ជាតិ
នយោបាយជាតិ
រដ្ឋាភិបាល នឹងស្នើអាមេរិកសុំឲ្យពលរដ្ឋខ្មែរ ដែលជាប់ពន្ធនាគារហើយ អាចបន្តរស់នៅអាមេរិក
× ភ្នំពេញ៖ សម្ដេចនាយករដ្ឋមន្ត្រី ហ៊ុន សែន បានបញ្ជាក់ថា កិច្ចព្រមព្រៀងបញ្ជូនពលរដ្ឋខ្មែរដែលជាប់ពន្ធនាគារនៅអាមេរិក មកកម្ពុជា គឺមិនត្រូវបានលុបចោលនោះទេ។ ប៉ុន្តែសម្ដេច ហ៊ុន សែន នឹងស្នើអាមេរិកសុំធ្វើវិសោធនកម្មលើកិច្ចព្រមព្រៀងនេះ ដើម្បីជួយសម្រួលឲ្យពលរដ្ឋខ្មែរដែលប្រព្រឹត្តបទល្មើសខុសឆ្គងទាំងនោះ អាចបន្តរស់នៅជាមួយគ្រួសាររបស់ពួកគេនៅអាមេរិក តាមរយៈគោលការណ៍សិទ្ធិមនុស្ស និងមនុស្សធម៌។
ថ្លែងនៅក្នុងពិធីប្រគល់សញ្ញាបត្រដល់និស្សិតធនធានមនុស្ស នៅព្រឹកនេះ សម្ដេច ហ៊ុន សែន បានបញ្ជាក់ដូច្នេះថា៖
រដ្ឋាភិបាលកម្ពុជា និងរដ្ឋាភិបាលអាមេរិកបានចុះកិច្ចព្រមព្រៀងបញ្ជូន និងទទួលយកពលរដ្ឋខ្មែរ តាំងពីឆ្នាំ២០០២មកម្ល៉េះ។ បើតាមអ្នកនាំពាក្យក្រសួងការបរទេស គិតចាប់តាំងពីឆ្នាំ២០០២ ដល់ឆ្នាំ២០១៦កន្លងទៅ អាមេរិកបានបញ្ជូនពលរដ្ឋកម្ពុជាចំនួន ៥៤៩នាក់មកកម្ពុជាវិញ ផ្អែកលើគោលការណ៍ស្ម័គ្រចិត្ត។
អ្វីដែលគួរឲ្យកត់សម្គាល់នោះ កម្ពុជា ត្រៀមទទួលយកពលរដ្ឋខ្មែរចំនួន៣៦នាក់វិញ ស្របពេលដែលប្រធានាធិបតីសហរដ្ឋអាមេរិកលោក Donald Trump កំណត់គោលនយោបាយរឹតបន្តឹងជនបរទេសដែលរស់នៅអាមេរិក៕
Tag:
ហ៊ុន សែន
ខ្មែរ
អាមេរិក
© រក្សាសិទ្ធិដោយ thmeythmey.com