អន្តរជាតិ
×![]()
ថ្ងៃអាទិត្យខាងមុខប្រជាជនបារាំង នឹងបោះឆ្នោតជ្រើសរើសប្រធានាធិបតីថ្មី។ បេក្ខជនមានសង្ឃឹមខ្ពស់ជាងគេមានពីររូបក្នុងនោះមានអតីតរដ្ឋមន្ត្រីហិរញ្ញវត្ថុលោក Emanuel Macron និង អ្នកនយោបាយស្តាំនិយមជ្រុលលោកស្រី Marine Le Pen។ អ្នកទាំងពីរអាចនឹងឈានទៅប្រជែងគ្នាម្តងក្នុងការបោះឆ្នោតជុំទីពីរ នៅថ្ងៃ ៧ឧសភាខាងមុខ បើសិនជាគ្មានអ្នកណាម្នាក់រកបានសំឡេងគាំទ្រភាគច្រើនដាច់ខាតនៅថ្ងៃ ២៣ ខែមេសាទេ។ យ៉ាងណាមិញ បើសិន Marine Le Pen ឈ្នះឆ្នោតរឿងចម្រូងចម្រាសជាច្រើននឹងអាចកើតឡើង ហើយអឺរ៉ុបដូចជាកំពុងត្រៀមខ្លួនជាស្រេចហើយដើម្បីទទួលយកលទ្ធផលដែលអ្នកនយោបាយប្រឆាំងអឺរ៉ុបនេះឈ្នះ។
នៅសល់៣ថ្ងៃទៀតប៉ុណ្ណោះ ការបោះឆ្នោតប្រធានាធិបតីបារាំងនឹងមកដល់។ គ្រប់គ្នាចោលភ្នែកមើលការឃោសនានយោបាយនិងការប្រកួតប្រជែងគ្នារវាងបេក្ខជនប្រធានាធិបតីដែលមាននិន្នាការនយោបាយផ្សេងៗគ្នានោះ។ បេក្ខជនតែពីររូបប៉ុណ្ណោះដែលមានលទ្ធភាពដណ្តើមយកដំណែងប្រធានាធិបតីនៃប្រទេសមហាអំណាចសេដ្ឋកិច្ចលេខរៀងប្រាំរបស់ពិភពលោក និងជាមេដឹកនាំដ៏មានឥទ្ធិពលរបស់អឺរ៉ុបផងនោះ។ បេក្ខជនទីមួយគឺ លោកស្រី Marine Le Pen និងបេក្ខជនទីពីរ គឺលោក Emanuel Macron ដែលជាអតីតរដ្ឋមន្ត្រីសេដ្ឋកិច្ចបារាំងនោះ។
ការបោះឆ្នោតបារាំងជុំទីមួយ បេក្ខជនត្រូវរកសំឡេងឲ្យបានភាគច្រើនដាច់ខាត ដើម្បីឈ្នះតំណែង។ បើសិនគ្មានអ្នកឈ្នះបានសំឡេងតាមកំណត់ទេ បេក្ខជនលេខរៀងទីមួយនិងលេខរៀងទី២នឹងត្រូវប្រជែងគ្នានៅជុំទីពីរបន្ទាប់ទៀត។ យោងតាមសារព័ត៌មាន Business Insider មានរបាយការណ៍ស្ទង់មតិមួយចំនួនបង្ហាញថា លោកស្រី Marine Le Pen បានសំឡេងច្រើនលេខរៀងទីមួ និងលោក Emanuel Macron ស្ថិតនៅលេខរៀងពីរ។ដែលនេះមានន័យថា អ្នកទាំងពីរនឹងឡើងទៅប្រកួតនៅជុំទី២នៅថ្ងៃ៧ ឧសភា។
តាមពិតទៅប្រធានបក្សរណសិរ្សជាតិលោកស្រី Marine Le Pen ស្ថិតក្នុងចំណោមមេដឹកនាំបរទេសមួយចំនួនដែលអបអរសាទរលោក ដូណាល់ ត្រាំ មុនគេបង្អស់ បន្ទាប់ពីលោកជាប់ឆ្នោតថ្ងៃ ៨ខែវិច្ឆិកាឆ្នាំមុន។ លោកស្រីទំនងជាមានសុទិដ្ឋិនិយមថា ឱកាសលោកស្រីក្នុងការកាន់តំណែងប្រធានាធិបតីបារាំងក៏ជិតមកដល់ដូចគ្នាដែរ ហើយលោកស្រីបានព្រលយថា«ត្រាំជាប់ឆ្នោត ជាដំណឹងល្អសម្រាប់បារាំង»។
ខណៈដែលអ្នកនយោបាយមាននិន្នាការប្រឆាំងអឺរ៉ុបសង្ឃឹមក្លាយជាមេដឹកនាំបារាំងនៅពេលខាងមុខ រដ្ឋអឺរ៉ុបជាច្រើនជាពិសេសអាល្លឺម៉ង់នោះបន់ស្រន់ឲ្យអ្នកនយោបាយផ្សេងទៀតឈ្នះឆ្នោតមិនមែនលោកស្រី Le Pen ទៅចុះ។
ថ្វីបើគេមិនចង់ឲ្យលោកស្រីជាប់ឆ្នោតក៏ដោយ គ្រប់យ៉ាងហាក់ស្ថិតក្នុងភាពមិនច្បាស់លាស់ ស្របពេលដែលចលនាប្រជាឧបបាយ (populism) ទទួលបានការគាំទ្រច្រើន ហើយចរន្តប្រឆាំងសេរីភាវូបនីយកម្មសេដ្ឋកិច្ច និងសាកលភាវូបនីយកម្មក៏កើនឡើងដូចគ្នានៅអឺរ៉ុប។ សូម្បីតែអឺរ៉ុបខ្លួនឯងក៏ត្រៀមលក្ខណៈជាមុនស្រេចដែរ ដើម្បីទទួលយកលទ្ធផលបោះឆ្នោតនៅបារាំង ក្នុងករណីដែលលោកស្រី Le Pen ជាប់ឆ្នោតប្រធានាធិបតីមែននោះ។គេក៏គួរដឹងដែរថា ក្នុងករណីដែលលោកស្រីម្នាក់នេះ ជាប់ឆ្នោត វាអាចនឹងមានអ្វីកើតឡើងឲ្យប្រាកដ?
១.សមរភូមិ ព្រុចសែល៖ Le Pen នាំបារាំងចេញពីសហភាពអឺរ៉ុប?
បើសិនជាលោកស្រី Le Pen ជាប់ឆ្នោតមែន វាមិនខុសពីការកើតឡើងនូវរលករញ្ជួយនយោបាយនៅអឺរ៉ុបឡើយ បន្ទាប់ពីការចាកចេញរបស់អង់គ្លេសពីសហភាពអឺរ៉ុប។ លោកស្រីLe Pen នឹងចាប់ផ្តើមសង្គ្រាមជាមួយស្ថាប័នព្រុចសែល។ នេះក៏ព្រោះថាលោកស្រីបានសន្យាជាមុនហើយថា ខ្លួននឹងរៀបចំប្រជាមតិមួយពាក់ព័ន្ធសមាជិកភាពបារាំងក្នុងសហភាពអឺរ៉ុប «Frexit» និងចាកចេញពីតំបន់ចាយលុយអឺរ៉ូផងនៅពេលដែលលោកស្រី ក្លាយជាប្រធានាធិបតី។
តាមស្ថានភាពបច្ចុប្បន្ន លោកស្រីប្រហែលជាបានរៀនសូត្រខ្លះពីអតីតនាយករដ្ឋមន្ត្រីអង់គ្លេស David Cameron ដោយចាប់ផ្តើមចរចាជាមួយស្ថាប័នអឺរ៉ុបមុនធ្វើប្រជាមតិ។ បារាំងនឹងយកលេសរៀបចំប្រជាមតិនេះដើម្បីចរចាជាមួយស្ថាប័នព្រុចសែល ពាក់ព័ន្ធការរម្លែកអំណាចកំណត់ព្រំដែន និងទប់ស្កាត់ចលនាជនអន្តោប្រវេសន៍ជាដើម។ បារាំងក៏ចង់ទាញយកអំណាចផ្សេងទៀតត្រឡប់មកវិញរួមទាំងអធិបតេយ្យក្នុងការកំណត់រូបីយវត្ថុ និងការកំណត់ការចំណាយជាដើមផង។
យ៉ាងក៏ដោយ ការរៀបចំប្រជាមតិដើម្បីទាញបារាំងចេញពីសហភាពអឺរ៉ុបជារឿងអាចទៅរួច។ ប៉ុន្តែវាមានការលំបាកខ្លាំងសម្រាប់លោកស្រីដែរ។ យោងតាមសារព័ត៌មាន Financial Times អ្នកជំនាញខ្លះបានព្យាករថា ការនាំបារាំងចេញពីសហភាពអឺរ៉ុបនិងតំបន់ចាយលុយអឺរ៉ូតាមរយៈប្រជាមតិតម្រូវឲ្យមានវិសោធនកម្មរដ្ឋធម្មនុញ្ញ (មាត្រា ៨៩) ហើយវាក៏ត្រូវមានការយល់ព្រមពីសភាទាំងពីរជាន់ មិនមែនជាប្រធានាធិបតីឡើយ។ បន្ទាប់មកទៀតសំណើសុំកែរដ្ឋធម្មនុញ្ញនឹងត្រូវសម្រេចម្តងទៀតដោយប្រជាជនបារាំងតាមប្រជាមតិ។ ដូច្នេះហើយ ការសន្យារបស់លោកស្រី Le Pen ទំនងជាពិបាកក្លាយជាការពិតបន្តិច។
២.«ដម្កល់ប្រយោជន៍បារាំងជាធំ» និងប្រឆាំងលំហូរចូលនៃជនអន្តោប្រវេសន៍
លោកស្រី Marine Le Pen និងលោក ដូណាល់ ត្រាំ សុទ្ធតែមាននិន្នការ «ដម្កល់ប្រយោជន៍ជាតិ»ខ្លួនជាធំ ហើយអ្នកនយោបាយទាំងពីរសុទ្ធតែប្រឆាំងជនអន្តោប្រវេសន៍។ លោកស្រី Le Pen សន្យាក្នុងការឃោសនាជាថ្មីថា ពេលលោកស្រីជាប់ឆ្នោត រដ្ឋាភិបាលបារាំងនឹងរឹតបន្តឹងព្រំដែន, ឈប់ទទួលជនអន្តោប្រវេសន៍ និងបណ្តេញជនអន្តោប្រវេសន៍ខុសច្បាប់។ ហើយរាល់ប្រយោជន៍សាធារណដែលផ្តល់ឲ្យដោយរដ្ឋាភិបាលមានការងារ, សន្តិសុខសង្គម ,ផ្ទះសម្បែង, ការអប់រំជាដើម ត្រូវតែបានដល់ប្រជាជនបារាំងមុនដល់ជនបរទេស។
សារព័ត៌មានបារាំង Libération បានចុះផ្សាយថា លោកស្រីបានសន្យាស្តារឡើងវិញនូវព្រំដែនបារាំងជាមួយរដ្ឋអឺរ៉ុបដើម្បីគ្រប់គ្រងលំហូរចូលនៃជនអន្តោប្រវេសន៍ និងបញ្ចប់ការអនុវត្តកិច្ចសន្ធិសញ្ញា Schengen។ បន្ទាប់មករដ្ឋាភិបាលលោកស្រីនឹងផ្អាកផ្តល់ទិដ្ឋាការរយៈពេលវែងនិងដាក់ពន្ធខ្ពស់លើក្រុមហ៊ុនដែលហ៊ានជួលបុគ្គលិកបរទេស។
ថ្លែងនៅកន្លែងឃោសនានៅ ប៉ារីស លោកស្រី Le Pen បានបញ្ជាក់ដូច្នេះថា៖« សហភាពអឺរ៉ុបបង្កើតបញ្ហាសម្រាប់យើង។ ដូចឃើញស្រាប់ ប្រទេសយើងគ្មានព្រំដែនត្រឹមត្រូវដោយសារតែសន្ធិសញ្ញា Schengen។ យើងដករបាំងព្រំដែន ហើយប្តូរប្រទេសយើងទៅជាស្ថានីយ៍រថភ្លើងសម្រាប់ជនអន្តោប្រវេសន៍ទូទាំងពិភពលោក។ ខ្ញុំនឹងបញ្ចប់ការអនុវត្តសន្ធិសញ្ញា Schengen និង ស្តារព្រំដែនរបស់យើងវិញដូចគ្នា។ គ្មានបេក្ខជនណាហ៊ានសន្យាបែបនេះឡើយ។
តាមពិតទៅ លោកស្រី Le Pen កាន់តែមានលទ្ធភាពទាញយកសំឡេងឆ្នោតទៀតនៅពេលលោកស្រី បន្តយករឿងជនអន្តោប្រវេសន៍មកឃោសនា។ នេះក៏ដោយសារបារាំងបានក្លាយជាជនរងគ្រោះនៃចលនាភេរវកម្មកន្លងមកជាបន្តបន្ទាប់ ហើយវាក៏ពាក់ព័ន្ធជាមួយជនអន្តោប្រវេសន៍និងជនភៀសខ្លួនដូចគ្នា។
៣.មិត្តរុស្ស៊ី!!!!!!!!!!!!!!
វាមានរឿងច្រើនទៀតដែលនឹងអាចកើតមានឡើងនៅពេលលោកស្រី Le Pen ជាប់ឆ្នោត។ ប៉ុន្តែទុករឿងក្នុងស្រុកមួយឡែកចុះ ដោយត្រឡប់ទៅមើលបរិបទអន្តរជាតិវិញម្តង។ បញ្ហានោះគឺទំនាក់ទំនងរវាងបារាំងនិងរុស្ស៊ី ក្រោយលោកស្រី Le Pen ក្លាយជាប្រធានាធិបតី។
តាំងពីយូរមកហើយ អ្នកនយោបាយស្តាំនិយមជ្រុលរូបនេះមាននិន្នាការទៅរករុស្ស៊ី និងចង់ស្តារចំណងការទូតដែលធ្លាក់ចុះខ្លាំងប៉ុន្មានឆ្នាំនេះផងដែរ។ លោកស្រីរំពឹងថា ពេលលោកស្ត្រីគ្រប់គ្រងវិមានប្រធានាធិបតីបារាំង រុស្ស៊ីនិងបារាំងនឹងអាចសហការគ្នាដោះស្រាយបញ្ហាពិភពលោកបានប្រសើរនិងកាន់តែមានប្រសិទ្ធភាព។
ក្នុងដំណើរទស្សនកិច្ចទៅកាន់សហព័ន្ធរុស្ស៊ីកាលពីចុងខែមីនាកន្លងទៅ លោកស្រីបានជួបជាមួយប្រធានាធិបតីរុស្ស៊ី វ៉ា្លឌីមៀ ពូទីន ផងដែរ។ វាជារឿងកម្របំផុតមួយដែលប្រធានាធិបតីរុស្ស៊ីជួបផ្ទាល់ជាមួយបេក្ខជនប្រធានាធិបតីនៃប្រទេសណាមួយនោះ។ បេក្ខជនប្រធានាធិបតីរូបនេះបានថ្លែងថា បារាំងនិងរុស្ស៊ីនឹងធ្វើការរួមគ្នាដើម្បីសង្គ្រោះពិភពលោកពីការគំរាមកំហែងដោយភេរវជន និងបញ្ហាសាកលភាវូបនីយកម្មផងដែរ។ អ្វីដែលគួរឲ្យកត់សម្គាល់ លោកស្រីក៏យកឱកាសក្នុងដំណើរទស្សនកិច្ចនោះស្នើឲ្យអឺរ៉ុបដកទណ្ឌកម្មប្រឆាំងរុស្ស៊ីចេញផងដែរ ដើម្បីបង្ហាញពីឆន្ទៈល្អរបស់លោកស្រីក្នុងការសហការជាមួយរុស្ស៊ីនាពេលខាងមុខផង។
តាមពិតទៅទំនាក់ទំនងទ្វេភាគីរុស្ស៊ីនិងបារាំងធ្លាក់ចុះខ្លាំង ក្រោយពេលដែលវិបត្តិអ៊ុយក្រែនផ្ទុះឡើងពោលគឺពេលដែលរុស្ស៊ីក្រសោបយកទឹកដី Crimea ពីអ៊ុយក្រែនខែមីនាឆ្នាំ ២០១៤។ ក្រោយព្រឹត្តិការណ៍នេះកើតឡើង អាមេរិកនិងអឺរ៉ុបបាននាំគ្នាដាក់ទណ្ឌកម្មដូចជាហាមឃាត់ការធ្វើដំណើរនិងបង្កកទ្រព្យសម្បត្តិមន្ត្រី និងក្រុមហ៊ុនរុស្ស៊ីថែមទៀតផង។
នៅសល់៣ថ្ងៃទៀតប៉ុណ្ណោះ ការបោះឆ្នោតប្រធានាធិបតីបារាំងនឹងមកដល់។ គ្រប់គ្នាចោលភ្នែកមើលការឃោសនានយោបាយនិងការប្រកួតប្រជែងគ្នារវាងបេក្ខជនប្រធានាធិបតីដែលមាននិន្នាការនយោបាយផ្សេងៗគ្នានោះ។ បេក្ខជនតែពីររូបប៉ុណ្ណោះដែលមានលទ្ធភាពដណ្តើមយកដំណែងប្រធានាធិបតីនៃប្រទេសមហាអំណាចសេដ្ឋកិច្ចលេខរៀងប្រាំរបស់ពិភពលោក និងជាមេដឹកនាំដ៏មានឥទ្ធិពលរបស់អឺរ៉ុបផងនោះ។ បេក្ខជនទីមួយគឺ លោកស្រី Marine Le Pen និងបេក្ខជនទីពីរ គឺលោក Emanuel Macron ដែលជាអតីតរដ្ឋមន្ត្រីសេដ្ឋកិច្ចបារាំងនោះ។
ការបោះឆ្នោតបារាំងជុំទីមួយ បេក្ខជនត្រូវរកសំឡេងឲ្យបានភាគច្រើនដាច់ខាត ដើម្បីឈ្នះតំណែង។ បើសិនគ្មានអ្នកឈ្នះបានសំឡេងតាមកំណត់ទេ បេក្ខជនលេខរៀងទីមួយនិងលេខរៀងទី២នឹងត្រូវប្រជែងគ្នានៅជុំទីពីរបន្ទាប់ទៀត។ យោងតាមសារព័ត៌មាន Business Insider មានរបាយការណ៍ស្ទង់មតិមួយចំនួនបង្ហាញថា លោកស្រី Marine Le Pen បានសំឡេងច្រើនលេខរៀងទីមួ និងលោក Emanuel Macron ស្ថិតនៅលេខរៀងពីរ។ដែលនេះមានន័យថា អ្នកទាំងពីរនឹងឡើងទៅប្រកួតនៅជុំទី២នៅថ្ងៃ៧ ឧសភា។
តាមពិតទៅប្រធានបក្សរណសិរ្សជាតិលោកស្រី Marine Le Pen ស្ថិតក្នុងចំណោមមេដឹកនាំបរទេសមួយចំនួនដែលអបអរសាទរលោក ដូណាល់ ត្រាំ មុនគេបង្អស់ បន្ទាប់ពីលោកជាប់ឆ្នោតថ្ងៃ ៨ខែវិច្ឆិកាឆ្នាំមុន។ លោកស្រីទំនងជាមានសុទិដ្ឋិនិយមថា ឱកាសលោកស្រីក្នុងការកាន់តំណែងប្រធានាធិបតីបារាំងក៏ជិតមកដល់ដូចគ្នាដែរ ហើយលោកស្រីបានព្រលយថា«ត្រាំជាប់ឆ្នោត ជាដំណឹងល្អសម្រាប់បារាំង»។
ខណៈដែលអ្នកនយោបាយមាននិន្នាការប្រឆាំងអឺរ៉ុបសង្ឃឹមក្លាយជាមេដឹកនាំបារាំងនៅពេលខាងមុខ រដ្ឋអឺរ៉ុបជាច្រើនជាពិសេសអាល្លឺម៉ង់នោះបន់ស្រន់ឲ្យអ្នកនយោបាយផ្សេងទៀតឈ្នះឆ្នោតមិនមែនលោកស្រី Le Pen ទៅចុះ។
ថ្វីបើគេមិនចង់ឲ្យលោកស្រីជាប់ឆ្នោតក៏ដោយ គ្រប់យ៉ាងហាក់ស្ថិតក្នុងភាពមិនច្បាស់លាស់ ស្របពេលដែលចលនាប្រជាឧបបាយ (populism) ទទួលបានការគាំទ្រច្រើន ហើយចរន្តប្រឆាំងសេរីភាវូបនីយកម្មសេដ្ឋកិច្ច និងសាកលភាវូបនីយកម្មក៏កើនឡើងដូចគ្នានៅអឺរ៉ុប។ សូម្បីតែអឺរ៉ុបខ្លួនឯងក៏ត្រៀមលក្ខណៈជាមុនស្រេចដែរ ដើម្បីទទួលយកលទ្ធផលបោះឆ្នោតនៅបារាំង ក្នុងករណីដែលលោកស្រី Le Pen ជាប់ឆ្នោតប្រធានាធិបតីមែននោះ។គេក៏គួរដឹងដែរថា ក្នុងករណីដែលលោកស្រីម្នាក់នេះ ជាប់ឆ្នោត វាអាចនឹងមានអ្វីកើតឡើងឲ្យប្រាកដ?
១.សមរភូមិ ព្រុចសែល៖ Le Pen នាំបារាំងចេញពីសហភាពអឺរ៉ុប?
បើសិនជាលោកស្រី Le Pen ជាប់ឆ្នោតមែន វាមិនខុសពីការកើតឡើងនូវរលករញ្ជួយនយោបាយនៅអឺរ៉ុបឡើយ បន្ទាប់ពីការចាកចេញរបស់អង់គ្លេសពីសហភាពអឺរ៉ុប។ លោកស្រីLe Pen នឹងចាប់ផ្តើមសង្គ្រាមជាមួយស្ថាប័នព្រុចសែល។ នេះក៏ព្រោះថាលោកស្រីបានសន្យាជាមុនហើយថា ខ្លួននឹងរៀបចំប្រជាមតិមួយពាក់ព័ន្ធសមាជិកភាពបារាំងក្នុងសហភាពអឺរ៉ុប «Frexit» និងចាកចេញពីតំបន់ចាយលុយអឺរ៉ូផងនៅពេលដែលលោកស្រី ក្លាយជាប្រធានាធិបតី។
តាមស្ថានភាពបច្ចុប្បន្ន លោកស្រីប្រហែលជាបានរៀនសូត្រខ្លះពីអតីតនាយករដ្ឋមន្ត្រីអង់គ្លេស David Cameron ដោយចាប់ផ្តើមចរចាជាមួយស្ថាប័នអឺរ៉ុបមុនធ្វើប្រជាមតិ។ បារាំងនឹងយកលេសរៀបចំប្រជាមតិនេះដើម្បីចរចាជាមួយស្ថាប័នព្រុចសែល ពាក់ព័ន្ធការរម្លែកអំណាចកំណត់ព្រំដែន និងទប់ស្កាត់ចលនាជនអន្តោប្រវេសន៍ជាដើម។ បារាំងក៏ចង់ទាញយកអំណាចផ្សេងទៀតត្រឡប់មកវិញរួមទាំងអធិបតេយ្យក្នុងការកំណត់រូបីយវត្ថុ និងការកំណត់ការចំណាយជាដើមផង។
យ៉ាងក៏ដោយ ការរៀបចំប្រជាមតិដើម្បីទាញបារាំងចេញពីសហភាពអឺរ៉ុបជារឿងអាចទៅរួច។ ប៉ុន្តែវាមានការលំបាកខ្លាំងសម្រាប់លោកស្រីដែរ។ យោងតាមសារព័ត៌មាន Financial Times អ្នកជំនាញខ្លះបានព្យាករថា ការនាំបារាំងចេញពីសហភាពអឺរ៉ុបនិងតំបន់ចាយលុយអឺរ៉ូតាមរយៈប្រជាមតិតម្រូវឲ្យមានវិសោធនកម្មរដ្ឋធម្មនុញ្ញ (មាត្រា ៨៩) ហើយវាក៏ត្រូវមានការយល់ព្រមពីសភាទាំងពីរជាន់ មិនមែនជាប្រធានាធិបតីឡើយ។ បន្ទាប់មកទៀតសំណើសុំកែរដ្ឋធម្មនុញ្ញនឹងត្រូវសម្រេចម្តងទៀតដោយប្រជាជនបារាំងតាមប្រជាមតិ។ ដូច្នេះហើយ ការសន្យារបស់លោកស្រី Le Pen ទំនងជាពិបាកក្លាយជាការពិតបន្តិច។
២.«ដម្កល់ប្រយោជន៍បារាំងជាធំ» និងប្រឆាំងលំហូរចូលនៃជនអន្តោប្រវេសន៍
លោកស្រី Marine Le Pen និងលោក ដូណាល់ ត្រាំ សុទ្ធតែមាននិន្នការ «ដម្កល់ប្រយោជន៍ជាតិ»ខ្លួនជាធំ ហើយអ្នកនយោបាយទាំងពីរសុទ្ធតែប្រឆាំងជនអន្តោប្រវេសន៍។ លោកស្រី Le Pen សន្យាក្នុងការឃោសនាជាថ្មីថា ពេលលោកស្រីជាប់ឆ្នោត រដ្ឋាភិបាលបារាំងនឹងរឹតបន្តឹងព្រំដែន, ឈប់ទទួលជនអន្តោប្រវេសន៍ និងបណ្តេញជនអន្តោប្រវេសន៍ខុសច្បាប់។ ហើយរាល់ប្រយោជន៍សាធារណដែលផ្តល់ឲ្យដោយរដ្ឋាភិបាលមានការងារ, សន្តិសុខសង្គម ,ផ្ទះសម្បែង, ការអប់រំជាដើម ត្រូវតែបានដល់ប្រជាជនបារាំងមុនដល់ជនបរទេស។
សារព័ត៌មានបារាំង Libération បានចុះផ្សាយថា លោកស្រីបានសន្យាស្តារឡើងវិញនូវព្រំដែនបារាំងជាមួយរដ្ឋអឺរ៉ុបដើម្បីគ្រប់គ្រងលំហូរចូលនៃជនអន្តោប្រវេសន៍ និងបញ្ចប់ការអនុវត្តកិច្ចសន្ធិសញ្ញា Schengen។ បន្ទាប់មករដ្ឋាភិបាលលោកស្រីនឹងផ្អាកផ្តល់ទិដ្ឋាការរយៈពេលវែងនិងដាក់ពន្ធខ្ពស់លើក្រុមហ៊ុនដែលហ៊ានជួលបុគ្គលិកបរទេស។
ថ្លែងនៅកន្លែងឃោសនានៅ ប៉ារីស លោកស្រី Le Pen បានបញ្ជាក់ដូច្នេះថា៖« សហភាពអឺរ៉ុបបង្កើតបញ្ហាសម្រាប់យើង។ ដូចឃើញស្រាប់ ប្រទេសយើងគ្មានព្រំដែនត្រឹមត្រូវដោយសារតែសន្ធិសញ្ញា Schengen។ យើងដករបាំងព្រំដែន ហើយប្តូរប្រទេសយើងទៅជាស្ថានីយ៍រថភ្លើងសម្រាប់ជនអន្តោប្រវេសន៍ទូទាំងពិភពលោក។ ខ្ញុំនឹងបញ្ចប់ការអនុវត្តសន្ធិសញ្ញា Schengen និង ស្តារព្រំដែនរបស់យើងវិញដូចគ្នា។ គ្មានបេក្ខជនណាហ៊ានសន្យាបែបនេះឡើយ។
តាមពិតទៅ លោកស្រី Le Pen កាន់តែមានលទ្ធភាពទាញយកសំឡេងឆ្នោតទៀតនៅពេលលោកស្រី បន្តយករឿងជនអន្តោប្រវេសន៍មកឃោសនា។ នេះក៏ដោយសារបារាំងបានក្លាយជាជនរងគ្រោះនៃចលនាភេរវកម្មកន្លងមកជាបន្តបន្ទាប់ ហើយវាក៏ពាក់ព័ន្ធជាមួយជនអន្តោប្រវេសន៍និងជនភៀសខ្លួនដូចគ្នា។
៣.មិត្តរុស្ស៊ី!!!!!!!!!!!!!!
វាមានរឿងច្រើនទៀតដែលនឹងអាចកើតមានឡើងនៅពេលលោកស្រី Le Pen ជាប់ឆ្នោត។ ប៉ុន្តែទុករឿងក្នុងស្រុកមួយឡែកចុះ ដោយត្រឡប់ទៅមើលបរិបទអន្តរជាតិវិញម្តង។ បញ្ហានោះគឺទំនាក់ទំនងរវាងបារាំងនិងរុស្ស៊ី ក្រោយលោកស្រី Le Pen ក្លាយជាប្រធានាធិបតី។
តាំងពីយូរមកហើយ អ្នកនយោបាយស្តាំនិយមជ្រុលរូបនេះមាននិន្នាការទៅរករុស្ស៊ី និងចង់ស្តារចំណងការទូតដែលធ្លាក់ចុះខ្លាំងប៉ុន្មានឆ្នាំនេះផងដែរ។ លោកស្រីរំពឹងថា ពេលលោកស្ត្រីគ្រប់គ្រងវិមានប្រធានាធិបតីបារាំង រុស្ស៊ីនិងបារាំងនឹងអាចសហការគ្នាដោះស្រាយបញ្ហាពិភពលោកបានប្រសើរនិងកាន់តែមានប្រសិទ្ធភាព។
ក្នុងដំណើរទស្សនកិច្ចទៅកាន់សហព័ន្ធរុស្ស៊ីកាលពីចុងខែមីនាកន្លងទៅ លោកស្រីបានជួបជាមួយប្រធានាធិបតីរុស្ស៊ី វ៉ា្លឌីមៀ ពូទីន ផងដែរ។ វាជារឿងកម្របំផុតមួយដែលប្រធានាធិបតីរុស្ស៊ីជួបផ្ទាល់ជាមួយបេក្ខជនប្រធានាធិបតីនៃប្រទេសណាមួយនោះ។ បេក្ខជនប្រធានាធិបតីរូបនេះបានថ្លែងថា បារាំងនិងរុស្ស៊ីនឹងធ្វើការរួមគ្នាដើម្បីសង្គ្រោះពិភពលោកពីការគំរាមកំហែងដោយភេរវជន និងបញ្ហាសាកលភាវូបនីយកម្មផងដែរ។ អ្វីដែលគួរឲ្យកត់សម្គាល់ លោកស្រីក៏យកឱកាសក្នុងដំណើរទស្សនកិច្ចនោះស្នើឲ្យអឺរ៉ុបដកទណ្ឌកម្មប្រឆាំងរុស្ស៊ីចេញផងដែរ ដើម្បីបង្ហាញពីឆន្ទៈល្អរបស់លោកស្រីក្នុងការសហការជាមួយរុស្ស៊ីនាពេលខាងមុខផង។
តាមពិតទៅទំនាក់ទំនងទ្វេភាគីរុស្ស៊ីនិងបារាំងធ្លាក់ចុះខ្លាំង ក្រោយពេលដែលវិបត្តិអ៊ុយក្រែនផ្ទុះឡើងពោលគឺពេលដែលរុស្ស៊ីក្រសោបយកទឹកដី Crimea ពីអ៊ុយក្រែនខែមីនាឆ្នាំ ២០១៤។ ក្រោយព្រឹត្តិការណ៍នេះកើតឡើង អាមេរិកនិងអឺរ៉ុបបាននាំគ្នាដាក់ទណ្ឌកម្មដូចជាហាមឃាត់ការធ្វើដំណើរនិងបង្កកទ្រព្យសម្បត្តិមន្ត្រី និងក្រុមហ៊ុនរុស្ស៊ីថែមទៀតផង។
Tag:
បារាំង
Merine Le Pen
Emanuel Macron
ដូណាល់ ត្រាំ
វ្ល៉ាឌីមៀ ពូទីន
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
4 ម៉ោង
