អន្តរជាតិ
WEF៖ កម្ពុជាឲ្យប្រតិភូបរទេសជិះយន្តហោះ និងនៅសណ្ឋាគារឥតគិតថ្លៃពេលទៅទស្សនាសៀមរាប
×![]()
ដោយ: ថ្មីៗ
កម្ពុជានឹងរៀបចំវេទិកាសេដ្ឋកិច្ចពិភពលោក (World Economic Forum) ផ្តោតលើអាស៊ានចាប់ពីថ្ងៃ ១០ដល់ថ្ងៃ ១២ ឧសភាខាងមុខ។ ដើម្បីផ្សព្វផ្សាយពីកម្ពុជាទៅកាន់ពិភពលោក និងទាញយកប្រយោជន៍ពីវិស័យទេសចរណ៍ រដ្ឋាភិបាលកម្ពុជានឹងផ្តល់សំបុត្រយន្តហោះ និងការស្នាក់នៅសណ្ឋាគារដោយឥតគិតថ្លៃ រួមទាំងលើកលែងការបង់ថ្លៃទស្សនាប្រាង្គប្រាសាទនៅសៀមរាបសម្រាប់ប្រតិភូអន្តរជាតិមកចូលរួមវេទិកានេះផងដែរ។
មេដឹកនាំបរទេសកម្រិតប្រមុខរដ្ឋ ប្រមុខរដ្ឋាភិបាល រួមជាមួយបណ្តាប្រធានក្រុមហ៊ុនកម្រិតពិភពលោក និង សហគ្រិនដែលមានឈ្មោះបោះសំឡេងច្រើនរយនាក់នឹងចូលរួមក្នុងវេទិកាសេដ្ឋកិច្ចពិភពលោកដែលនឹងរៀបចំឡើងនៅក្នុងកម្ពុជាសប្តាហ៍ក្រោយ។ កម្ពុជានឹងយកឱកាសពិសេសនៃការរៀបចំវេទិកាកម្រិតពិភពលោកនេះផ្សព្វផ្សាយពីខ្លួនឯងទៅកាន់ពិភពលោក និងទាញយកប្រយោជន៍ពីវិស័យទេសចរណ៍ផងដែរ។
ក្នុងសន្និសីទសារព័ត៌មាននៅថ្ងៃពុធទី ៣ ខែឧសភានៅក្រសួងសាធារណការនិងដឹកជញ្ជូន រដ្ឋមន្ត្រីក្រសួងសាធារណការលោក ស៊ុន ចាន់ថុល ដែលជាអ្នកទទួលបន្ទុករៀបចំវេទិកាកម្រិតសកលនេះបានបញ្ជាក់ថា ជាម្ចាស់ផ្ទះរៀបចំវេទិកាសេដ្ឋកិច្ចពិភពលោក រាជរដ្ឋាភិបាលកម្ពុជាត្រៀមខ្លួនផ្សព្វផ្សាយពីសិល្បៈ វប្បធម៌ ដូចជារបាំ ប្រាង្គប្រាសាទ ដើម្បីទាក់ទាញទេសចរណ៍។
តាមពិតទៅ នាយករដ្ឋមន្ត្រីកម្ពុជាសម្តេច ហ៊ុន សែន បានប្រកាសតាំងពីខែមករាថា បណ្តាប្រតិភូដែលមកចូលរួមក្នុងវេទិកាសេដ្ឋកិច្ចពិភពលោកមិនចាំបាច់បង់ថ្លៃទិដ្ឋាការចូលមកកម្ពុជាទេ។ ហើយអី្វដែលសំខាន់នោះប្រតិភូទាំងនោះមានឱកាសធ្វើដំណើរទៅសៀមរាបដោយឥតគិតថ្លៃ រួមទាំងអាចទៅទស្សនាប្រាង្គប្រាសាទនៅខេត្តសៀមរាបបានដោយមិនចាំបាច់បង់លុយទៀត។
ពាក់ព័ន្ធការរៀបចំទាក់ទាញអ្នកទេសចរក្នុងឱកាសនៃការរៀបចំវេទិកាសេដ្ឋកិច្ចពិភពលោកលោកនេះលោក ស៊ុន ចាន់ថុល បានរៀបរាប់ថា ក្រុមហ៊ុនអាកាសចរណ៍ Air Asia បានប្រកាសផ្តល់យន្តហោះពីរគ្រឿង ដើម្បីដឹកប្រតិភូពីភ្នំពេញទៅកាន់ខេត្តសៀមរាប ហើយរដ្ឋាភិបាលកម្ពុជាផ្ទាល់ក៏បានស្នើសុំការសហការពីសណ្ឋាគារសុខាអង្គរដើម្បីរៀបចំកន្លែស្នាក់នៅឥតគិតថ្លៃសម្រាប់ពួកគេផងដែរ។
លោក បានថ្លែងដូច្នេះ៖ « ពេលជួបសម្តេចនៅវេទិកាសេដ្ឋកិច្ច Davos ខែមករា លោក Anthony F. Fernandes នាយកប្រតិបត្តិក្រុមហ៊ុន AirAsia បានប្រាប់សម្តេចថា លោកនឹងផ្តល់យន្តហោះពីរគ្រឿងជួយដឹកអ្នកចង់ទៅលេងសៀមរាប។ មួយទៀតយើងទៅជួបខាងសណ្ឋាគារសុខា ដើម្បីសុំឲ្យគេផ្តល់បន្ទប់ស្នាក់នៅដោយឥតគិតថ្លៃដល់អ្នកមកទស្សនាដែរ។ ហើយគេក៏ឯកភាពទៀត។ យើងយកឱកាសនេះផ្សព្វផ្សាយពីកម្ពុជានិងទាក់ទាញអ្នកទេសចរណ៍ឲ្យបានច្រើន»។
បើតាមការបញ្ជាក់របស់លោក ស៊ុន ចាន់ថុល ប្រតិភូចំនួន ១០៣ នាក់ហើយដែលបានប្រកាសថាខ្លួននឹងអញ្ជើញទៅទស្សនកិច្ចខេត្តសៀមរាប។
សូមបញ្ជាក់ថា ក្នុងចំណោមប្រទេសអាស៊ាន កម្ពុជាក្លាយជាប្រទេសទី៩ ហើយដែលរៀបចំវេទិកាសេដ្ឋកិច្ចពិភពលោកនេះ។ ហើយបណ្តាប្រតិភូអន្តរជាតិរាប់រយនាក់នឹងមកចូលរួមក្នុង វេទិកាពិភពលោកដ៏សំខាន់នេះ ដែលវាជាឱកាសសំខាន់សម្រាប់កម្ពុជាក្នុងការទាក់ទាញវិនិយោគនិងទាញប្រយោជន៍ផ្សេងទៀតជាច្រើនថែមទៀតផង៕
មេដឹកនាំបរទេសកម្រិតប្រមុខរដ្ឋ ប្រមុខរដ្ឋាភិបាល រួមជាមួយបណ្តាប្រធានក្រុមហ៊ុនកម្រិតពិភពលោក និង សហគ្រិនដែលមានឈ្មោះបោះសំឡេងច្រើនរយនាក់នឹងចូលរួមក្នុងវេទិកាសេដ្ឋកិច្ចពិភពលោកដែលនឹងរៀបចំឡើងនៅក្នុងកម្ពុជាសប្តាហ៍ក្រោយ។ កម្ពុជានឹងយកឱកាសពិសេសនៃការរៀបចំវេទិកាកម្រិតពិភពលោកនេះផ្សព្វផ្សាយពីខ្លួនឯងទៅកាន់ពិភពលោក និងទាញយកប្រយោជន៍ពីវិស័យទេសចរណ៍ផងដែរ។
ក្នុងសន្និសីទសារព័ត៌មាននៅថ្ងៃពុធទី ៣ ខែឧសភានៅក្រសួងសាធារណការនិងដឹកជញ្ជូន រដ្ឋមន្ត្រីក្រសួងសាធារណការលោក ស៊ុន ចាន់ថុល ដែលជាអ្នកទទួលបន្ទុករៀបចំវេទិកាកម្រិតសកលនេះបានបញ្ជាក់ថា ជាម្ចាស់ផ្ទះរៀបចំវេទិកាសេដ្ឋកិច្ចពិភពលោក រាជរដ្ឋាភិបាលកម្ពុជាត្រៀមខ្លួនផ្សព្វផ្សាយពីសិល្បៈ វប្បធម៌ ដូចជារបាំ ប្រាង្គប្រាសាទ ដើម្បីទាក់ទាញទេសចរណ៍។
តាមពិតទៅ នាយករដ្ឋមន្ត្រីកម្ពុជាសម្តេច ហ៊ុន សែន បានប្រកាសតាំងពីខែមករាថា បណ្តាប្រតិភូដែលមកចូលរួមក្នុងវេទិកាសេដ្ឋកិច្ចពិភពលោកមិនចាំបាច់បង់ថ្លៃទិដ្ឋាការចូលមកកម្ពុជាទេ។ ហើយអី្វដែលសំខាន់នោះប្រតិភូទាំងនោះមានឱកាសធ្វើដំណើរទៅសៀមរាបដោយឥតគិតថ្លៃ រួមទាំងអាចទៅទស្សនាប្រាង្គប្រាសាទនៅខេត្តសៀមរាបបានដោយមិនចាំបាច់បង់លុយទៀត។
ពាក់ព័ន្ធការរៀបចំទាក់ទាញអ្នកទេសចរក្នុងឱកាសនៃការរៀបចំវេទិកាសេដ្ឋកិច្ចពិភពលោកលោកនេះលោក ស៊ុន ចាន់ថុល បានរៀបរាប់ថា ក្រុមហ៊ុនអាកាសចរណ៍ Air Asia បានប្រកាសផ្តល់យន្តហោះពីរគ្រឿង ដើម្បីដឹកប្រតិភូពីភ្នំពេញទៅកាន់ខេត្តសៀមរាប ហើយរដ្ឋាភិបាលកម្ពុជាផ្ទាល់ក៏បានស្នើសុំការសហការពីសណ្ឋាគារសុខាអង្គរដើម្បីរៀបចំកន្លែស្នាក់នៅឥតគិតថ្លៃសម្រាប់ពួកគេផងដែរ។
លោក បានថ្លែងដូច្នេះ៖ « ពេលជួបសម្តេចនៅវេទិកាសេដ្ឋកិច្ច Davos ខែមករា លោក Anthony F. Fernandes នាយកប្រតិបត្តិក្រុមហ៊ុន AirAsia បានប្រាប់សម្តេចថា លោកនឹងផ្តល់យន្តហោះពីរគ្រឿងជួយដឹកអ្នកចង់ទៅលេងសៀមរាប។ មួយទៀតយើងទៅជួបខាងសណ្ឋាគារសុខា ដើម្បីសុំឲ្យគេផ្តល់បន្ទប់ស្នាក់នៅដោយឥតគិតថ្លៃដល់អ្នកមកទស្សនាដែរ។ ហើយគេក៏ឯកភាពទៀត។ យើងយកឱកាសនេះផ្សព្វផ្សាយពីកម្ពុជានិងទាក់ទាញអ្នកទេសចរណ៍ឲ្យបានច្រើន»។
បើតាមការបញ្ជាក់របស់លោក ស៊ុន ចាន់ថុល ប្រតិភូចំនួន ១០៣ នាក់ហើយដែលបានប្រកាសថាខ្លួននឹងអញ្ជើញទៅទស្សនកិច្ចខេត្តសៀមរាប។
សូមបញ្ជាក់ថា ក្នុងចំណោមប្រទេសអាស៊ាន កម្ពុជាក្លាយជាប្រទេសទី៩ ហើយដែលរៀបចំវេទិកាសេដ្ឋកិច្ចពិភពលោកនេះ។ ហើយបណ្តាប្រតិភូអន្តរជាតិរាប់រយនាក់នឹងមកចូលរួមក្នុង វេទិកាពិភពលោកដ៏សំខាន់នេះ ដែលវាជាឱកាសសំខាន់សម្រាប់កម្ពុជាក្នុងការទាក់ទាញវិនិយោគនិងទាញប្រយោជន៍ផ្សេងទៀតជាច្រើនថែមទៀតផង៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
12 ម៉ោង
