អន្តរជាតិ
មីស៊ីល Hyunmoo-2B បាញ់នាពេលកន្លងមក (រូបភាព Yonhap)
×![]()
ដោយ: តន ចាន់រិទ្ធារ៉ា
កូរ៉េខាងត្បូង បានប្រកាសនៅថ្ងៃទី៦ ខែមេសា ថា ខ្លួនបានសាកល្បងដោយជោគជ័យមីស៊ីលបាលីស្ទិកដែលអាចបាញ់បានចម្ងាយ៨០០គីឡូម៉ែត្រ ពោលគឺអាចបាញ់ដល់គោលដៅគ្រប់ផ្នែករបស់កូរ៉េខាងជើងតែម្ដង។ នេះជាជំហានថ្មីមួយទៀតរបស់កូរ៉េខាងត្បូង ក្នុងការត្រៀមការពារខ្លួនពីការវាយប្រហារណាមួយពីសំណាក់កូរ៉េខាងជើង។ មីស៊ីលថ្មីនេះ គឺជាផ្នែកនៃការអភិវឌ្ឍកម្មវិធីមីស៊ីលរវាងកូរ៉េខាងត្បូង និងអាមេរិក។
ប្រភពពីក្រសួងការពារជាតិកូរ៉េខាងត្បូងបាននិយាយថា កងទ័ពកូរ៉េខាងត្បូងបានបាញ់សាកល្បងជោគជ័យមីស៊ីលបាលីស្ទិកប្រភេទ Hyunmoo ដែលមានសមត្ថភាពបាញ់បានចម្ងាយ៨០០គីឡូម៉ែត្រ នៅឯទីតាំងសាកល្បង Anheung របស់ទីភ្នាក់ងារអភិវឌ្ឍប្រព័ន្ធការពារជាតិ។ រដ្ឋមន្ត្រីការពារជាតិ Han Min-koo បានត្រួតពិនិត្យការធ្វើតេស្តនេះដោយផ្ទាល់ ដោយមីស៊ីលត្រូវបានបាញ់ដោយមិនមានបញ្ហាឡើយ ទាំងការផ្ទុះ ការហោះហើរ និងសុក្រិតភាពជាដើម។
យ៉ាងណាក្ដី ក្រសួងការពារជាតិកូរ៉េខាងត្បូង បែរជាមិនបានបញ្ជាក់ឲ្យបានច្បាស់ទាក់ទងបញ្ហាសាកល្បងនេះទេ។ ក្នុងសន្នសីទកាសែតប្រចាំថ្ងៃ អ្នកនាំពាក្យក្រសួងការពារជាតិ Moon Sang-gyun បានត្រឹមនិយាយលើកឡើងពីការអភិវឌ្ឍមីស៊ីលបាលីស្ទិកអាចបាញ់ចម្ងាយ៨០០គីឡូម៉ែត្រ និងមានទម្ងន់៥០០គីឡូក្រាម។ កម្មវិធីអភិវឌ្ឍនេះ ធ្វើឡើងស្របតាមគោលការណ៍អភិវឌ្ឍមីស៊ីលរវាងកូរ៉េខាងត្បូង និងអាមេរិក។
បើតាមទីភ្នាក់ងារព័ត៌មាន Yonhap កូរ៉េខាងត្បូង និងអាមេរិកសម្រេចបានកិច្ចព្រមព្រៀងមួយក្នុងឆ្នាំ២០១២ ដើម្បីអភិវឌ្ឍមីស៊ីលកូរ៉េខាងត្បូងដែលអាចបាញ់បានចម្ងាយ៨០០គីឡូម៉ែត្រ ខណៈមីស៊ីលប្រភេទនេះអាចបាញ់បានចម្ងាយតែ៣០០គីឡូម៉ែត្រប៉ុណ្ណោះកាលពីមុន។ គោលដៅនៃការបង្កើនចម្ងាយនេះ គឺគ្មានអ្វីក្រៅពីការទប់ទល់ការគំរាមកំហែងពីសំណាក់កូរ៉េខាងជើងឡើយ។ យ៉ាងណាក្ដី មីស៊ីលប្រភេទនេះ មិនទាន់មានឈ្មោះផ្លូវការនៅឡើយទេ។
លើសពីនេះ អ្នកនាំពាក្យខាងលើក៏បញ្ជាក់ដែរថា ពេលវេលាត្រូវពង្រាយមីស៊ីលថ្មីនេះ នៅមិនទាន់ដឹងនៅឡើយទេ ព្រោះកំពុងស្ថិតក្នុងដំណាក់កាលអភិវឌ្ឍនៅឡើយ។ ក្នុងករណីអភិវឌ្ឍរួចរាល់និងត្រូវពង្រាយនោះ មីស៊ីលថ្មីនេះ អាចបាញ់ដល់គោលដៅទាំងអស់នៅកូរ៉េខាងជើង។ ក្រៅពីនេះ ក្រុងសេអ៊ូលក៏មានមីស៊ីលប្រភេទ Hyunmoo មួយចំនួនទៀតដូចជា Hyunmoo-2A អាចបាញ់បានចម្ងាយច្រើនជាង៣០០គីឡូម៉ែត្រ, Hyunmoo-2B អាចបាញ់បានលើស៥០០គីឡូម៉ែត្រ និងមីស៊ីល Hyunmoo-3 បំពាក់លើនាវា អាចបាញ់ចម្ងាយ១០០០គីឡូមែត្រជាដើម។
ការសាកល្បងមីស៊ីលនេះ ធ្វើឡើងមួយថ្ងៃ ក្រោយកូរ៉េខាងជើង បានបាញ់មីស៊ីលមួយគ្រាប់ចេញពីទីតាំងបាញ់មីស៊ីល Sinpo ស្ថិតក្នុងខេត្ត Hamgyong ។ មីស៊ីលបាញ់ដោយបច្ចេកវិទ្យាបាលីស្ទិកនេះ និងបាញ់នៅថ្ងៃទី៥ ដោយហោះបានចម្ងាយប្រហែល៦០គីឡូម៉ែត្រ មុនធ្លាក់ចូលសមុទ្រជប៉ុន។ មីស៊ីលដែលបាញ់នេះ ទំនងជាមីស៊ីលបាលីស្ទិករយៈចម្ងាយមធ្យម KN-15 ដែលគេស្គាល់ជាទូទៅជា Pukguksong-2 និងអាចហោះបានកំពស់១៨៩គីឡូម៉ែត្រ៕
ប្រភពពីក្រសួងការពារជាតិកូរ៉េខាងត្បូងបាននិយាយថា កងទ័ពកូរ៉េខាងត្បូងបានបាញ់សាកល្បងជោគជ័យមីស៊ីលបាលីស្ទិកប្រភេទ Hyunmoo ដែលមានសមត្ថភាពបាញ់បានចម្ងាយ៨០០គីឡូម៉ែត្រ នៅឯទីតាំងសាកល្បង Anheung របស់ទីភ្នាក់ងារអភិវឌ្ឍប្រព័ន្ធការពារជាតិ។ រដ្ឋមន្ត្រីការពារជាតិ Han Min-koo បានត្រួតពិនិត្យការធ្វើតេស្តនេះដោយផ្ទាល់ ដោយមីស៊ីលត្រូវបានបាញ់ដោយមិនមានបញ្ហាឡើយ ទាំងការផ្ទុះ ការហោះហើរ និងសុក្រិតភាពជាដើម។
យ៉ាងណាក្ដី ក្រសួងការពារជាតិកូរ៉េខាងត្បូង បែរជាមិនបានបញ្ជាក់ឲ្យបានច្បាស់ទាក់ទងបញ្ហាសាកល្បងនេះទេ។ ក្នុងសន្នសីទកាសែតប្រចាំថ្ងៃ អ្នកនាំពាក្យក្រសួងការពារជាតិ Moon Sang-gyun បានត្រឹមនិយាយលើកឡើងពីការអភិវឌ្ឍមីស៊ីលបាលីស្ទិកអាចបាញ់ចម្ងាយ៨០០គីឡូម៉ែត្រ និងមានទម្ងន់៥០០គីឡូក្រាម។ កម្មវិធីអភិវឌ្ឍនេះ ធ្វើឡើងស្របតាមគោលការណ៍អភិវឌ្ឍមីស៊ីលរវាងកូរ៉េខាងត្បូង និងអាមេរិក។
បើតាមទីភ្នាក់ងារព័ត៌មាន Yonhap កូរ៉េខាងត្បូង និងអាមេរិកសម្រេចបានកិច្ចព្រមព្រៀងមួយក្នុងឆ្នាំ២០១២ ដើម្បីអភិវឌ្ឍមីស៊ីលកូរ៉េខាងត្បូងដែលអាចបាញ់បានចម្ងាយ៨០០គីឡូម៉ែត្រ ខណៈមីស៊ីលប្រភេទនេះអាចបាញ់បានចម្ងាយតែ៣០០គីឡូម៉ែត្រប៉ុណ្ណោះកាលពីមុន។ គោលដៅនៃការបង្កើនចម្ងាយនេះ គឺគ្មានអ្វីក្រៅពីការទប់ទល់ការគំរាមកំហែងពីសំណាក់កូរ៉េខាងជើងឡើយ។ យ៉ាងណាក្ដី មីស៊ីលប្រភេទនេះ មិនទាន់មានឈ្មោះផ្លូវការនៅឡើយទេ។
លើសពីនេះ អ្នកនាំពាក្យខាងលើក៏បញ្ជាក់ដែរថា ពេលវេលាត្រូវពង្រាយមីស៊ីលថ្មីនេះ នៅមិនទាន់ដឹងនៅឡើយទេ ព្រោះកំពុងស្ថិតក្នុងដំណាក់កាលអភិវឌ្ឍនៅឡើយ។ ក្នុងករណីអភិវឌ្ឍរួចរាល់និងត្រូវពង្រាយនោះ មីស៊ីលថ្មីនេះ អាចបាញ់ដល់គោលដៅទាំងអស់នៅកូរ៉េខាងជើង។ ក្រៅពីនេះ ក្រុងសេអ៊ូលក៏មានមីស៊ីលប្រភេទ Hyunmoo មួយចំនួនទៀតដូចជា Hyunmoo-2A អាចបាញ់បានចម្ងាយច្រើនជាង៣០០គីឡូម៉ែត្រ, Hyunmoo-2B អាចបាញ់បានលើស៥០០គីឡូម៉ែត្រ និងមីស៊ីល Hyunmoo-3 បំពាក់លើនាវា អាចបាញ់ចម្ងាយ១០០០គីឡូមែត្រជាដើម។
ការសាកល្បងមីស៊ីលនេះ ធ្វើឡើងមួយថ្ងៃ ក្រោយកូរ៉េខាងជើង បានបាញ់មីស៊ីលមួយគ្រាប់ចេញពីទីតាំងបាញ់មីស៊ីល Sinpo ស្ថិតក្នុងខេត្ត Hamgyong ។ មីស៊ីលបាញ់ដោយបច្ចេកវិទ្យាបាលីស្ទិកនេះ និងបាញ់នៅថ្ងៃទី៥ ដោយហោះបានចម្ងាយប្រហែល៦០គីឡូម៉ែត្រ មុនធ្លាក់ចូលសមុទ្រជប៉ុន។ មីស៊ីលដែលបាញ់នេះ ទំនងជាមីស៊ីលបាលីស្ទិករយៈចម្ងាយមធ្យម KN-15 ដែលគេស្គាល់ជាទូទៅជា Pukguksong-2 និងអាចហោះបានកំពស់១៨៩គីឡូម៉ែត្រ៕
Tag:
កូរ៉េខាងត្បូង
កូរ៉េខាងជើង
Han Min-koo
© រក្សាសិទ្ធិដោយ thmeythmey.com
