អន្តរជាតិ
ស៊ីរី៖ បុរសម្នាក់បាត់បង់សមាជិកគ្រួសារ ២៥នាក់ដោយសារការវាយប្រហារឧស្ម័នគីមី
Youssef ឱបកូនទាំង២របស់ខ្លួន ដែលបាត់បង់ជីវិតដោយសារការវាយប្រហារឧស្ម័នពុល។ Youssef និយាយថា លោកបាត់បង់សមាជិកគ្រួសារ២៥នាក់ក្នុងហេតុការណ៍នេះ (រូបភាព CNN)
×![]()
ដោយ: តន ចាន់រិទ្ធារ៉ា
ការប្រើប្រាស់ឧស្ម័នពុលក្នុងការវាយប្រហារតាមផ្លូវអាកាសនាក្រុង Khan Sheikhun ខេត្ត Idlib បានធ្វើឲ្យពិភពលោកតក់ស្លុតជាថ្មី។ មកទល់ពេលនេះ មនុស្សយ៉ាងហោចណាស់ ៧០នាក់បានស្លាប់ក្នុងនោះមានក្មេងៗច្រើននាក់ផងដែរ ខណៈអ្នកនៅពីក្រោយសកម្មភាពនេះ មិនទាន់រកមុខឃើញនៅឡើយ។ អ្វីដែលជារឿងគួរឲ្យតក់ស្លុតនោះ សមាជិកគ្រួសាររបស់ Abdul Hamid Youssef ចំនួន២៥នាក់ ក៏ស្ថិតក្នុងចំណោមអ្នកស្លាប់ក្នុងការវាយប្រហារដោយឧស្ម័នពុលនេះ។
ការវាយប្រហារដោយប្រើឧស្ម័នគីមីពុល កើតឡើងនៅព្រឹកថ្ងៃទី៤ ខែមេសា នៅទីក្រុង Khan Sheikhun ដែលគ្រប់គ្រងដោយក្រុមឧទ្ទាមប្រឆាំងរដ្ឋាភិបាល។ ប្រជាជនភាគច្រើនកំពុងលង់លក់នៅឡើយ នៅពេលដែលការវាយប្រហារអមនុស្សធម៌នេះកើតឡើង។ សោកនាដកម្មក៏បានកើតឡើងចំពោះ Abdul Hamid Youssef ដោយសមាជិកគ្រួសាររបស់លោកចំនួន២៥នាក់បានបាត់បង់ជីវិតក្នុងចំណោមជនរងគ្រោះប្រមាណ៧០នាក់។
Youssef បានប្រាប់សារព័ត៌មាន CNN ថា ប្រពន្ធ និងកូនភ្លោះរបស់គេបានបាត់បង់ជីវិតក្នុងហេតុការណ៍នេះ។ បុរសស៊ីរីរូបនេះរៀបរាប់ថា ប្រពន្ធ និងកូនៗរបស់លោក បានបែកពពុះមាត់ និងប្រកាច់ ហើយក៏ដាច់ខ្យល់ស្លាប់តែម្ដង។ អ្វីដែលជាសោកនាដកម្មនោះ សមាជិកផ្សេងទៀតនៃគ្រួសារ Youssef ក៏ត្រូវអស់ជីវិតក្នុងហេតុការណ៍ប្រហារដ៏អាក្រក់បំផុតប្រចាំឆ្នាំ២០១៧ នេះដែរ ខណៈមិនទាន់មានអ្នកចេញមកទទួលខុសត្រូវនៅឡើយ។
ជនជាតិស៊ីរីដដែលនេះបន្តថា រូបគេផ្ទាល់បានដួលសន្លប់ដោយសារមិនអាចទ្រាំនឹងសារធាតុគីមីបាន។ ប៉ុន្មានម៉ោងក្រោយសន្លប់ទើបគេដឹងថា ម្ដាយរបស់គេ បងប្អូន និងសាច់ញាតិប្រមាណ២៥នាក់ផ្សេងទៀត បានបាត់បង់ជីវិតទាំងអស់។ សារព័ត៌មានក្នុងស្រុកបានផ្សាយនៅថ្ងៃទី៤ ខែមេសា ថា Youssef បានបាត់បង់សមាជិកគ្រួសារយ៉ាងតិច១៩នាក់។
មួយថ្ងៃក្រោយការវាយប្រហារ រូបភាពដែល Youssef ឱបកូនទាំង២រុំដោយក្រណាត់ស ត្រូវបានផ្សាយពេញបណ្ដាញសារព័ត៌មាន។ Youssef អង្គុយក្បែរផ្នូរដែលត្រូវជីកដើម្បីកប់កូនប្រុស និងសមាជិកគ្រួសារដទៃទៀត ខណៈជនរងគ្រោះដទៃផ្សេងទៀត ក៏ត្រូវកបដូចគ្នាដែរ។ Youssef និយាយដោយទឹកភ្នែកថា៖ «ខ្ញុំកំពុងយំ តែនេះជាទឹកភ្នែកនៃក្ដីរីករាយ ព្រោះកូនៗខ្ញុំបានទៅជួបព្រះហើយ ដែលទីនោះគឺប្រសើរជាងការរស់នៅក្នុងស៊ីរី»។
ជាមួយសោកនាដកម្មនេះ លោកខាងលិចបានចង្អុលដាក់រដ្ឋាភិបាលស៊ីរី ព្រោះគេយល់ថា គ្មានភាគីណាមានលទ្ធភាពប្រើប្រាស់យន្តហោះចម្បាំងនិងអាវុធគីមីឡើយ។ រដ្ឋាភិបាលស៊ីរីបានបដិសេធដាច់អហង្ការ ហើយរុស្ស៊ីដែលជាសម្ព័ន្ធមិត្តស៊ីរីនោះបានបកស្រាយថា ទ័ពលោក អាសាដ បានវាយប្រហារលើឃ្លាំងផ្ទុកអាវុធគីមីនៅក្រុង Khan Sheikhun ប៉ុណ្ណោះ ហើយយន្តហោះនោះមិនអាចបំពាក់គ្រាប់ដែលផ្ទុះអាវុធគីមីបានឡើយ៕
ការវាយប្រហារដោយប្រើឧស្ម័នគីមីពុល កើតឡើងនៅព្រឹកថ្ងៃទី៤ ខែមេសា នៅទីក្រុង Khan Sheikhun ដែលគ្រប់គ្រងដោយក្រុមឧទ្ទាមប្រឆាំងរដ្ឋាភិបាល។ ប្រជាជនភាគច្រើនកំពុងលង់លក់នៅឡើយ នៅពេលដែលការវាយប្រហារអមនុស្សធម៌នេះកើតឡើង។ សោកនាដកម្មក៏បានកើតឡើងចំពោះ Abdul Hamid Youssef ដោយសមាជិកគ្រួសាររបស់លោកចំនួន២៥នាក់បានបាត់បង់ជីវិតក្នុងចំណោមជនរងគ្រោះប្រមាណ៧០នាក់។
Youssef បានប្រាប់សារព័ត៌មាន CNN ថា ប្រពន្ធ និងកូនភ្លោះរបស់គេបានបាត់បង់ជីវិតក្នុងហេតុការណ៍នេះ។ បុរសស៊ីរីរូបនេះរៀបរាប់ថា ប្រពន្ធ និងកូនៗរបស់លោក បានបែកពពុះមាត់ និងប្រកាច់ ហើយក៏ដាច់ខ្យល់ស្លាប់តែម្ដង។ អ្វីដែលជាសោកនាដកម្មនោះ សមាជិកផ្សេងទៀតនៃគ្រួសារ Youssef ក៏ត្រូវអស់ជីវិតក្នុងហេតុការណ៍ប្រហារដ៏អាក្រក់បំផុតប្រចាំឆ្នាំ២០១៧ នេះដែរ ខណៈមិនទាន់មានអ្នកចេញមកទទួលខុសត្រូវនៅឡើយ។
ជនជាតិស៊ីរីដដែលនេះបន្តថា រូបគេផ្ទាល់បានដួលសន្លប់ដោយសារមិនអាចទ្រាំនឹងសារធាតុគីមីបាន។ ប៉ុន្មានម៉ោងក្រោយសន្លប់ទើបគេដឹងថា ម្ដាយរបស់គេ បងប្អូន និងសាច់ញាតិប្រមាណ២៥នាក់ផ្សេងទៀត បានបាត់បង់ជីវិតទាំងអស់។ សារព័ត៌មានក្នុងស្រុកបានផ្សាយនៅថ្ងៃទី៤ ខែមេសា ថា Youssef បានបាត់បង់សមាជិកគ្រួសារយ៉ាងតិច១៩នាក់។
មួយថ្ងៃក្រោយការវាយប្រហារ រូបភាពដែល Youssef ឱបកូនទាំង២រុំដោយក្រណាត់ស ត្រូវបានផ្សាយពេញបណ្ដាញសារព័ត៌មាន។ Youssef អង្គុយក្បែរផ្នូរដែលត្រូវជីកដើម្បីកប់កូនប្រុស និងសមាជិកគ្រួសារដទៃទៀត ខណៈជនរងគ្រោះដទៃផ្សេងទៀត ក៏ត្រូវកបដូចគ្នាដែរ។ Youssef និយាយដោយទឹកភ្នែកថា៖ «ខ្ញុំកំពុងយំ តែនេះជាទឹកភ្នែកនៃក្ដីរីករាយ ព្រោះកូនៗខ្ញុំបានទៅជួបព្រះហើយ ដែលទីនោះគឺប្រសើរជាងការរស់នៅក្នុងស៊ីរី»។
ជាមួយសោកនាដកម្មនេះ លោកខាងលិចបានចង្អុលដាក់រដ្ឋាភិបាលស៊ីរី ព្រោះគេយល់ថា គ្មានភាគីណាមានលទ្ធភាពប្រើប្រាស់យន្តហោះចម្បាំងនិងអាវុធគីមីឡើយ។ រដ្ឋាភិបាលស៊ីរីបានបដិសេធដាច់អហង្ការ ហើយរុស្ស៊ីដែលជាសម្ព័ន្ធមិត្តស៊ីរីនោះបានបកស្រាយថា ទ័ពលោក អាសាដ បានវាយប្រហារលើឃ្លាំងផ្ទុកអាវុធគីមីនៅក្រុង Khan Sheikhun ប៉ុណ្ណោះ ហើយយន្តហោះនោះមិនអាចបំពាក់គ្រាប់ដែលផ្ទុះអាវុធគីមីបានឡើយ៕
Tag:
ស៊ីរី
© រក្សាសិទ្ធិដោយ thmeythmey.com
