ជាតិ
×![]()
សៀមរាប៖ សំពត់ស្បៃ ឬសំពត់រុំ ដែលគេនិយមស្លៀកក្របពីលើខោវជើងខ្លី ដែលបរទេស និងស្ត្រីខ្មែរខ្លះនិយមស្លៀក។ អ្នកលក់នៅតំបន់អង្គរនិយាយថា អំឡុងពេលចូលឆ្នាំដែលកន្លងទៅថ្មីៗនេះ ប្រភេទសំពត់ស្បៃនេះ លក់ដាច់ខ្លាំង ព្រោះវាមានភាពងាយស្រួលស្លៀក និងដោះចេញ។
អ្នកលក់ខោអាវ មួក និងវត្ថុអនុស្សាវរីយ៍នៅក្លោងទ្វារទន្លេអុំ បាននិយាយថា ពួកគេរកចំណូលបានក្រែលពីការលក់សំពត់ស្បៃ។ អ្នកលក់ដែលសុំមិនបញ្ចេញឈ្មោះ បានបន្ថែមថា ក្នុងមួយថ្ងៃ ពួកគេលក់ដាច់ពី ៣០ ទៅ៤០សំពត់ ដែលក្នុងសំពត់មួយ លក់ក្នុងតម្លៃចន្លោះ ១២០០០ ទៅ១៥០០០រៀល។
ប្រភពដដែលបានបន្ថែមថា សំពត់ស្បៃ គឺងាយស្រួលស្លៀក ពិសេសសម្រាប់នារីៗ ដែលនិយមស្លៀកខោខ្លីៗ ដោយពេលក្តៅខ្លាំង គេអាចទាញសំពត់ស្បៃស្រាលនេះ មកក្របពីលើ ដោយមានខ្សែចងចំហៀង និងអាចដោះចេញវិញដោយលឿនផងដែរ។
ជាងនេះទៅទៀត តាមអ្នកលក់ខាងដើម សំពត់ស្បៃនេះ ក៏មានការចាប់អារម្មណ៍ពីទេសចរបរទេសផងដែរ។ ទេសចរបរទេសច្រើន ចូលចិត្តការស្លៀកខ្លី ពិសេសក្នុងរដូវក្តៅនេះ។ ប៉ុន្តែឯកសណ្ឋាននោះ ត្រូវបានហាមក្នុងការឡើងប្រាសាទ ដូច្នេះពួកគេតែងទិញដើម្បីបានឡើងទស្សនាលើប្រាសាទ តាមក្រមប្រតិបត្តិអង្គរ ដែលអនុវត្តន៍ដោយអាជ្ញាធរជាតិអប្សរា៕
Tag:
អង្គរសង្ក្រាន្ត២០១៧
© រក្សាសិទ្ធិដោយ thmeythmey.com
