អន្តរជាតិ
ថៃ៖ អ្នកបើកបរស្រវឹង ត្រូវបញ្ជូនទៅកន្លែងដាក់សព និងមន្ទីរពេទ្យ ដើម្បីឲ្យយល់ពីគ្រោះថ្នាក់
×![]()
ដោយ: តន ចាន់រិទ្ធារ៉ា
អ្នកបើកបរទាំងឡាយ ដែលប្រព្រឹត្តបទល្មើសបញ្ជាយានយន្តក្នុងស្ថានភាពស្រវឹងអំឡុងពិធីបុណ្យចូលសង្ក្រាន្ត នឹងត្រូវបញ្ជូនឲ្យទៅធ្វើការក្នុងមន្ទីរពេទ្យ ឬក៏កន្លែងដាក់សព ដើម្បីបង្កើនការយល់ដឹងរបស់ពួកគេ ជុំវិញផលវិបាកកើតចេញពីគ្រោះថ្នាក់ចរាចរណ៍។ នេះ គឺជាការប្រកាសរបស់នាយកដ្ឋានហាត់ការរបស់ថៃ ក្នុងគោលដៅកាត់បន្ថយចំនួនគ្រោះថ្នាក់ចរាចរណ៍ដែលសម្លាប់មនុស្សជាច្រើនរយនាក់ផង និងដើម្បីអប់រំអ្នកបើកបរផង។
ពិធីចូលឆ្នាំថ្មី គឺជាពេលវេលាដែលចំនួនគ្រោះថ្នាក់ចរាចរណ៍កើនឡើងខ្លាំងបំផុត បើទោះជារដ្ឋាភិបាលថៃខំប្រឹងចាត់វិធានការណ៍ទប់ស្កាត់ក៏ដោយចុះ។ ជារៀងរាល់ឆ្នាំ អំឡុងពេលប្រារព្ធពិធីសំខាន់នេះ គ្រោះថ្នាក់ចរាចរណ៍រាប់ពាន់ករណីបានកើតឡើង និងឆក់យកជីវិតមនុស្សរាប់រយនាក់។ ភាគច្រើននៃគ្រោះថ្នាក់ទាំងអស់ គឺបណ្ដាលមកពីការបើកបរក្នុងស្ថានភាពស្រវឹង ខណៈខ្លះទៀតបណ្ដាលមកពីការបើកដោយខ្វះការធ្វេសប្រហែស។
ក្នុងគោលការដៅកាត់បន្ថយគ្រោះថ្នាក់ចរាចរណ៍ អាជ្ញាធរថៃ ក៏ចេញវិធានការណ៍ ដោយបញ្ជូនអ្នកបើកបរល្មើសច្បាប់ទាំងនោះ ទៅធ្វើការនៅតាមមន្ទីរពេទ្យ និងកន្លែងដាក់សាកសព ដែលធ្វើដូចនេះពួកគេនឹងយល់ដឹងច្រើនពីគ្រោះថ្នាក់។ លោក Narat Sawetnant ជាប្រធាននាយកដ្ឋាខាងលើនិយាយថា ចំណាត់ការនេះ គឺជាផ្នែកមួយនៃគោលនយោបាយនាយកដ្ឋានរបស់លោកដើម្បីអប់រំ និងត្រួតពិនិត្យអាកប្បកិរិយាជនល្មើស។
កាសែតបាងកកប៉ុស្តិ៍ផ្សាយថា តុលាការ នឹងបញ្ជាឲ្យជនល្មើសធ្វើការនៅមន្ទីរពេទ្យ និងកន្លែងដាក់សព។ នៅកន្លែងទាំងនោះ អ្នកប្រព្រឹត្តខុសទាំងនោះ ត្រូវធ្វើការក្នុងបន្ទប់សង្គ្រោះបន្ទាន់ និងសង្កេតមើលសកម្មភាពរបស់ក្រុមគ្រូពេទ្យ ដែលកំពុងព្យាបាលអ្នកជំងឺរងគ្រោះដោយគ្រោះថ្នាក់ចរាចរណ៍ ព្រមទាំងចូលមើលស្ថានភាពអ្នកជំងឺ ក៏ដូចជាជនពិការដោយគ្រោះថ្នាក់ចរាចរណ៍ផង។ ការធ្វើដូចនេះ នឹងកែប្រែអាកប្បកិរិយានៃអ្នកបើកបរមិនខាន។
លោក Narat បញ្ជាក់ដែរថា ចំណាត់ការថ្មីនេះ អាចនឹងចេញជារូបរាងក្នុងខែមិថុនា។ លោកបន្តថា ជនល្មើស ក៏អាចត្រូវហាមឃាត់ពីការចូលទៅតំបន់ណាមួយដែរ ឬក៏ចាកចេញពីតំបន់មួយទៅតំបន់មួយទៀតដែរ ហើយអ្នកដែលបំពានការហាមឃាត់នេះ នឹងត្រូវចាប់ខ្លួន ឬក៏បញ្ជូនទៅកាន់ពន្ធនាគារមិនខាន។ បើតាមលោក Narat ការធ្វើដូច្នេះមិនបំពានសិទ្ធិមនុស្សឡើយ ព្រោះធ្វើតាមច្បាប់ប្រទេសប៉ុណ្ណោះ។
ក្នុងរយៈពេលនៃការអបអរពិធីសង្ក្រាន្ត មនុស្សចំនួន៣៩០នាក់ បានបង់ជីវិតដោយសារគ្រោះថ្នាក់ចរាចរណ៍ និង៣៨០៨នាក់ទៀតរងរបួស។ រដ្ឋាភិបាលយោធាថៃ បានបើកយុទ្ធនាការ៧ថ្ងៃគ្មានគ្រោះថ្នាក់ចរាចរណ៍ ដោយបានអប់រំប្រជាជន និងរឹតបន្តឹងសុវត្ថិភាពនៃការធ្វើដំណើរ។ យ៉ាងណាក្ដី ចំនួនគ្រោះថ្នាក់ចរាចរណ៍នៅតែកើនខ្ពស់ដដែល ទោះជាចំនួនអ្នកស្លាប់ថយចុះបន្តិចបន្តួច បើប្រៀបធៀបឆ្នាំកន្លងទៅ៕
ពិធីចូលឆ្នាំថ្មី គឺជាពេលវេលាដែលចំនួនគ្រោះថ្នាក់ចរាចរណ៍កើនឡើងខ្លាំងបំផុត បើទោះជារដ្ឋាភិបាលថៃខំប្រឹងចាត់វិធានការណ៍ទប់ស្កាត់ក៏ដោយចុះ។ ជារៀងរាល់ឆ្នាំ អំឡុងពេលប្រារព្ធពិធីសំខាន់នេះ គ្រោះថ្នាក់ចរាចរណ៍រាប់ពាន់ករណីបានកើតឡើង និងឆក់យកជីវិតមនុស្សរាប់រយនាក់។ ភាគច្រើននៃគ្រោះថ្នាក់ទាំងអស់ គឺបណ្ដាលមកពីការបើកបរក្នុងស្ថានភាពស្រវឹង ខណៈខ្លះទៀតបណ្ដាលមកពីការបើកដោយខ្វះការធ្វេសប្រហែស។
ក្នុងគោលការដៅកាត់បន្ថយគ្រោះថ្នាក់ចរាចរណ៍ អាជ្ញាធរថៃ ក៏ចេញវិធានការណ៍ ដោយបញ្ជូនអ្នកបើកបរល្មើសច្បាប់ទាំងនោះ ទៅធ្វើការនៅតាមមន្ទីរពេទ្យ និងកន្លែងដាក់សាកសព ដែលធ្វើដូចនេះពួកគេនឹងយល់ដឹងច្រើនពីគ្រោះថ្នាក់។ លោក Narat Sawetnant ជាប្រធាននាយកដ្ឋាខាងលើនិយាយថា ចំណាត់ការនេះ គឺជាផ្នែកមួយនៃគោលនយោបាយនាយកដ្ឋានរបស់លោកដើម្បីអប់រំ និងត្រួតពិនិត្យអាកប្បកិរិយាជនល្មើស។
កាសែតបាងកកប៉ុស្តិ៍ផ្សាយថា តុលាការ នឹងបញ្ជាឲ្យជនល្មើសធ្វើការនៅមន្ទីរពេទ្យ និងកន្លែងដាក់សព។ នៅកន្លែងទាំងនោះ អ្នកប្រព្រឹត្តខុសទាំងនោះ ត្រូវធ្វើការក្នុងបន្ទប់សង្គ្រោះបន្ទាន់ និងសង្កេតមើលសកម្មភាពរបស់ក្រុមគ្រូពេទ្យ ដែលកំពុងព្យាបាលអ្នកជំងឺរងគ្រោះដោយគ្រោះថ្នាក់ចរាចរណ៍ ព្រមទាំងចូលមើលស្ថានភាពអ្នកជំងឺ ក៏ដូចជាជនពិការដោយគ្រោះថ្នាក់ចរាចរណ៍ផង។ ការធ្វើដូចនេះ នឹងកែប្រែអាកប្បកិរិយានៃអ្នកបើកបរមិនខាន។
លោក Narat បញ្ជាក់ដែរថា ចំណាត់ការថ្មីនេះ អាចនឹងចេញជារូបរាងក្នុងខែមិថុនា។ លោកបន្តថា ជនល្មើស ក៏អាចត្រូវហាមឃាត់ពីការចូលទៅតំបន់ណាមួយដែរ ឬក៏ចាកចេញពីតំបន់មួយទៅតំបន់មួយទៀតដែរ ហើយអ្នកដែលបំពានការហាមឃាត់នេះ នឹងត្រូវចាប់ខ្លួន ឬក៏បញ្ជូនទៅកាន់ពន្ធនាគារមិនខាន។ បើតាមលោក Narat ការធ្វើដូច្នេះមិនបំពានសិទ្ធិមនុស្សឡើយ ព្រោះធ្វើតាមច្បាប់ប្រទេសប៉ុណ្ណោះ។
ក្នុងរយៈពេលនៃការអបអរពិធីសង្ក្រាន្ត មនុស្សចំនួន៣៩០នាក់ បានបង់ជីវិតដោយសារគ្រោះថ្នាក់ចរាចរណ៍ និង៣៨០៨នាក់ទៀតរងរបួស។ រដ្ឋាភិបាលយោធាថៃ បានបើកយុទ្ធនាការ៧ថ្ងៃគ្មានគ្រោះថ្នាក់ចរាចរណ៍ ដោយបានអប់រំប្រជាជន និងរឹតបន្តឹងសុវត្ថិភាពនៃការធ្វើដំណើរ។ យ៉ាងណាក្ដី ចំនួនគ្រោះថ្នាក់ចរាចរណ៍នៅតែកើនខ្ពស់ដដែល ទោះជាចំនួនអ្នកស្លាប់ថយចុះបន្តិចបន្តួច បើប្រៀបធៀបឆ្នាំកន្លងទៅ៕
Tag:
ថៃ
ចរាចរណ៍
© រក្សាសិទ្ធិដោយ thmeythmey.com
