ជាតិ
សេដ្ឋកិច្ច
×![]()
សៀមរាប៖ ជាទូទៅទៅហើយ ដែលសណ្ឋាគារ ផ្ទះសំណាក់ ឫអាហារដ្ឋានមួយចំនួន ឆ្លៀតដំឡើងថ្លៃ អំឡុងពេលមានពិធីបុណ្យទានម្តងៗ។ តួយ៉ាង ព្រឹត្តិការណ៍អង្គរសង្ក្រាន្តដែលរៀបចំធ្វើនៅខេត្តសៀមរាប បានទាក់ទាញភ្ញៀវទេសចរជាច្រើនឲ្យមកកម្សាន្តក្នុងខេត្តទេសចរណ៍មួយនេះ។ ក្នុងអំឡុងពេលនេះ ផ្ទះសំណាក់ សណ្ឋាគារមួយចំនួន បានដំឡើងថ្លៃសេវារបស់ខ្លួន ដែលខ្លះដំឡើងរហូតទៅមួយទ្វេជាពីរក៏មាន។
ហេតុអ្វីបានជាម្ចាស់ផ្ទះសំណាក់ សណ្ឋាគារ ដំឡើងថ្លៃយ៉ាងដូច្នេះ? សំណួរនេះ មិនពិបាករកចម្លើយនោះទេ។ ពួកគេយល់ថា នេះជាឳកាសមាសឳកាសប្រាក់សម្រាប់ពួកគេ ដែលមិនមានច្រើនទេក្នុងមួយឆ្នាំៗ។ ជាក់ស្តែងក្នុងពិធីបុណ្យចូលឆ្នាំប្រពៃណី ក៏ដូចជាកម្មវិធីអង្គរសង្ក្រាន្ត គឺមានទេសចរច្រើនមកដើរកម្សាន្ត ហើយវាជាពេលវេលាដែលស័ក្តិសមសម្រាប់ការដំឡើងថ្លៃនេះ។
ជាការពិតណាស់ សេវាកម្មបន្ទប់ស្នាក់នៅក្នុងខេត្តសៀមរាបមិនទាន់បំពេញតាមតម្រូវការជាក់ស្តែងនៅឡើយ ជាពិសេសពេលមានបុណ្យទានសំខាន់ៗ។ វាជាមូលហេតុមួយ ក្នុងចំណោមហេតុផលច្រើនទៀត ដែលធ្វើឲ្យម្ចាស់អាជីវកម្មទាំងនោះ គិតថាការដំឡើងថ្លៃជារឿងមួយដែលត្រឹមត្រូវ ហើយភ្ញៀវគ្មានជម្រើសនោះទេ។
ផ្ទះសំណាក់យីហោ ម៉ី គួយ ដែលមានទីតាំងនៅភូមិស្ទឹងថ្មី សង្កាត់ស្វាយដង្គំ ក្រុងសៀមរាប បានឡើងថ្លៃមួយទ្វេជាពីរ។ បន្ទប់កង្ហា គ្រែពីរ ពីតម្លៃ៨ដុល្លារ ឡើងដល់ ១៥ដុល្លារ អំឡុងពេលចូលឆ្នាំនេះ។ នេះបើតាមការបញ្ជាក់ពីបុគ្គលិកផ្ទះសំណាក់ ម៉ី គួយ ដែលមានថៅកែជាជនបរទេស។
ចំណែកសណ្ឋាគារយីយោ ៣០៦ នោះវិញ អ្នកគ្រប់គ្រងបាននិយាយថា គេសម្រេចដំឡើងថ្លៃ៥ដុល្លារលើតម្លៃចាស់។ អ្នកគ្រប់គ្រងប្រាប់ពីហេតុផលថា តម្លៃទាំងនោះថ្នាក់គ្រប់គ្រងយកទៅជួលបុគ្គលិកដែលធ្វើការក្នុងថ្ងៃបុណ្យចូលឆ្នាំ។
ដោយឡែកសណ្ឋាគារ ហ៊ីលឡក់ (Hillocks Hotel and spa) នោះវិញ អ្នកគ្រប់គ្រងទូទៅបាននិយាយថា គេបានលក់កម្មវិធីប្រូមូសិនពិសេស ដោយនៅរក្សាតម្លៃដដែល។ អ្វីដែលកត់សម្គាល់នោះ គឺថាមានការបញ្ជាកក់ពេញ នៅមុនថ្ងៃបុណ្យចូលឆ្នាំទៅទៀត៕
Tag:
អង្គរសង្ក្រាន្ត២០១៧
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
7 ម៉ោង
