អន្តរជាតិ
នាវាមុជទឹករបស់កោះតៃវ៉ាន់ (រូបភាព AP)
×![]()
ដោយ: តន ចាន់រិទ្ធារ៉ា
មន្ត្រីយោធាជាន់ខ្ពស់តៃវ៉ាន់ បានប្រកាសពីគម្រោងសាងសង់នាវាមុជទឹកបន្ថែមទៀតដោយខ្លួនឯង ដើម្បីពង្រឹងសមត្ថភាពកងទ័ពជើងទឹករបស់ខ្លួន។ នាវាមុជទឹកចំនួន៨គ្រឿង នឹងត្រូវសាងសង់ដោយក្រុមហ៊ុនក្នុងស្រុកផ្ទាល់ ដើម្បីបម្រើការលើវិស័យយោធាដែលមាននាវាមុជទឹកចំនួន៤គ្រឿងស្រាប់ហើយ។ ការសាងសង់នាវាក្នុងស្រុកនេះ ក៏ជាផ្នែកមួយនៃការការពារខ្លួនឯងពីការគំរាមកំហែងរបស់ចិន ដែលមិនរអែងចិត្តក្នុងការប្រើទ័ពដើម្បីត្រួតត្រាកោះនេះឡើងវិញ។
ខណៈដែលគម្រោងទិញអាវុធរបស់អាមេរិកកំពុងស្ថិតក្នុងដំណាក់កាលចរចា កោះតៃវ៉ាន់ ក៏បញ្ចេញគ្រោងសាងសង់នាវាមុជទឹកដោយខ្លួនចំនួន៨គ្រឿង សម្រាប់បម្រើការក្នុងជួរកងទ័ពជើងទឹករបស់ខ្លួន។ នាយសេធិការកងទ័ពជើងទឹកតៃវ៉ាន់ Lee Tsung-hsiao បានប្រាប់សមាជិកសភានៅថ្ងៃទី៥ ខែមេសា ថា នាវាមុជទឹកទាំង៨គ្រឿង នឹងផលិតដោយគម្រោងក្នុងស្រុក។ នេះជាលើកទី១ ដែលតៃវ៉ាន់ហ៊ានបញ្ចេញព័ត៌មាននៃចំនួននាវាមុជទឹកដែលខ្លួនត្រូវផលិតដោយឯង។
បើតាមទីភ្នាក់ងារព័ត៌មាន Reuters ក្រុមហ៊ុន CSBC Corp Taiwan ដែលជាក្រុមហ៊ុនផលិតនាវាមុជទឹករបស់រដ្ឋ នឹងត្រូវទទួលបន្ទុកអនុវត្តគម្រោងនេះ។ លោក Cheng Wen-lon នាយកក្រុមហ៊ុននេះ ក៏បានសមាជិកសភាដែរថា ការរចនារូបរាងនាវាមុជទឹក នឹងសម្រេចនៅត្រឹមដើមឆ្នាំ២០១៨ ដើម្បីធ្វើយ៉ាងណាឲ្យនាវាមុជទឹកដំបូងអាចចេញប្រតិបត្តិការក្នុងរយៈពេល១០ឆ្នាំខាងមុខ ស្របពេលការគំរាមពីសំណាក់ចិនដីគោកក៏កើនឡើងដែរ។
កងទ័ពជើងទឹកតៃវ៉ាន់ មាននាវាមុជទឹក៤គ្រឿងរួចស្រេចហើយ តែជានាវាចាស់ និងផលិតដោយបរទេស។ បន្ថែមពីលើនេះ តៃវ៉ាន់ ក៏កំពុងចរចាទិញអាវុធបន្ថែមទៀតពីអាមេរិក ដែលជាអ្នកផ្គត់ផ្គង់អាវុធតែមួយរបស់ខ្លួន។ កិច្ចព្រមព្រៀងទិញអាវុធតម្លៃរាប់រយលានដុល្លារ កំពុងស្ថិតក្នុងដំណាក់ចរចា ព្រោះតៃវ៉ាន់ត្រូវការយុទ្ធោបករណ៍យោធាច្រើនដើម្បីការពារខ្លួនពីការវាយប្រហារណាមួយរបស់ចិន ដែលចេះតែសម្ញែងអានុភាពយោធាជាញឹកញយ។
ការផលិតនាវាដោយខ្លួនឯង ទំនងជាការត្រៀមទុកមុនរបស់កោះតៃវ៉ាន់ ដ្បិតអីជំទាស់ខ្លាំងណាស់នឹងគម្រោងទិញដូរអាវុធជាមួយអាមេរិក និងបានស្នើឲ្យអាមេរិកលុបចោលការចរចានេះទៀតផង។ ប្រធានាធិបតីចិន ស៊ី ជីនភីង នឹងជួបជាមួយសមភាគីអាមេរិក ដូណាល់ ត្រាំ នៅសប្ដាហ៍នេះ ហើយបញ្ហាកោះតៃវ៉ាន់អាចនឹងត្រូវលើកយកពិភាក្សាផងដែរ។ លោក ស៊ី ទំនងឆ្លៀតឱកាសនេះដើម្បីបង្ខំឲ្យលោក ត្រាំ ទទួលស្គាល់ដាច់ខាតនយោបាយចិនតែមួយ។
ក្នុងករណីនេះ បើរដ្ឋបាលអាមេរិកយកចិត្តចិន ហើយផ្អាកគម្រោងលក់អាវុធមែននោះ តៃវ៉ាន់ ប្រាកដជារងគ្រោះធ្ងន់មិនខាន។ ទំនងដោយសាររឿងនេះ និងដើម្បីការពារទុកមុន ប្រធានាធិបតីតៃវ៉ាន់ ក៏ប្រកាសកាលពីខែមុន ថា តៃវ៉ាន់ នឹងសាងសង់នាវាមុជទឹកដោយខ្លួន ដើម្បីបន្ថែមឥទ្ធិពលទ័ពពីលើនាវាមុជទឹកមានស្រាប់ចំនួន៤ ដែលទិញពីអាមេរិក និងហូឡង់កាលពីជាង៣០ឆ្នាំមុនមក។ ដោយសារមិនមានបទពិសោធន៍ផលិត តៃវ៉ាន់ទំនងប្រើបច្ចេកវិទ្យាបរទេសដើម្បីសាងសង់នាវាទាំង៨គ្រឿង៕
ខណៈដែលគម្រោងទិញអាវុធរបស់អាមេរិកកំពុងស្ថិតក្នុងដំណាក់កាលចរចា កោះតៃវ៉ាន់ ក៏បញ្ចេញគ្រោងសាងសង់នាវាមុជទឹកដោយខ្លួនចំនួន៨គ្រឿង សម្រាប់បម្រើការក្នុងជួរកងទ័ពជើងទឹករបស់ខ្លួន។ នាយសេធិការកងទ័ពជើងទឹកតៃវ៉ាន់ Lee Tsung-hsiao បានប្រាប់សមាជិកសភានៅថ្ងៃទី៥ ខែមេសា ថា នាវាមុជទឹកទាំង៨គ្រឿង នឹងផលិតដោយគម្រោងក្នុងស្រុក។ នេះជាលើកទី១ ដែលតៃវ៉ាន់ហ៊ានបញ្ចេញព័ត៌មាននៃចំនួននាវាមុជទឹកដែលខ្លួនត្រូវផលិតដោយឯង។
បើតាមទីភ្នាក់ងារព័ត៌មាន Reuters ក្រុមហ៊ុន CSBC Corp Taiwan ដែលជាក្រុមហ៊ុនផលិតនាវាមុជទឹករបស់រដ្ឋ នឹងត្រូវទទួលបន្ទុកអនុវត្តគម្រោងនេះ។ លោក Cheng Wen-lon នាយកក្រុមហ៊ុននេះ ក៏បានសមាជិកសភាដែរថា ការរចនារូបរាងនាវាមុជទឹក នឹងសម្រេចនៅត្រឹមដើមឆ្នាំ២០១៨ ដើម្បីធ្វើយ៉ាងណាឲ្យនាវាមុជទឹកដំបូងអាចចេញប្រតិបត្តិការក្នុងរយៈពេល១០ឆ្នាំខាងមុខ ស្របពេលការគំរាមពីសំណាក់ចិនដីគោកក៏កើនឡើងដែរ។
កងទ័ពជើងទឹកតៃវ៉ាន់ មាននាវាមុជទឹក៤គ្រឿងរួចស្រេចហើយ តែជានាវាចាស់ និងផលិតដោយបរទេស។ បន្ថែមពីលើនេះ តៃវ៉ាន់ ក៏កំពុងចរចាទិញអាវុធបន្ថែមទៀតពីអាមេរិក ដែលជាអ្នកផ្គត់ផ្គង់អាវុធតែមួយរបស់ខ្លួន។ កិច្ចព្រមព្រៀងទិញអាវុធតម្លៃរាប់រយលានដុល្លារ កំពុងស្ថិតក្នុងដំណាក់ចរចា ព្រោះតៃវ៉ាន់ត្រូវការយុទ្ធោបករណ៍យោធាច្រើនដើម្បីការពារខ្លួនពីការវាយប្រហារណាមួយរបស់ចិន ដែលចេះតែសម្ញែងអានុភាពយោធាជាញឹកញយ។
ការផលិតនាវាដោយខ្លួនឯង ទំនងជាការត្រៀមទុកមុនរបស់កោះតៃវ៉ាន់ ដ្បិតអីជំទាស់ខ្លាំងណាស់នឹងគម្រោងទិញដូរអាវុធជាមួយអាមេរិក និងបានស្នើឲ្យអាមេរិកលុបចោលការចរចានេះទៀតផង។ ប្រធានាធិបតីចិន ស៊ី ជីនភីង នឹងជួបជាមួយសមភាគីអាមេរិក ដូណាល់ ត្រាំ នៅសប្ដាហ៍នេះ ហើយបញ្ហាកោះតៃវ៉ាន់អាចនឹងត្រូវលើកយកពិភាក្សាផងដែរ។ លោក ស៊ី ទំនងឆ្លៀតឱកាសនេះដើម្បីបង្ខំឲ្យលោក ត្រាំ ទទួលស្គាល់ដាច់ខាតនយោបាយចិនតែមួយ។
ក្នុងករណីនេះ បើរដ្ឋបាលអាមេរិកយកចិត្តចិន ហើយផ្អាកគម្រោងលក់អាវុធមែននោះ តៃវ៉ាន់ ប្រាកដជារងគ្រោះធ្ងន់មិនខាន។ ទំនងដោយសាររឿងនេះ និងដើម្បីការពារទុកមុន ប្រធានាធិបតីតៃវ៉ាន់ ក៏ប្រកាសកាលពីខែមុន ថា តៃវ៉ាន់ នឹងសាងសង់នាវាមុជទឹកដោយខ្លួន ដើម្បីបន្ថែមឥទ្ធិពលទ័ពពីលើនាវាមុជទឹកមានស្រាប់ចំនួន៤ ដែលទិញពីអាមេរិក និងហូឡង់កាលពីជាង៣០ឆ្នាំមុនមក។ ដោយសារមិនមានបទពិសោធន៍ផលិត តៃវ៉ាន់ទំនងប្រើបច្ចេកវិទ្យាបរទេសដើម្បីសាងសង់នាវាទាំង៨គ្រឿង៕
Tag:
តៃវ៉ាន់
អាមេរិក
ចិន
© រក្សាសិទ្ធិដោយ thmeythmey.com
