ជាតិ
សង្គមជាតិ
«ដួងតារាសង្ក្រាន្តពោធិ៍សែនជ័យ» នៅតំបន់សេដ្ឋកិច្ចពិសេស ចាប់ផ្តើមនៅថ្ងៃសុក្រនេះហើយ
×
ភ្នំពេញ៖ នៅថ្ងៃទី៧-៩ មេសានេះ រដ្ឋបាលខណ្ឌពោធិ៍សែនជ័យ និងសហភាពសហព័ន្ធយុវជនកម្ពុជាខណ្ឌពោធិ៍សែនជ័យ បានសហការជាមួយតំបន់សេដ្ឋកិច្ចពិសេស ដើម្បីរៀបរាប់ចំ «ដួងតារាសង្ក្រាន្តពោធិ៍សែនជ័យ»។ «ដួងតារាសង្ក្រាន្តពោធិ៍សែនជ័យ»នេះ រៀបចំនៅតំបន់សេដ្ឋកិច្ចពិសេស ស្ថិតក្នុងសង្កាត់កន្ទោក ខណ្ឌពោធិ៍សែនជ័យ រយៈពេល ៣ថ្ងៃ។
ព្រឹត្តិការណ៍ «ដួងតារាសង្ក្រាន្តពោធិ៍សែនជ័យ» នឹងរៀបចំរយៈពេល ៣ថ្ងៃ ចាប់ពីថ្ងៃទី៧-៩ មេសានេះ នៅក្នុងតំបន់សេដ្ឋកិច្ចពិសេស។ «ដួងតារាសង្ក្រាន្តពោធិ៍សែនជ័យ» រៀបចំដោយរដ្ឋបាលខណ្ឌពោធិ៍សែនជ័យ និងសហភាពសហព័ន្ធយុវជនកម្ពុជាខណ្ឌពោធិ៍សែនជ័យ បានសហការជាមួយតំបន់សេដ្ឋកិច្ចពិសេសភ្នំពេញ។
«ដួងតារាសង្ក្រាន្តពោធិ៍សែនជ័យ» គឺព្រឹត្តិការណ៍ដែលរៀបចំឡើង ដើម្បីអបអរពិធីបុណ្យចូលឆ្នាំថ្មី ប្រពៃណីជាតិខ្មែរ និងឲ្យពលរដ្ឋបានជួបជុំកម្សាន្តសប្បាយ។ ព្រឹត្តិការណ៍នេះ មានពិធីសាសនា ការលេងល្បែងប្រជាប្រិយ ការតាំងពិព័រណ៌ និងការប្រគំតន្ត្រីជាដើម។ ជាពិសេស ព្រឹត្តិការណ៍នេះ មានការតាំងពិព័រណ៍ផលិតផលរបស់សង្កាត់នីមួយៗ នៃខណ្ឌពោធិ៍សែនជ័យផងដែរ។
ព្រឹត្តិការណ៍នេះ នឹងមានការប្រគំតន្ត្រី ដោយមានការចូលរួមពីតារាល្បីៗ និងតារាកំប្លែកជាច្រើនរូប។ ម្យ៉ាងទៀត ព្រឹត្តិការណ៍នេះ មានការប្រឡងសម្រស់បុរស នារី វ័យចំណាស់ ប្រចាំខណ្ឌពោធិ៍សែនជ័យ ដើម្បីបង្កើនភាពសប្បាយរីករាយដល់ប្រជាពលរដ្ឋ ដែលរស់នៅក្នុងខណ្ឌនេះ។ ជាមួយគ្នានេះ ការប្រឡងចម្រៀង និងបវរកញ្ញាកម្មករ។
គួរបញ្ជាក់ថា នេះជាឆ្នាំទី២ហើយ ដែលរដ្ឋបាលខណ្ឌពោធិ៍សែនជ័យ បានរៀបចំព្រឹត្តិការណ៍នេះឡើង។ ដោយកាលពីឆ្នាំមុន បានរៀបចំនៅវត្តតិក្ខបញ្ញោ ក្នុងសង្កាត់សំរោងក្រោម ដែលមានប្រជាពលរដ្ឋចូលរួមលេងកម្សាន្តយ៉ាងច្រើនកុះករ៕
Tag:
សង្ក្រាន្តឆ្នាំថ្មី
សង្ក្រាន្ត
© រក្សាសិទ្ធិដោយ thmeythmey.com