អន្តរជាតិ
ប្រធានាធិបតីវ័យជរា ស៊ីមបាវ៉េ ជិះយន្តហោះមកព្យាបាលជំងឺនៅសិង្ហបុរីជាប្រចាំ
ប្រភពរូបភាព៖ Times
×![]()
ដោយ: ថ្មីៗ
មេដឹកនាំជរាស៊ីមបាវ៉េ លោក រ៉ូបឺត មូហ្កាបេ តែងតែធ្វើដំណើរពីទ្វីបអាហ្វ្រិកមកទទួលបានការព្យាបាលនិងត្រួតពិនិត្យសុខភាពជាប្រចាំនៅបុរីរដ្ឋសិង្ហបុរីដែលស្ថិតនៅតំបន់អាស៊ីអាគ្នេយ៍។ រដ្ឋាបាភិបាលស៊ីមបាវ៉េអះអាងថា លោកមានជំងឺភ្នែក ប៉ុន្តែរបាយការណ៍សុខាភិបាើខ្លះផ្សាយថាលោកមានជំងឺមហារីកក្រពេញប្រូស្តាត។
ទោះវ័យជរា ៩៣ឆ្នាំក៏ដោយ ប្រធានាធិបតីស៊ីមបាវ៉េ រ៉ូបឺត មូហ្កាបេ សុខចិត្តចំណាយពេលជិះយន្តហោះក្នុងចម្ងាយ ៨៤៤៣គីឡូម៉ែត្រ ឆ្លងមហាសមុទ្រឥណ្ឌាដើម្បីមកទទួលការព្យាបាលសុខភាពនៅប្រទេសសិង្ហបុរី។ ជារួមលោកត្រូវចំណាយពេលយ៉ាងហោចណាស់១៦ម៉ោងដែរ។
អ្នកនាំពាក្យប្រធានាធិបតីលោក George Charamba បានប្រាប់អ្នកសារព័ត៌មានថា ប្រធានាធិបតី មូហ្កាបេ ធ្វើដំណើរមកសិង្ហបុរីដើម្បីទទួលការត្រួតពិនិត្យនិងព្យាបាលជំងឺជាញឹកញាប់។ ហើយលោកអញ្ជើញមកសិង្ហបុរីចុងក្រោយបំផុតនៅដើមខែមីនា ឆ្នាំ ២០១៧ កន្លងទៅ។
បើតាមទីភ្នាក់ងារព័ត៌មាន Reuters រដ្ឋាភិបាលក្រុងហារ៉ារេ បានបញ្ជាក់ច្បាស់ថា ប្រធានាធិបតីមូហ្កាបេ ត្រូវទៅសិង្ហបុរីជាញឹកញាប់នេះ ដើម្បីពិនិត្យជំងឺទូទៅផង និងព្យាបាលជំងឺភ្នែកផង។ ប៉ុន្តែរបាយការណ៍ប្រព័ន្ធផ្សព្វផ្សាយឯកជនស៊ីមបាវ៉េ បានអះអាងថា លោក មូហ្កាបេ មានជំងឺមហារីកក្រពេញប្រូស្តាត។ ដោយសារមានវ័យជរាស្រាប់ផង លោកមិនសូវចេញមុខជាសាធារណៈ ហើយភាគច្រើនលោកពិបាកដើរ និងត្រូវការអ្នកជួយគ្រាថែមទៀត។
ពាក់ព័ន្ធការធ្វើដំណើរយ៉ាងឆ្ងាយទៅព្យាបាលជំងឺនេះ ប្រព័ន្ធផ្សព្វផ្សាយមួយចំនួនបានទិតៀនលោក មូហ្កាបេ ផងដែរ។ នេះក៏ដោយសារវាបង្ហាញឲ្យឃើញពីភាពអន់ខ្សោយនៃប្រព័ន្ធសុខាភិបាលប្រទេសនេះ ខណៈដែលសេដ្ឋកិច្ចស៊ីមបាវ៉េនៅត្រដាបត្រដួសក្នុងវិបត្តិចាប់ពីឆ្នាំ ២០០០មកនោះ។
តាមពិតទៅលោកបានកាន់តំណែងអស់រយៈពេល ៣៦ឆ្នាំមកហើយ ហើយលោកបានសន្យាកាន់អំណាចរហូតដល់លោកស្លាប់ថែមទៀត ព្រោះលោកជឿជាក់ថាគ្មានអ្នកណាអាចជំនួសតំណែងលោកបានឡើយ។
សូមរម្លឹកថា ចាប់តាំងពីការបោះឆ្នោតឆ្នាំ១៩៨០មក លោក Mugabe តែងតែឈ្នះរាល់ការបោះឆ្នោត ដែលពោរពេញដោយភាពចម្រូងចម្រាស មានការបន្លំសន្លឹកឆ្នោត និងការគំរាមកំហែងថែមទៀតផង។ ហើយអ្នកណាដែលមានបំណងចង់ដណ្តើមអំណាចពីលោកនឹងមិនមានលទ្ធផលល្អឡើយ។ អតីតវីរជនឯករាជ្យរូបនេះ តែងដកតំណែងមន្ត្រីធំៗជាច្រើននាក់ដែលជាប់ពាក់ព័ន្ធនឹងគម្រោងផ្តួលរំលំលោកពីអំណាច និងមានមន្ត្រីខ្លះរងការចាប់ខ្លួនផងដែរ៕
ទោះវ័យជរា ៩៣ឆ្នាំក៏ដោយ ប្រធានាធិបតីស៊ីមបាវ៉េ រ៉ូបឺត មូហ្កាបេ សុខចិត្តចំណាយពេលជិះយន្តហោះក្នុងចម្ងាយ ៨៤៤៣គីឡូម៉ែត្រ ឆ្លងមហាសមុទ្រឥណ្ឌាដើម្បីមកទទួលការព្យាបាលសុខភាពនៅប្រទេសសិង្ហបុរី។ ជារួមលោកត្រូវចំណាយពេលយ៉ាងហោចណាស់១៦ម៉ោងដែរ។
អ្នកនាំពាក្យប្រធានាធិបតីលោក George Charamba បានប្រាប់អ្នកសារព័ត៌មានថា ប្រធានាធិបតី មូហ្កាបេ ធ្វើដំណើរមកសិង្ហបុរីដើម្បីទទួលការត្រួតពិនិត្យនិងព្យាបាលជំងឺជាញឹកញាប់។ ហើយលោកអញ្ជើញមកសិង្ហបុរីចុងក្រោយបំផុតនៅដើមខែមីនា ឆ្នាំ ២០១៧ កន្លងទៅ។
បើតាមទីភ្នាក់ងារព័ត៌មាន Reuters រដ្ឋាភិបាលក្រុងហារ៉ារេ បានបញ្ជាក់ច្បាស់ថា ប្រធានាធិបតីមូហ្កាបេ ត្រូវទៅសិង្ហបុរីជាញឹកញាប់នេះ ដើម្បីពិនិត្យជំងឺទូទៅផង និងព្យាបាលជំងឺភ្នែកផង។ ប៉ុន្តែរបាយការណ៍ប្រព័ន្ធផ្សព្វផ្សាយឯកជនស៊ីមបាវ៉េ បានអះអាងថា លោក មូហ្កាបេ មានជំងឺមហារីកក្រពេញប្រូស្តាត។ ដោយសារមានវ័យជរាស្រាប់ផង លោកមិនសូវចេញមុខជាសាធារណៈ ហើយភាគច្រើនលោកពិបាកដើរ និងត្រូវការអ្នកជួយគ្រាថែមទៀត។
ពាក់ព័ន្ធការធ្វើដំណើរយ៉ាងឆ្ងាយទៅព្យាបាលជំងឺនេះ ប្រព័ន្ធផ្សព្វផ្សាយមួយចំនួនបានទិតៀនលោក មូហ្កាបេ ផងដែរ។ នេះក៏ដោយសារវាបង្ហាញឲ្យឃើញពីភាពអន់ខ្សោយនៃប្រព័ន្ធសុខាភិបាលប្រទេសនេះ ខណៈដែលសេដ្ឋកិច្ចស៊ីមបាវ៉េនៅត្រដាបត្រដួសក្នុងវិបត្តិចាប់ពីឆ្នាំ ២០០០មកនោះ។
តាមពិតទៅលោកបានកាន់តំណែងអស់រយៈពេល ៣៦ឆ្នាំមកហើយ ហើយលោកបានសន្យាកាន់អំណាចរហូតដល់លោកស្លាប់ថែមទៀត ព្រោះលោកជឿជាក់ថាគ្មានអ្នកណាអាចជំនួសតំណែងលោកបានឡើយ។
សូមរម្លឹកថា ចាប់តាំងពីការបោះឆ្នោតឆ្នាំ១៩៨០មក លោក Mugabe តែងតែឈ្នះរាល់ការបោះឆ្នោត ដែលពោរពេញដោយភាពចម្រូងចម្រាស មានការបន្លំសន្លឹកឆ្នោត និងការគំរាមកំហែងថែមទៀតផង។ ហើយអ្នកណាដែលមានបំណងចង់ដណ្តើមអំណាចពីលោកនឹងមិនមានលទ្ធផលល្អឡើយ។ អតីតវីរជនឯករាជ្យរូបនេះ តែងដកតំណែងមន្ត្រីធំៗជាច្រើននាក់ដែលជាប់ពាក់ព័ន្ធនឹងគម្រោងផ្តួលរំលំលោកពីអំណាច និងមានមន្ត្រីខ្លះរងការចាប់ខ្លួនផងដែរ៕
Tag:
រ៉ូបឺត មូហ្កាបេ
ស៊ីមបាវ៉េ
សិង្ហបុរី
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
15 ម៉ោង
