អន្តរជាតិ
×![]()
ដោយ: តន ចាន់រិទ្ធារ៉ា
ក្រុមជ្រុលនិយមរដ្ឋឥស្លាម ឬក្រុមដែស្ហ (Daesh) បាននិយាយវាយប្រហារដោយចំហលើប្រធានាធិបតីអាមេរិក ដូណាល់ ត្រាំ ដោយបានហៅប្រធានាធិបតីរូបនេះជាមនុស្សឆ្កួត។ ក្នុងសេចក្ដីថ្លែងការណ៍លើកដំបូង ក្រុមជ្រុលនិយមមួយនេះ ក៏គំរាមវាយប្រហារលើកងទ័ពអាមេរិកនៅជុំវិញពិភពលោក ដើម្បីសងសឹកប្រតិបត្តិការយោធារបស់អាមេរិកនៅអ៊ីរ៉ាក់ និងស៊ីរី។ ក្រុមរដ្ឋឥស្លាម រងបរាជ័យយ៉ាងខ្លាំងដោយសារកងទ័ពសម្ព័ន្ធមិត្តដឹកនាំដោយអាមេរិក និងកំពុងតស៊ូការពារមូលដ្ឋានសេសសល់របស់ខ្លួន។
ក្រុមរដ្ឋឥស្លាម (ISIS) នៅថ្ងៃទី៤ ខែមេសា បាននិយាយថា អាមេរិកកំពុងតែលិចលង់ ព្រោះដឹកនាំដោយមនុស្សលីលា។ នេះជាលើកដំបូង ដែលក្រុមភេរវកម្មដ៏មានឥទ្ធិពលមួយនេះប្រើប្រាស់សម្ដីធ្ងន់ៗដាក់ប្រធានាធិបតីអាមេរិក ដូណាល់ ត្រាំ ចាប់តាំងពីលោកចូលកាន់តំណែងកាលពីខែមករាមកនោះ។ ការបោសសម្អាតក្រុមជ្រុលនិយមនេះ គឺជាការសន្យាចម្បងរបស់លោក ត្រាំ ពេលធ្វើយុទ្ធនាការស្វែងរកសំឡេងឆ្នោត។
ក្នុងខ្សែអាត់សំឡេងដែលចេញផ្សាយតាមបណ្ដាញសង្គម Telegram អ្នកនាំពាក្យរបស់ក្រុមភេរវកម្មមួយនេះនិយាយទៀតថា អាមេរិកមិនត្រឹមតែលិចលង់ឡើយ ហើយថែមទាំងគ្មានអ្នកជួយសង្គ្រោះទៀត។ អាមេរិក នឹងក្លាយជាមុខសញ្ញានៃការប្រមាញ់របស់សកម្មជនរដ្ឋឥស្លាមនៅគ្រប់កន្លែងទាំងអស់លើពិភពលោក។ អ្នកនាំពាក្យដដែលនេះបន្តថា ភស្តុតាងបញ្ជាក់ថាអាមេរិកនឹងរលត់រលាយ គឺស្ថិតនៅនឹងមុខតែម្ដង។ នេះបើតាមការផ្សាយរបស់ទីភ្នាក់ងារព័ត៌មាន Reuters ។
ការហៅប្រធានាធិបតីអាមេរិកជាមនុស្សឆ្កួតដូចនេះ អាចសង្គ្រាមពាក្យសម្ដីរបស់ក្រុមរដ្ឋឥស្លាម ខណៈអាមេរិកកំពុងជួយកងទ័ពអ៊ីរ៉ាក់ក្នុងការរំដោះទីក្រុង Mosul ពីការគ្រប់គ្រងរបស់ក្រុមភេរវកម្មមួយនេះ។ ដោយមានជំនួយពីអាមេរិក កងកម្លាំងអ៊ីរ៉ាក់ បានដណ្ដើមទីតាំងជាច្រើនរបស់ក្រុមនេះ ហើយកំពុងសម្រេចវាយលុកផ្ដាច់ព្រ័ត្រដើម្បីដណ្ដើមយកទីក្រុងនេះមកគ្រប់គ្រងឡើងវិញ។
កាលពីដើមសប្ដាហ៍នេះ លោក ត្រាំ ក៏បានបញ្ជូនកូនប្រសារ Jared Kushner ទៅពិនិត្យស្ថានការណ៍យោធានៅអ៊ីរ៉ាក់ទៀតផង។ ក្នុងដំណើរទស្សនកិច្ចជាលើកដំបូងរបស់ខ្លួន លោក Kushner ដែលជាក៏ត្រូវបានអមដំណើរដោយនាយសេនាធិការចម្រុះកងទ័ពលោកឧត្តមសេនីយ៍ Joseph Dunford ថែមទៀតផង។ ដំណើរលើកនេះ មានគោលដៅស្វែងយល់ពីបញ្ហាយុទ្ធសាស្ត្រ ដើម្បីជួយសម្រួលដល់ការស្វែងរកយុទ្ធសាស្ត្រត្រឹមត្រូវ និងបង្កើនប្រសិទ្ធភាពក្នុងការកម្ចាត់ក្រុមភេរវជននៅមជ្ឈិមបូព៌ា។
ការបាត់បង់ទីក្រុង Mosul នឹងក្លាយជាបរាជ័យដ៏ធំរបស់ក្រុមរដ្ឋឥស្លាម ដែលបានបាត់បង់ទឹកដីជាច្រើនរួចមកហើយ។ មិនត្រឹមតែបាត់បង់តំបន់គ្រប់គ្រងនៅអ៊ីរ៉ាក់ទេ សូម្បីតែនៅស៊ីរីឯណោះ ក៏ក្រុមជ្រុលនិយមមួយនេះ បាត់បង់មូលដ្ឋានរបស់ខ្លួនដែរ។ ទីតាំងធំរបស់ក្រុមនេះនៅ Raqqa ក៏កំពុងប្រឈមបាត់បង់ដែរ ដ្បិតកម្លាំងសម្ព័ន្ធមិត្តលោកខាងលិចដឹកនាំដោយអាមេរិក ក៏កំពុងត្រៀមខ្លួនវាយយកក្រុងនេះដែរ៕
ក្រុមរដ្ឋឥស្លាម (ISIS) នៅថ្ងៃទី៤ ខែមេសា បាននិយាយថា អាមេរិកកំពុងតែលិចលង់ ព្រោះដឹកនាំដោយមនុស្សលីលា។ នេះជាលើកដំបូង ដែលក្រុមភេរវកម្មដ៏មានឥទ្ធិពលមួយនេះប្រើប្រាស់សម្ដីធ្ងន់ៗដាក់ប្រធានាធិបតីអាមេរិក ដូណាល់ ត្រាំ ចាប់តាំងពីលោកចូលកាន់តំណែងកាលពីខែមករាមកនោះ។ ការបោសសម្អាតក្រុមជ្រុលនិយមនេះ គឺជាការសន្យាចម្បងរបស់លោក ត្រាំ ពេលធ្វើយុទ្ធនាការស្វែងរកសំឡេងឆ្នោត។
ក្នុងខ្សែអាត់សំឡេងដែលចេញផ្សាយតាមបណ្ដាញសង្គម Telegram អ្នកនាំពាក្យរបស់ក្រុមភេរវកម្មមួយនេះនិយាយទៀតថា អាមេរិកមិនត្រឹមតែលិចលង់ឡើយ ហើយថែមទាំងគ្មានអ្នកជួយសង្គ្រោះទៀត។ អាមេរិក នឹងក្លាយជាមុខសញ្ញានៃការប្រមាញ់របស់សកម្មជនរដ្ឋឥស្លាមនៅគ្រប់កន្លែងទាំងអស់លើពិភពលោក។ អ្នកនាំពាក្យដដែលនេះបន្តថា ភស្តុតាងបញ្ជាក់ថាអាមេរិកនឹងរលត់រលាយ គឺស្ថិតនៅនឹងមុខតែម្ដង។ នេះបើតាមការផ្សាយរបស់ទីភ្នាក់ងារព័ត៌មាន Reuters ។
ការហៅប្រធានាធិបតីអាមេរិកជាមនុស្សឆ្កួតដូចនេះ អាចសង្គ្រាមពាក្យសម្ដីរបស់ក្រុមរដ្ឋឥស្លាម ខណៈអាមេរិកកំពុងជួយកងទ័ពអ៊ីរ៉ាក់ក្នុងការរំដោះទីក្រុង Mosul ពីការគ្រប់គ្រងរបស់ក្រុមភេរវកម្មមួយនេះ។ ដោយមានជំនួយពីអាមេរិក កងកម្លាំងអ៊ីរ៉ាក់ បានដណ្ដើមទីតាំងជាច្រើនរបស់ក្រុមនេះ ហើយកំពុងសម្រេចវាយលុកផ្ដាច់ព្រ័ត្រដើម្បីដណ្ដើមយកទីក្រុងនេះមកគ្រប់គ្រងឡើងវិញ។
កាលពីដើមសប្ដាហ៍នេះ លោក ត្រាំ ក៏បានបញ្ជូនកូនប្រសារ Jared Kushner ទៅពិនិត្យស្ថានការណ៍យោធានៅអ៊ីរ៉ាក់ទៀតផង។ ក្នុងដំណើរទស្សនកិច្ចជាលើកដំបូងរបស់ខ្លួន លោក Kushner ដែលជាក៏ត្រូវបានអមដំណើរដោយនាយសេនាធិការចម្រុះកងទ័ពលោកឧត្តមសេនីយ៍ Joseph Dunford ថែមទៀតផង។ ដំណើរលើកនេះ មានគោលដៅស្វែងយល់ពីបញ្ហាយុទ្ធសាស្ត្រ ដើម្បីជួយសម្រួលដល់ការស្វែងរកយុទ្ធសាស្ត្រត្រឹមត្រូវ និងបង្កើនប្រសិទ្ធភាពក្នុងការកម្ចាត់ក្រុមភេរវជននៅមជ្ឈិមបូព៌ា។
ការបាត់បង់ទីក្រុង Mosul នឹងក្លាយជាបរាជ័យដ៏ធំរបស់ក្រុមរដ្ឋឥស្លាម ដែលបានបាត់បង់ទឹកដីជាច្រើនរួចមកហើយ។ មិនត្រឹមតែបាត់បង់តំបន់គ្រប់គ្រងនៅអ៊ីរ៉ាក់ទេ សូម្បីតែនៅស៊ីរីឯណោះ ក៏ក្រុមជ្រុលនិយមមួយនេះ បាត់បង់មូលដ្ឋានរបស់ខ្លួនដែរ។ ទីតាំងធំរបស់ក្រុមនេះនៅ Raqqa ក៏កំពុងប្រឈមបាត់បង់ដែរ ដ្បិតកម្លាំងសម្ព័ន្ធមិត្តលោកខាងលិចដឹកនាំដោយអាមេរិក ក៏កំពុងត្រៀមខ្លួនវាយយកក្រុងនេះដែរ៕
Tag:
ក្រុមរដ្ឋឥស្លាម
អាមេរិក
ដូណាល់ ត្រាំ
© រក្សាសិទ្ធិដោយ thmeythmey.com
