ជាតិ
លោក ប្រាក់ សុខុន នឹងចូលរួមកិច្ចប្រជុំរដ្ឋមន្ត្រីការបរទេសអាស៊ាន-អាមេរិក នៅថ្ងៃទី៤ ឧសភា
× ភ្នំពេញ៖ រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ នឹងដឹកនាំប្រតិភូចូលរួម«កិច្ចប្រជុំពិសេសរដ្ឋមន្ត្រីការបរទេសអាស៊ាន-សហរដ្ឋអាមេរិក ដែលនឹងប្រព្រឹត្តទៅនៅថ្ងៃទី០៤ ឧសភា នៅរដ្ឋធានីវ៉ាស៊ីនតោន សហរដ្ឋអាមេរិក។
សេចក្តីជូនព័ត៌មានរបស់ក្រសួងការបរទេសកម្ពុជា បានសរសេរដូច្នេះថា ៖«មានក្តីរំពឹងថា កិច្ចប្រជុំនេះនឹងបញ្ជាក់ឡើងវិញនូវបំណងរួម និងរឹងមាំរបស់ភាគីទាំងពីរក្នុងការពង្រឹង និងធ្វើឲ្យស៊ីជម្រៅទំនាក់ទំនងដៃគូសន្ទនារវាងអាស៊ាន និងសហរដ្ឋអាមេរិក ដែលត្រូវបានថ្នាក់ដឹកនាំអាស៊ានតំឡើងមកជាដៃគូយុទ្ធសាស្ត្រ កាលពីខែវិច្ឆិកា ឆ្នាំ២០១៥»។
នេះជាកិច្ចលើកទី១ រវាងរដ្ឋមន្ត្រីការបរទេសអាស៊ាន និងរដ្ឋមន្ត្រីការបរទេសអាមេរិក ចាប់តាំងពីរដ្ឋបាលថ្មីរបស់លោក ដូណាល់ ត្រាំ ចូលកាន់អំណាចកាលពីខែមករា ឆ្នាំ២០១៧កន្លងមក។ គួរកត់សម្គាល់ថា អាមេរិក គឺជាដៃគូពាណិជ្ជកម្មធំបំផុតទី៤ របស់អាស៊ាន។
ក្រៅពីចូលរួមកិច្ចប្រជុំនេះ រដ្ឋមន្ត្រីក្រសួងការបរទេស លោក ប្រាក់ សុខុន ក៏មានជំនួបទ្វេរភាគីជាមួយលោក ចន អេហ្វខេលី រដ្ឋមន្ត្រីសន្តិសុខអាមេរិកផងដែរ៕
Tag:
ប្រាក់ សុខុន
អាមេរិក
អាស៊ាន
© រក្សាសិទ្ធិដោយ thmeythmey.com