កីឡាអន្តរជាតិ
អន្តរជាតិ
UCL៖ អ្នកក្រុងម៉ាឌ្រីតជួបគ្នា ដោយម្ចាស់ផ្ទះ Real មានប្រៀប ៣-០ លើភ្ញៀវ Atletico
× Real Madrid នឹងធ្វើដំណើរទៅជួប Atletico Madrid ក្នុងកីឡដ្ឋាន Vicente Calderon នាការប្រកួតវគ្គពាក់កណ្តាលផ្តាច់ព្រ័ត្រជើងទីពីរនៃពានរង្វាន់ UEFA Champions League នាវេលាម៉ោង១ និង៤៥នាទី រាត្រីនេះ។
កាលពីជើងទី១ក្រុមស្តេចសបានយកឈ្នះក្រុម Atletico Madrid ដែលស្ថិតក្នុងទីក្រុង Madrid ដូចគ្នាក្នុងលទ្ធផល ៣-០ នាកីឡដ្ឋាន Santiago Bernabeu ដែលគ្រាប់បាល់បញ្ចូលទីទាំង៣គ្រាប់ធ្វើបានដោយខ្សែប្រយុទ្ធឆ្នើម Cristiano Ronaldo។
បើតាមស្ថិតិប្រកួតរវាងក្រុមទាំងពីរកន្លងមក Real Madrid ធ្លាប់ឈ្នះច្រើនដងជាង ខណៈការជួបគ្នា២លើកចុងក្រោយវគ្គផ្តាច់ព្រ័ត្រពានកំពូលអឺរ៉ុប UEFA Champions League នេះ Atletico Madrid ចាញ់ទាំងពីរដង។
រីឯការប្រកួតវគ្គពាក់កណ្តាលផ្តាច់ព្រ័ត្រមួយគូទៀត កាលពីយប់ថ្ងៃអង្គារ ក្រុមមកពីអ៊ីតាលី Juventus បានឡើងទៅចាំវគ្គផ្តាច់ព្រ័ត្រពាន Champions League នេះមុនហើយ ក្រោយយកឈ្នះក្រុមមកពីបារាំង AS Monaco ក្នុងលទ្ធផល ២-១ សរុបទាំងពីជើង ៤-១។
តើ Real Madrid និង Atletico Madrid មួយណាដែលអាចឡើងទៅជួបក្រុមខ្លាំង Juventus នៅវគ្គផ្តាច់ព្រ័ត្រដែលប្រព្រឹត្តិទៅនាថ្ងៃទី៣ ខែមិថុនា ឆ្នាំ២០១៧ នៅកីឡដ្ឋាន Millennium Stadium ក្រុង Cardiff ប្រទេសវេលស៍នោះ? សូមទស្សនានៅយប់នេះទាំងអស់គ្នា៕
Tag:
បាល់ទាត់
UEFA Champions League
© រក្សាសិទ្ធិដោយ thmeythmey.com