អន្តរជាតិ
នាវាល្បាតបំពាក់មីស៊ីល Varyag របស់កងទ័ពជើងទឹករុស្ស៊ីនៅកំពង់ផែក្រុងម៉ានីល (រូបភាព Reuters)
×![]()
ដោយ: តន ចាន់រិទ្ធារ៉ា
នាវា២គ្រឿងនៃកងទ័ពជើងទឹករុស្ស៊ី បានទៅហ្វីលីពីននៅថ្ងៃទី២០ ខែមេសា ដើម្បីចូលរួមក្នុងសមយុទ្ធរួមគ្នា។ ការមកដល់នេះ គឺជាផ្នែកមួយគោលនយោបាយការបរទេសថ្មីរបស់ប្រធានាធិបតី Rodrigo Duterte ដែលងាកចេញពីអាមេរិកជាសម្ព័ន្ធមិត្តយូរឆ្នាំ និងបោះដៃទៅរកគូប្រជែងរបស់អាមេរិកមានរុស្ស៊ី និងចិនជាដើម។ ទស្សនកិច្ចនេះ ក៏ជាឱកាសសម្រាប់រុស្ស៊ីក្នុងបង្ហាញសព្វាវុធរបស់ខ្លួនសម្រាប់ទាក់ទាញចំណាប់អារម្មណ៍ហ្វីលីពីនដែរ។
នាវាល្បាតបំពាក់មីស៊ីល Varyag និងនាវាដឹកប្រេង Pechenge កំពុងចាប់ផ្ដើមទស្សនកិច្ច៤ថ្ងៃនៅហ្វីលីពីន ដើម្បីពង្រឹងទំនាក់ទំនងទ្វេភាគី ដែលកំពុងតែផ្អែមល្ហែម។ នេះជាលើកទី២ ដែលនាវារុស្ស៊ីមានវត្តមានលើទឹកដីហ្វីលីពីនក្នុងរយៈពេល៣ខែចុងក្រោយ។ ការមកដល់របស់នាវារុស្ស៊ី ក៏ជាសញ្ញានៃការទៅមុខកាន់តែប្រសើរនៃចំណងការទូតរុស្ស៊ី និងហ្វីលីពីន ស្របពេលរដ្ឋបាលលោក Rodrigo Duterte បែរខ្នងដាក់អាមេរិកនោះ។
លោក Lued Lincuna នាយកកិច្ចការសាធារណៈនៃកងទ័ពជើងទឹករុស្ស៊ីនិយាយថា កងទ័ពហ្វីលីពីនសង្ឃឹមថាអាចរៀនសូត្របានច្រើនពីកងទ័ពរុស្ស៊ី អំឡុងពេលលំហាត់រួមគ្នានេះ។ ទីភ្នាក់ងារព័ត៌មាន Reuters ផ្សាយថា កងទ័ពជើងទឹកទាំង២ប្រទេស នឹងចូលរួមសមយុទ្ធរួមគ្នា និងលេងកីឡាជាមួយគ្នាព្រមទាំងចូលរួមកម្មវិធីតន្ត្រីរួមគ្នាដែរ។ ម្យ៉ាងទៀត ក្រុងមូស្គូ ក៏ចង់ជួយក្រុងម៉ានីលលើកិច្ចការប្រយុទ្ធប្រឆាំងភេរវកម្ម និងក្រុមចោរសមុទ្រដែរ។
តាមពិតទៅការងារនេះ ធ្លាប់ជាកិច្ចសហប្រតិបត្តិការរួមគ្នារវាងកងទ័ពហ្វីលីពីន និងអាមេរិក។ ប៉ុន្តែចាប់តាំងពីការប្រកាសផ្លាស់ប្ដូរនយោបាយការបរទសមក កិច្ចសហប្រតិបត្តិការយោធាប្រទេសទាំង២ ក៏បែរជារង្គោះរង្គើខ្លាំង ហើយលោក Duterte ក៏រិះគន់អាមេរិកខ្លាំងៗ និងជាចំហមិនដែលដាច់ពេលឡើយ។ នយោបាយការបរទេសដែលលោក Duterte ហៅថាឯករាជ្យ គឺការងាកទៅរកគូប្រជែងអាមេរិក ហើយដោះដៃចេញពីអាមេរិក។
ក្រៅតែពីការរិះគន់អាមេរិក ប្រធានាធិបតីហ្វីលីពីន ក៏និយាយលើកសរសើរប្រធានាធិបតីរុស្ស៊ី វ្ល៉ាឌីមៀ ពូទីន ទៅទៀត។ លោក Duterte នឹងហោះហើរទៅកាន់រុស្ស៊ីដើម្បីជួបសម្ព័ន្ធមិត្តថ្មីនៅខែឧសភាខាងមុខ ដើម្បីពង្រឹងចំណងមិត្តភាពថ្មីថ្មោងនេះ។ មេដឹកនាំទាំង២ ក៏រំពឹងថាចុះកិច្ចព្រមព្រៀងការពារជាតិមួយ សំដៅរឹតចំណងមិត្តភាពឲ្យកាន់តែប្រសើរ ខណៈហ្វីលីពីន ក៏កំពុងមានចំណាប់ទិញសព្វាវុធមួយចំនួនពីរុស្ស៊ីដែរ។
ទាក់ទងបញ្ហាទិញដូរអាវុធនេះ លោក Duterte ក៏ណែនាំឲ្យរដ្ឋមន្ត្រីការពារជាតិរបស់លោក ពិនិត្យមើលអាវុធថ្មីៗដែលហ្វីលីពីនមានលទ្ធភាពទិញយកប្រើប្រាស់ដូចជាកាំភ្លើង, យន្តហោះដ្រូន និងឧទ្ធម្ភាគចក្រជាដើម។ មិនតែប៉ុណ្ណោះ ហ្វីលីពីន ក៏សំឡឹងរកនាវាមុជទឹកផលិតដោយរុស្ស៊ីផងដែរ ដ្បិតអីហ្វីលីពីនកំពុងមានជម្លោះដែនទឹកស្រាប់ផង៕
នាវាល្បាតបំពាក់មីស៊ីល Varyag និងនាវាដឹកប្រេង Pechenge កំពុងចាប់ផ្ដើមទស្សនកិច្ច៤ថ្ងៃនៅហ្វីលីពីន ដើម្បីពង្រឹងទំនាក់ទំនងទ្វេភាគី ដែលកំពុងតែផ្អែមល្ហែម។ នេះជាលើកទី២ ដែលនាវារុស្ស៊ីមានវត្តមានលើទឹកដីហ្វីលីពីនក្នុងរយៈពេល៣ខែចុងក្រោយ។ ការមកដល់របស់នាវារុស្ស៊ី ក៏ជាសញ្ញានៃការទៅមុខកាន់តែប្រសើរនៃចំណងការទូតរុស្ស៊ី និងហ្វីលីពីន ស្របពេលរដ្ឋបាលលោក Rodrigo Duterte បែរខ្នងដាក់អាមេរិកនោះ។
លោក Lued Lincuna នាយកកិច្ចការសាធារណៈនៃកងទ័ពជើងទឹករុស្ស៊ីនិយាយថា កងទ័ពហ្វីលីពីនសង្ឃឹមថាអាចរៀនសូត្របានច្រើនពីកងទ័ពរុស្ស៊ី អំឡុងពេលលំហាត់រួមគ្នានេះ។ ទីភ្នាក់ងារព័ត៌មាន Reuters ផ្សាយថា កងទ័ពជើងទឹកទាំង២ប្រទេស នឹងចូលរួមសមយុទ្ធរួមគ្នា និងលេងកីឡាជាមួយគ្នាព្រមទាំងចូលរួមកម្មវិធីតន្ត្រីរួមគ្នាដែរ។ ម្យ៉ាងទៀត ក្រុងមូស្គូ ក៏ចង់ជួយក្រុងម៉ានីលលើកិច្ចការប្រយុទ្ធប្រឆាំងភេរវកម្ម និងក្រុមចោរសមុទ្រដែរ។
តាមពិតទៅការងារនេះ ធ្លាប់ជាកិច្ចសហប្រតិបត្តិការរួមគ្នារវាងកងទ័ពហ្វីលីពីន និងអាមេរិក។ ប៉ុន្តែចាប់តាំងពីការប្រកាសផ្លាស់ប្ដូរនយោបាយការបរទសមក កិច្ចសហប្រតិបត្តិការយោធាប្រទេសទាំង២ ក៏បែរជារង្គោះរង្គើខ្លាំង ហើយលោក Duterte ក៏រិះគន់អាមេរិកខ្លាំងៗ និងជាចំហមិនដែលដាច់ពេលឡើយ។ នយោបាយការបរទេសដែលលោក Duterte ហៅថាឯករាជ្យ គឺការងាកទៅរកគូប្រជែងអាមេរិក ហើយដោះដៃចេញពីអាមេរិក។
ក្រៅតែពីការរិះគន់អាមេរិក ប្រធានាធិបតីហ្វីលីពីន ក៏និយាយលើកសរសើរប្រធានាធិបតីរុស្ស៊ី វ្ល៉ាឌីមៀ ពូទីន ទៅទៀត។ លោក Duterte នឹងហោះហើរទៅកាន់រុស្ស៊ីដើម្បីជួបសម្ព័ន្ធមិត្តថ្មីនៅខែឧសភាខាងមុខ ដើម្បីពង្រឹងចំណងមិត្តភាពថ្មីថ្មោងនេះ។ មេដឹកនាំទាំង២ ក៏រំពឹងថាចុះកិច្ចព្រមព្រៀងការពារជាតិមួយ សំដៅរឹតចំណងមិត្តភាពឲ្យកាន់តែប្រសើរ ខណៈហ្វីលីពីន ក៏កំពុងមានចំណាប់ទិញសព្វាវុធមួយចំនួនពីរុស្ស៊ីដែរ។
ទាក់ទងបញ្ហាទិញដូរអាវុធនេះ លោក Duterte ក៏ណែនាំឲ្យរដ្ឋមន្ត្រីការពារជាតិរបស់លោក ពិនិត្យមើលអាវុធថ្មីៗដែលហ្វីលីពីនមានលទ្ធភាពទិញយកប្រើប្រាស់ដូចជាកាំភ្លើង, យន្តហោះដ្រូន និងឧទ្ធម្ភាគចក្រជាដើម។ មិនតែប៉ុណ្ណោះ ហ្វីលីពីន ក៏សំឡឹងរកនាវាមុជទឹកផលិតដោយរុស្ស៊ីផងដែរ ដ្បិតអីហ្វីលីពីនកំពុងមានជម្លោះដែនទឹកស្រាប់ផង៕
Tag:
រុស្ស៊ី
ហ្វីលីពីន
© រក្សាសិទ្ធិដោយ thmeythmey.com
