អន្តរជាតិ
ប្រធានាធិបតីស្ដីទីកូរ៉េខាងត្បូងបញ្ជាឲ្យទ័ពត្រៀមខ្លួនវាយបក បើកូរ៉េខាងជើងហ៊ានវាយលុក
ប្រធានាធិបតីស្ដីទី និងជានាយករដ្ឋមន្ត្រីកូរ៉េខាងត្បូង Hwang Kyo-ahn ក្នុងកិច្ចប្រជុំគណៈរដ្ឋមន្ត្រី (រូបភាព Xinhua)
×![]()
ដោយ: តន ចាន់រិទ្ធារ៉ា
នាយករដ្ឋមន្ត្រី និងជាប្រធានាធិបតីស្ដីទីកូរ៉េខាងត្បូង Hwang Kyo-ahn បានចេញបញ្ជាឲ្យកងទ័ពទាំងអស់ ត្រៀមខ្លួនឲ្យស្រេចបាច់ក្នុងការឆ្លើយតបភ្លាមៗ បើមានការវាយប្រហារណាមួយពីសំណាក់កូរ៉េខាងជើង។ ខណៈស្ថានការណ៍ឧបទ្វីបកូរ៉េកំពុងតានតឹងខ្លាំង កូរ៉េខាងជើងព្រមានហើយថា រដ្ឋធានីសេអ៊ូល និងមូលដ្ឋានកងទ័ពអាមេរិកនៅកូរ៉េខាងត្បូង គឺជាគោលដៅវាយប្រហារសងសឹករបស់ខ្លួន ហើយត្រូវកម្ទេចក្លាយជាផេះតែម្ដង។
ការឆ្លើយឆ្លងសម្ដីគំរាមគ្នាទៅវិញទៅមករវាងអាមេរិក និងកូរ៉េខាងជើង កំពុងតែធ្វើឲ្យស្ថានការណ៍ឧបទ្វីបកូរ៉េកាន់តែពិបាកស្មាន។ កូរ៉េខាងជើង មិនញញើតការគំរាមរបស់អាមេរិកឡើយ ហើយថែមទាំងគំរាមវាយបកលើអាមរិក និងសម្ព័ន្ធមិត្តអាមេរិកមានកូរ៉េខាងត្បូង និងជប៉ុនទៅទៀត។ កូរ៉េខាងត្បូង ដែលនៅជាប់កូរ៉េខាងជើង ពិតជាព្រួយបារម្ភខ្លាំង ព្រោះខ្លួនជាមុខសញ្ញាមុនគេ បើមានការវាយប្រហារលើកនេះ។
ថ្លែងក្នុងកិច្ចប្រជុំគណៈរដ្ឋមន្ត្រីនៅថ្ងៃទី២០ ខែមេសា ប្រធានាធិបតីស្តីទី Hwang Kyo-ahn បានប្រាប់ឲ្យកងទ័ពទាំងអស់ត្រៀមលក្ខណៈតាមដានឲ្យបានជិតដិតសកម្មភាពបង្ករឿងរបស់កូរ៉េខាងជើង។ បើតាមទីភ្នាក់ងារព័ត៌មាន Yonhap លោក Hwang Kyo-ahn ដែលជានាយករដ្ឋមន្ត្រីដែរនោះ ក៏ស្នើឲ្យកងទ័ពពង្រឹងសមត្ថភាពរបស់ខ្លួន ដើម្បីត្រៀមឆ្លើយតបភ្លាមៗការវាយប្រហារណាមួយពីសំណាក់កងទ័ពក្រុងព្យុងយ៉ាង។
ជាមួយគ្នានោះ លោក Hwang Kyo-ahn ក៏ទាយទុកមុនដែរថា កូរ៉េខាងជើង អាចបាញ់មីស៊ីលបាលីស្ទិក ឬក៏សាកល្បងនុយក្លេអ៊ែរក្នុងពេលឆាប់ៗខាងមុខ។ កាលពីចុងសប្ដាហ៍មុន កូរ៉េខាងជើង បានត្រឹមបាញ់មីស៊ីលប៉ុណ្ណោះ ហើយបរាជ័យទៅទៀត ក្រោយសម្រេចចិត្តមិនសាកល្បងនុយក្លេអ៊ែរលើកទី៦ ដើម្បីអបអរខួប១០៥ឆ្នាំ ថ្ងៃកំណើតលោក គីម អ៊ីលស៊ុង។ ប៉ុន្តែកូរ៉េខាងជើងអាចសាកល្បង ឬបាញ់មីស៊ីលម្ដងទៀត នៅសប្ដាហ៍ក្រោយ នាឱកាសខួបទី៨៥ថ្ងៃកំណើតកងទ័ពរំដោះប្រជាជនកូរ៉េ។
ស្ថានភាពនៅឧបទ្វីបកូរ៉េតានតឹងខ្លាំង ព្រោះកូរ៉េខាងជើងនៅតែមិនបោះបង់មហិច្ឆតានុយក្លេអ៊ែររបស់ខ្លួន ហើយម្ដងហើយម្ដងទៀត បានសាកល្បង និងបាញ់មីស៊ីលផ្គើនគេឯងទៀតផង។ អាមេរិក ក៏មិននៅស្ងៀមដែរ គឺបានព្រមានកូរ៉េខាងជើងដូចគ្នា និងបានប្រាប់រដ្ឋកុម្មុយនីស្តមួយនេះ មិនត្រូវសាកល្បងនុយក្លេអ៊ែរលើកទី៦ ឡើយ។ អាមេរិក ក៏ព្រមានប្រើកម្លាំងទ័ពឯកតោភាគី ដើម្បីបញ្ចប់កម្មវិធីនុយក្លេអ៊ែររបស់កូរ៉េខាងជើង។
បើទោះជាមានការត្រៀមខ្លួនប្រយុទ្ធដោយភាគីទាំងសងខាងក៏ដោយ ភាគីពាក់ព័ន្ធផ្សេងទៀតមានចិន និងរុស្ស៊ីជាដើម ក៏ស្នើឲ្យអាមេរិកមិនត្រូវធ្វើប្រតិបត្តិការយោធាឯកតោភាគីឡើយ។ ចិន ជាសម្ព័ន្ធមិត្តរបស់កូរ៉េខាងជើង នៅតែប្រកាន់ជំហរចរចាក្នុងការដោះស្រាយភាពតានតឹងទាំងនេះ ប៉ុន្តែសំណើរបស់ចិន មិនត្រូវកូរ៉េខាងជើងស្ដាប់ឡើយ។ ចុងក្រោយនោះ ទាំងកូរ៉េខាងជើង ទាំងអាមេរិកនិងសម្ព័ន្ធមិត្ត សុទ្ធតែចាំមើលទង្វើភាគីម្ខាងៗទៀត ខណៈកងទ័ពក៏ត្រៀមខ្លួនប្រយុទ្ធហើយដែរ៕
ការឆ្លើយឆ្លងសម្ដីគំរាមគ្នាទៅវិញទៅមករវាងអាមេរិក និងកូរ៉េខាងជើង កំពុងតែធ្វើឲ្យស្ថានការណ៍ឧបទ្វីបកូរ៉េកាន់តែពិបាកស្មាន។ កូរ៉េខាងជើង មិនញញើតការគំរាមរបស់អាមេរិកឡើយ ហើយថែមទាំងគំរាមវាយបកលើអាមរិក និងសម្ព័ន្ធមិត្តអាមេរិកមានកូរ៉េខាងត្បូង និងជប៉ុនទៅទៀត។ កូរ៉េខាងត្បូង ដែលនៅជាប់កូរ៉េខាងជើង ពិតជាព្រួយបារម្ភខ្លាំង ព្រោះខ្លួនជាមុខសញ្ញាមុនគេ បើមានការវាយប្រហារលើកនេះ។
ថ្លែងក្នុងកិច្ចប្រជុំគណៈរដ្ឋមន្ត្រីនៅថ្ងៃទី២០ ខែមេសា ប្រធានាធិបតីស្តីទី Hwang Kyo-ahn បានប្រាប់ឲ្យកងទ័ពទាំងអស់ត្រៀមលក្ខណៈតាមដានឲ្យបានជិតដិតសកម្មភាពបង្ករឿងរបស់កូរ៉េខាងជើង។ បើតាមទីភ្នាក់ងារព័ត៌មាន Yonhap លោក Hwang Kyo-ahn ដែលជានាយករដ្ឋមន្ត្រីដែរនោះ ក៏ស្នើឲ្យកងទ័ពពង្រឹងសមត្ថភាពរបស់ខ្លួន ដើម្បីត្រៀមឆ្លើយតបភ្លាមៗការវាយប្រហារណាមួយពីសំណាក់កងទ័ពក្រុងព្យុងយ៉ាង។
ជាមួយគ្នានោះ លោក Hwang Kyo-ahn ក៏ទាយទុកមុនដែរថា កូរ៉េខាងជើង អាចបាញ់មីស៊ីលបាលីស្ទិក ឬក៏សាកល្បងនុយក្លេអ៊ែរក្នុងពេលឆាប់ៗខាងមុខ។ កាលពីចុងសប្ដាហ៍មុន កូរ៉េខាងជើង បានត្រឹមបាញ់មីស៊ីលប៉ុណ្ណោះ ហើយបរាជ័យទៅទៀត ក្រោយសម្រេចចិត្តមិនសាកល្បងនុយក្លេអ៊ែរលើកទី៦ ដើម្បីអបអរខួប១០៥ឆ្នាំ ថ្ងៃកំណើតលោក គីម អ៊ីលស៊ុង។ ប៉ុន្តែកូរ៉េខាងជើងអាចសាកល្បង ឬបាញ់មីស៊ីលម្ដងទៀត នៅសប្ដាហ៍ក្រោយ នាឱកាសខួបទី៨៥ថ្ងៃកំណើតកងទ័ពរំដោះប្រជាជនកូរ៉េ។
ស្ថានភាពនៅឧបទ្វីបកូរ៉េតានតឹងខ្លាំង ព្រោះកូរ៉េខាងជើងនៅតែមិនបោះបង់មហិច្ឆតានុយក្លេអ៊ែររបស់ខ្លួន ហើយម្ដងហើយម្ដងទៀត បានសាកល្បង និងបាញ់មីស៊ីលផ្គើនគេឯងទៀតផង។ អាមេរិក ក៏មិននៅស្ងៀមដែរ គឺបានព្រមានកូរ៉េខាងជើងដូចគ្នា និងបានប្រាប់រដ្ឋកុម្មុយនីស្តមួយនេះ មិនត្រូវសាកល្បងនុយក្លេអ៊ែរលើកទី៦ ឡើយ។ អាមេរិក ក៏ព្រមានប្រើកម្លាំងទ័ពឯកតោភាគី ដើម្បីបញ្ចប់កម្មវិធីនុយក្លេអ៊ែររបស់កូរ៉េខាងជើង។
បើទោះជាមានការត្រៀមខ្លួនប្រយុទ្ធដោយភាគីទាំងសងខាងក៏ដោយ ភាគីពាក់ព័ន្ធផ្សេងទៀតមានចិន និងរុស្ស៊ីជាដើម ក៏ស្នើឲ្យអាមេរិកមិនត្រូវធ្វើប្រតិបត្តិការយោធាឯកតោភាគីឡើយ។ ចិន ជាសម្ព័ន្ធមិត្តរបស់កូរ៉េខាងជើង នៅតែប្រកាន់ជំហរចរចាក្នុងការដោះស្រាយភាពតានតឹងទាំងនេះ ប៉ុន្តែសំណើរបស់ចិន មិនត្រូវកូរ៉េខាងជើងស្ដាប់ឡើយ។ ចុងក្រោយនោះ ទាំងកូរ៉េខាងជើង ទាំងអាមេរិកនិងសម្ព័ន្ធមិត្ត សុទ្ធតែចាំមើលទង្វើភាគីម្ខាងៗទៀត ខណៈកងទ័ពក៏ត្រៀមខ្លួនប្រយុទ្ធហើយដែរ៕
Tag:
ឧបទ្វីបកូរ៉េ
Hwang Kyo-ahn
© រក្សាសិទ្ធិដោយ thmeythmey.com
