អន្តរជាតិ
ព្រោះប្រមាថក្សត្រថៃ មេធាវីក្រុមអាវក្រហមប្រឈមមុខជាប់គុកយ៉ាងតិច ១៥០ ឆ្នាំ
×![]()
ដោយ: តន ចាន់រិទ្ធារ៉ា
មេធាវីការពារសិទ្ធិមនុស្សជនជាតិថៃម្នាក់ឈ្មោះ Prawet Prapanukul ប្រឈមមុខការជាប់ពន្ធនាគារដល់ទៅ១៥០ឆ្នាំ ជុំវិញការចោទថាបានប្រមាថចេស្តាមហាក្សត្រ។ មេធាវីរូបនេះ កំពុងត្រូវប៉ូលិសជាប់ឃុំខ្លួន បន្ទាប់ពីត្រូវបានឃាត់ខ្លួនកាលពីចុងសប្ដាហ៍មុន។ ប៉ុន្តែលោកបានទាត់ចោលការចោទប្រកាន់ទាំងអស់នេះ។
មេធាវី Prawet Prapanukul បានបង្ហាញខ្លួនចំពោះមុខតុលាការនៅថ្ងៃទី៣ ខែឧសភា ជុំវិញសំណុំរឿងប្រមាថមហាក្សត្រ ដែលអាចមានទោសជាប់គុកដល់ទៅ១៥០ឆ្នាំ បើរកឃើញថាមានកំហុស។ លោក Prawet Prapanukul ជាជំនួយផ្នែកច្បាប់របស់ចលនាអាវក្រហម និងជាផ្ដល់ប្រឹក្សាលើសំណុំរឿងនានាពាក់ព័ន្ទទោសប្រមាថស្ដេច។
មេធាវីម្នាក់ឈ្មោះ Anon Nampha មកពីបណ្ដាញមេធាវីសម្រាប់ការពារសិទ្ធិមនុស្ស បានប្រាប់ទីភ្នាក់ងារព័ត៌មាន Reuter ថា៖ «លោក Prawet ត្រូវបានតុលាការចោទប្រកាន់ចំនួន១០ករណី ព្រោះបានបំពានមាត្រា១១២ ដែលចែងពីការប្រមាថមហាក្សត្រ»។ បើតាមមាត្រានេះ ជនជាប់ចោទ អាចជាប់គុក១៥ឆ្នាំ បើត្រូវរកឃើញថាបានបំពានមហាក្សត្រ ឬសមាជិករាជវង្សដទៃទៀត។ ដោយសារតែលោក Prawet រងការចោទប្រកាន់ដល់ទៅ១០ករណី ដូច្នេះលោកអាចជាបគុកដល់ទៅ១៥០ឆ្នាំ។
ក្រៅពីនេះ មេធាវីដដែលនេះ ក៏រងការចោទប្រកាន់៣ករណីផ្សេងទៀត ក្រោមមាត្រា១១៦ នៃច្បាប់ព្រហ្មទណ្ឌ ដែលករណីនីមួយៗមានទោសដល់ទៅ៧ឆ្នាំឯណោះ។ ដោយឡែកកាសែតបាងកកប៉ុស្តិ៍ផ្សាយថា លោក Prawet ត្រូវបានចោទប្រកាន់ជាមួយមនុស្ស៥នាក់ផ្សេងទៀត ដែលត្រូវបានចោទប្រកាន់ថាបានបំពានមហាក្សត្រដូចគ្នា។
ប៉ូលិសថៃបានប្រាប់តុលាការថា លោក Prawet បានបង្ហោះសារចំនួន១០ ដែលមានន័យប្រមាថមើលងាយមហាក្សត្រ ខណៈលោកក៏បានបង្ហោះសារ៣ទៀត ដែលជឿថាបង្កអសន្តិសុខសង្គម។ ប៉ុន្តែអត្ថន័យនៃការចោទប្រកាន់ទាំងនោះ មិនត្រូវបានទម្លាយឡើយ។
នេះ ជាករណីប្រមាថមហាក្សត្រមួយទៀត ដែលត្រូវបានចោទប្រកាន់ដោយតុលាការថៃ ក្រោយរបបយោធាបង្កើនការបង្ក្រាបករណីធ្ងន់ធ្ងរនេះចាប់តាំងឆ្នាំ២០១៤ មក។ អ្នកនយោបាយ សកម្មជនសិទ្ធិមនុស្ស និងអ្នកកាសែតជាច្រើននាក់ ត្រូវបានចាប់ខ្លួន និងកាត់ទោសជាបន្តបន្ទាប់ ហើយពេលខ្លះដំណើរកាត់ក្ដី មិនត្រូវបានធ្វើតាមច្បាប់កំណត់ឡើយ។
ដូចបានដឹងស្រាប់ហើយសម្រាប់ថៃ ការប្រមាថចេស្ដាមហាក្សត្រ ឬសមាជិករាជវង្ស ឬរាជនុសិទ្ធិ គឺជាទោសដ៏ធ្ងន់ធ្ងរមួយ ស្របមហាក្សត្រត្រូវបានប្រជាជនគោរពយ៉ាងខ្លាំង។ មហាក្សត្រថៃត្រូវបានការពារយ៉ាងតឹងរ៉ឹងដោយច្បាប់ ហើយអ្នកណាដែលហ៊ានប្រមាថ នឹងមានទោសមិនអាចលើកលែងបាន ខណៈអ្នកដែលចែកចាយព័ត៌មាន ឬរឿងអាស្រូវមិនល្អរបស់មហាក្សត្រ ក៏មិនអាចរួចផុតពីការចោទប្រកាន់ដែរឡើយ៕
មេធាវី Prawet Prapanukul បានបង្ហាញខ្លួនចំពោះមុខតុលាការនៅថ្ងៃទី៣ ខែឧសភា ជុំវិញសំណុំរឿងប្រមាថមហាក្សត្រ ដែលអាចមានទោសជាប់គុកដល់ទៅ១៥០ឆ្នាំ បើរកឃើញថាមានកំហុស។ លោក Prawet Prapanukul ជាជំនួយផ្នែកច្បាប់របស់ចលនាអាវក្រហម និងជាផ្ដល់ប្រឹក្សាលើសំណុំរឿងនានាពាក់ព័ន្ទទោសប្រមាថស្ដេច។
មេធាវីម្នាក់ឈ្មោះ Anon Nampha មកពីបណ្ដាញមេធាវីសម្រាប់ការពារសិទ្ធិមនុស្ស បានប្រាប់ទីភ្នាក់ងារព័ត៌មាន Reuter ថា៖ «លោក Prawet ត្រូវបានតុលាការចោទប្រកាន់ចំនួន១០ករណី ព្រោះបានបំពានមាត្រា១១២ ដែលចែងពីការប្រមាថមហាក្សត្រ»។ បើតាមមាត្រានេះ ជនជាប់ចោទ អាចជាប់គុក១៥ឆ្នាំ បើត្រូវរកឃើញថាបានបំពានមហាក្សត្រ ឬសមាជិករាជវង្សដទៃទៀត។ ដោយសារតែលោក Prawet រងការចោទប្រកាន់ដល់ទៅ១០ករណី ដូច្នេះលោកអាចជាបគុកដល់ទៅ១៥០ឆ្នាំ។
ក្រៅពីនេះ មេធាវីដដែលនេះ ក៏រងការចោទប្រកាន់៣ករណីផ្សេងទៀត ក្រោមមាត្រា១១៦ នៃច្បាប់ព្រហ្មទណ្ឌ ដែលករណីនីមួយៗមានទោសដល់ទៅ៧ឆ្នាំឯណោះ។ ដោយឡែកកាសែតបាងកកប៉ុស្តិ៍ផ្សាយថា លោក Prawet ត្រូវបានចោទប្រកាន់ជាមួយមនុស្ស៥នាក់ផ្សេងទៀត ដែលត្រូវបានចោទប្រកាន់ថាបានបំពានមហាក្សត្រដូចគ្នា។
ប៉ូលិសថៃបានប្រាប់តុលាការថា លោក Prawet បានបង្ហោះសារចំនួន១០ ដែលមានន័យប្រមាថមើលងាយមហាក្សត្រ ខណៈលោកក៏បានបង្ហោះសារ៣ទៀត ដែលជឿថាបង្កអសន្តិសុខសង្គម។ ប៉ុន្តែអត្ថន័យនៃការចោទប្រកាន់ទាំងនោះ មិនត្រូវបានទម្លាយឡើយ។
នេះ ជាករណីប្រមាថមហាក្សត្រមួយទៀត ដែលត្រូវបានចោទប្រកាន់ដោយតុលាការថៃ ក្រោយរបបយោធាបង្កើនការបង្ក្រាបករណីធ្ងន់ធ្ងរនេះចាប់តាំងឆ្នាំ២០១៤ មក។ អ្នកនយោបាយ សកម្មជនសិទ្ធិមនុស្ស និងអ្នកកាសែតជាច្រើននាក់ ត្រូវបានចាប់ខ្លួន និងកាត់ទោសជាបន្តបន្ទាប់ ហើយពេលខ្លះដំណើរកាត់ក្ដី មិនត្រូវបានធ្វើតាមច្បាប់កំណត់ឡើយ។
ដូចបានដឹងស្រាប់ហើយសម្រាប់ថៃ ការប្រមាថចេស្ដាមហាក្សត្រ ឬសមាជិករាជវង្ស ឬរាជនុសិទ្ធិ គឺជាទោសដ៏ធ្ងន់ធ្ងរមួយ ស្របមហាក្សត្រត្រូវបានប្រជាជនគោរពយ៉ាងខ្លាំង។ មហាក្សត្រថៃត្រូវបានការពារយ៉ាងតឹងរ៉ឹងដោយច្បាប់ ហើយអ្នកណាដែលហ៊ានប្រមាថ នឹងមានទោសមិនអាចលើកលែងបាន ខណៈអ្នកដែលចែកចាយព័ត៌មាន ឬរឿងអាស្រូវមិនល្អរបស់មហាក្សត្រ ក៏មិនអាចរួចផុតពីការចោទប្រកាន់ដែរឡើយ៕
Tag:
ថៃ
Maha Vajiralongkorn
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
12 ម៉ោង
