរ ទំនិញចេញចូលកម្ពុជាកាន់តែប្រសើរ។ «អ្នកដឹកជញ្ជូនទំនិញ ប្រាកដជាត្រូវការប្រព័ន្ធដឹកជញ្ជូនទំនិញ ឆាប់រហ័ស ព្រោះពេលវេលារបស់ពួកគេជាមាសប្រាក់»។ លោក ដារ៉ា រំពឹងថា ជប៉ុននឹងជួយដំឡើងប្រព័ន្ធបច្ចេកវិទ្យាឆាប់រហ័ស ដើម្បីជួយជំរុញកំណើនវិនិយោគបរទេសនៅកម្ពុជា ប្រសិនបើគេអនុវត្តជោគជ័យនាពេលខាងមុខ។
បន្ថែមលើសពីនេះ ថ្លែងក្នុងសន្និសីទសារព័ត៌មាន លើកទី៣ ស្តីពីសកម្មភាពរបស់ JICA នៅរសៀលថ្ងៃទី៤ មេសានេះ លោកបង្ហើបឲ្យដឹងថា ក្រសួងសាធារណការ នឹងបង្កើតក្រុមប្រឹក្សាដឹកជញ្ជូនដែលមានថ្នាក់ដឹកនាំ និងអ្នកជំនាញអន្តរក្រសួងចូលរួមពិភាក្សា ដើម្បីជំរុញឲ្យវិស័យដឹកជញ្ជូនកម្ពុជា កាន់តែប្រសើរថែមទៀត។ តាមប្រសាសន៍ លោក ចាន់ ដារ៉ា បច្ចុប្បន្ន កម្ពុជាមានកំពង់ផែតូចធំជាង ២០កំពង់ផែ ហើយក្រសួងកំពុង ពិនិត្យរៀបចំកំពង់ផែបន្ថែមទៀត ដើម្បីលើកកម្ពស់ដឹកជញ្ជូនទំនិញតាមផ្លូវទឹកនៅកម្ពុជា។
គួរកត់សម្គាល់ ពាក់ព័ន្ធនឹងវិស័យដឹកជញ្ចូននៅកម្ពុជា រដ្ឋាភិបាលជប៉ុន តាមរយៈទីភ្នាក់ងារ JICA បានចំណាយថវិកាជាង ១០០លានដុល្លារអាមេរិក សាងសង់ស្ពានត្សឹបាសា ចម្ងាយជាង ២គីឡូម៉ែត្រ ដែលសម្ពោធប្រើប្រាស់កាលពីខែមេសា ឆ្នាំ២០១៥កន្លងមក។ គម្រោងធំៗមួយចំនួនទៀត ដូចជា ការកែលម្អផ្លូវជាតិលេខ១ ពីភ្នំពេញ ទៅអ្នកលឿងចម្ងាយសរុប ៥៦គីឡូម៉ែត្រ ដែលចំណាយថវិកាប្រមាណ ៨៥លានដុល្លារ ហើយបាន និងកំពុងអនុវត្តតាំងពីឆ្នាំ ២០០៥ រហូតមក គម្រោងកែលម្អផ្លូវជាតិលេខ៥ (ព្រែកក្តាម-ប៉ោយប៉ែត) ចម្ងាយសរុប ៣៦៨,៧គីឡូម៉ែត្រ ដែលចំណាយថវិកាកម្ចីជាង២៧០លានដុល្លារ និងបាន និងកំពុងអនុវត្តតាំងពីឆ្នាំ ២០១៣ មកទល់បច្ចុប្បន្ន និងគម្រោងកែលម្អ និងពង្រីក កំពង់ផែក្រុងព្រះសីហនុ ដែលចំណាយថវិកាកម្ចីជាង១៤០លានដុល្លារអាមេរិក៕
ក្រៅពីការរៀបចំហេដ្ឋារចនាសម្ព័ន្ធ និងការសិក្សាគម្រោងកែលម្អផ្លូវនៅកម្ពុជា លោក ហ៊ីដេតុស៊ី គូម៉េ (Hidetoshi KUME) ដែលជាទីប្រឹក្សាគោលនយោបាយដឹកជញ្ចូនជប៉ុនប្រចាំក្រសួងសាធារណការ និងដឹកជញ្ចូនផងនោះ បានឲ្យដឹងថា ជប៉ុនក៏កំពុងសិក្សាពីការដំឡើងប្រព័ន្ធត្រួតពិនិត្យទំនិញដោយ ស្វ័យប្រវត្តិតាមកំពង់ផែ និងកន្លែងត្រួតពិនិត្យទំនិញតាមព្រំដែនផងដែរ។
អ្នកជំនាញការដឹកជញ្ជូនទីភ្នាក់ងារ JICA រូបនេះ បាននិយាយថា ប្រព័ន្ធត្រួតពិនិត្យដែលប្រើប្រាស់ ទិន្នន័យតាមអេឡិចត្រូនិក (Electronic Data Interchange) ជាបច្ចេកវិទ្យាទំនើបចុងក្រោយរបស់ ជប៉ុន ជំនួយការប្រើប្រាស់ធនធានមនុស្ស ដើម្បីផ្ទៀងផ្ទាត់ទិន្នន័យទំនិញឆ្លងកាត់កំពង់ផែឲ្យកាន់តែត្រឹមត្រូវ។ លើសពីនេះ លោកបានបន្តបញ្ជាក់អ្នកសារព័ត៌មានក្នុងសន្និសីទ សារព័ត៌មាននាស្ថានទូតជប៉ុនថា បច្ចេកទេសនេះក៏ជួយពន្លឿនការផ្ទេរទំនិញចេញចូលកម្ពុជាផង។
«កម្ពុជាកំពុងប្រើប្រាស់កម្លាំងមនុស្សត្រួតពិនិត្យទំនិញទាំងយប់ ទាំងថ្ងៃ ហើយចំណាយពេលយូរក្នុងការបំពេញបែបបទទំនិញ ដូច្នេះប្រព័ន្ធនេះ ពិតជាចាំបាច់សម្រាប់កម្ពុជា»។ លោក Hidetoshi តាមរយៈអ្នកបកប្រែបញ្ជាក់នៅរសៀលថ្ងៃទី៤ មេសា មុនបន្ថែមថា ប្រទេសថៃ វៀតណាម និងមីយ៉ាន់ម៉ា បានបំពាក់ប្រព័ន្ធត្រួតពិនិត្យ EDIនេះរួចរាល់។ ប៉ុន្តែ លោកពុំទាន់អាចបញ្ជាក់ថា ជប៉ុននឹងសម្រេចដំឡើងប្រព័ន្ធបច្ចេកទំនើបឲ្យកម្ពុជា នៅពេលណាច្បាស់លាស់នៅឡើយ។ នៅពេលអ្នកសារព័ត៌មានសួរថា តើគម្រោងនេះចំណាយថវិកាប៉ុន្មាន? អ្នកជំនាញការផ្នែកដឹកជញ្ជូនដែលមានបទពិសោធន៍ការងារជាង ៣០ឆ្នាំរូបនេះ គ្រាន់តែបញ្ជាក់ថា៖«យើងកំពុងសិក្សាបញ្ជូនរបាយការណ៍ ជូនរដ្ឋាភិបាលជប៉ុនពិនិត្យ និងសម្រេចនៅឡើយ»។
ជាមួយគ្នា លោក ចាន់ ដារ៉ា អគ្គនាយកនៃអគ្គនាយកដ្ឋានដឹកជញ្ចូនផ្លូវទឹក ផ្លូវសមុទ្រ និងកំពង់ផែ បានទទួលស្គាល់ថា ប្រព័ន្ធបច្ចេកវិទ្យាត្រួតពិនិត្យទិន្នន័យទំនិញតាមអេឡិចត្រូនិក ពិតជាជំរុញល្បឿនដាក់ផ្ទេរ ទំនិញចេញចូលកម្ពុជាកាន់តែប្រសើរ។ «អ្នកដឹកជញ្ជូនទំនិញ ប្រាកដជាត្រូវការប្រព័ន្ធដឹកជញ្ជូនទំនិញ ឆាប់រហ័ស ព្រោះពេលវេលារបស់ពួកគេជាមាសប្រាក់»។ លោក ដារ៉ា រំពឹងថា ជប៉ុននឹងជួយដំឡើងប្រព័ន្ធបច្ចេកវិទ្យាឆាប់រហ័ស ដើម្បីជួយជំរុញកំណើនវិនិយោគបរទេសនៅកម្ពុជា ប្រសិនបើគេអនុវត្តជោគជ័យនាពេលខាងមុខ។
បន្ថែមលើសពីនេះ ថ្លែងក្នុងសន្និសីទសារព័ត៌មាន លើកទី៣ ស្តីពីសកម្មភាពរបស់ JICA នៅរសៀលថ្ងៃទី៤ មេសានេះ លោកបង្ហើបឲ្យដឹងថា ក្រសួងសាធារណការ នឹងបង្កើតក្រុមប្រឹក្សាដឹកជញ្ជូនដែលមានថ្នាក់ដឹកនាំ និងអ្នកជំនាញអន្តរក្រសួងចូលរួមពិភាក្សា ដើម្បីជំរុញឲ្យវិស័យដឹកជញ្ជូនកម្ពុជា កាន់តែប្រសើរថែមទៀត។ តាមប្រសាសន៍ លោក ចាន់ ដារ៉ា បច្ចុប្បន្ន កម្ពុជាមានកំពង់ផែតូចធំជាង ២០កំពង់ផែ ហើយក្រសួងកំពុង ពិនិត្យរៀបចំកំពង់ផែបន្ថែមទៀត ដើម្បីលើកកម្ពស់ដឹកជញ្ជូនទំនិញតាមផ្លូវទឹកនៅកម្ពុជា។
គួរកត់សម្គាល់ ពាក់ព័ន្ធនឹងវិស័យដឹកជញ្ចូននៅកម្ពុជា រដ្ឋាភិបាលជប៉ុន តាមរយៈទីភ្នាក់ងារ JICA បានចំណាយថវិកាជាង ១០០លានដុល្លារអាមេរិក សាងសង់ស្ពានត្សឹបាសា ចម្ងាយជាង ២គីឡូម៉ែត្រ ដែលសម្ពោធប្រើប្រាស់កាលពីខែមេសា ឆ្នាំ២០១៥កន្លងមក។ គម្រោងធំៗមួយចំនួនទៀត ដូចជា ការកែលម្អផ្លូវជាតិលេខ១ ពីភ្នំពេញ ទៅអ្នកលឿងចម្ងាយសរុប ៥៦គីឡូម៉ែត្រ ដែលចំណាយថវិកាប្រមាណ ៨៥លានដុល្លារ ហើយបាន និងកំពុងអនុវត្តតាំងពីឆ្នាំ ២០០៥ រហូតមក គម្រោងកែលម្អផ្លូវជាតិលេខ៥ (ព្រែកក្តាម-ប៉ោយប៉ែត) ចម្ងាយសរុប ៣៦៨,៧គីឡូម៉ែត្រ ដែលចំណាយថវិកាកម្ចីជាង២៧០លានដុល្លារ និងបាន និងកំពុងអនុវត្តតាំងពីឆ្នាំ ២០១៣ មកទល់បច្ចុប្បន្ន និងគម្រោងកែលម្អ និងពង្រីក កំពង់ផែក្រុងព្រះសីហនុ ដែលចំណាយថវិកាកម្ចីជាង១៤០លានដុល្លារអាមេរិក៕
Tag:
ចាន់ ដារ៉ា
ដឹកជញ្ជូន
សន្តិសុខ
JICA
© រក្សាសិទ្ធិដោយ thmeythmey.com
