ជាតិ
សុខភាព
ក្រុមអ្នកជិះកង់នៅខេត្តសៀមរាប ប្រមូលថវិកាបានជាង១៨០០០ដុល្លារដើម្បីជួយគន្ធបុប្ផា
×![]()
ក្លឹបអ្នកជិះកង់ដើម្បីសហគមន៍ (CCC) ដែលមានមូលដ្ឋាននៅក្នុងខេត្តសៀមរាប កាលពីចុងសប្តាហ៍កន្លងមក បានរៀបចំព្រឹត្តិការណ៍ «តោះ!!! ជិះកង់ដើម្បីសហគមន៍» (Save Community, Let’s Cycling !) ជាលើកទី៤ ដើម្បីកៀងគរមូលនិធិសប្បុរសជួយដល់មន្ទីរពេទ្យគន្ធបុប្ផា។ ទឹកប្រាក់ចំនួន១៨០៩៩.០៧ដុល្លារអាមេរិក បានធ្លាក់ទៅដល់ក្រុម CCC ដើម្បីឲ្យពួកគាត់ចូលរួមចំណែកជាមួយលោកវេជ្ជបណ្ឌិត បេអាត រឺចឆ្ន័រ ក្នុងបេសកកម្មសង្គ្រោះកុមារនៅកម្ពុជា។
«តោះ!!! ជិះកង់ដើម្បីសហគមន៍» (Save Community, Let’s Cycling !) ឈានខួប៤ឆ្នាំរបស់ខ្លួន ដោយព្រឹត្តិការណ៍ដែលរៀបចំកាលកាលពីថ្ងៃទី២៧ ខែឧសភា កន្លងមកនេះ មានអ្នកចុះឈ្មោះចូលរួមប្រមាណ៧៥០នាក់ ដែលមកពីខេត្តសៀមរាប បន្ទាយមានជ័យ បាត់ដំបង ព្រះវិហារ កំពង់ធំ កំពង់ចាម និងរាជធានីភ្នំពេញ។
លោក គឹម ប៊ុនថាន់ អ្នកដឹកនាំក្រុម CCC បានអះអាងថា ព្រឹត្តិការណ៍នេះ បានប្រព្រឹត្តទៅក្រោមបរិយាកាសសប្បាយរីករាយ មុននឹងមានភ្លៀងធ្លាក់ប្រមាណ៣០នាទីនៅពេលដែលក្រុមអ្នកជិះកង់បានទៅដល់គោលដៅ។ ដោយសារតែព្រឹត្តិការណ៍នេះ រៀបចំឡើងចំពេលនៃយុទ្ធនាការឃោសនាបោះឆ្នោតឃុំសង្កាត់ ក្រុម CCC បានកំណត់ពេលវេលាប្រមាណតែ៤ម៉ោងប៉ុណ្ណោះ ពោលគឺពីម៉ោង៤រសៀលដល់ម៉ោង៨យប់ ក្នុងដំណើរចេញពីក្រុងសៀមរាបឆ្ពោះទៅតំបន់ទេសចរណ៍ធម្មជាតិស្រុកយើង (ភ្នំក្រោម)។
បើទោះបីជាដំណើរការជិះ មានរយៈពេលខ្លី និងមានការរំខានខ្លះៗពីព្រះពិរុណក៏ដោយ ក៏ក្រុម CCC អាចប្រមូលថវិកាបានរហូតដល់ជាង១៨០០០ដុល្លារអាមេរិក ដើម្បីជូនដល់មន្ទីរពេទ្យគន្ធបុប្ផាក្នុងខេត្តសៀមរាប ក្នុងទិសដៅជួយដល់កុមារ ក៏ដូចជាស្ត្រីមានផ្ទៃពោះ ដែលតម្រូវការដ៏ចាំបាច់របស់មន្ទីរពេទ្យមួយនេះ។
ទឹកប្រាក់ដែល CCC ទទួលបាននោះ មានមួយផ្នែកបានមកពីការបរិច្ចាគរបស់ក្រុមអ្នកចូលរួមជិះ ហើយចំណែកធំបំផុត គឺជាទឹកប្រាក់សប្បុរសរបស់ក្រុមហ៊ុន សហគ្រាស សណ្ឋាគារ ភោជនីយដ្ឋាន ហាងទំនិញ និងបណ្តាសហគមន៍នានាទូទាំងប្រទេស ជាពិសេសនៅក្នុងខេត្តសៀមរាបទាំងមូល។
គួរបញ្ជាក់ថា មន្ទីរពេទ្យគន្ធបុប្ផា ដែលបម្រើសេវាសុខាភិបាលដល់ស្ត្រី និងកុមារ ដោយឥតគិតថ្លៃ នៅរាជធានីភ្នំពេញ និងសៀមរាប ចំណាយថវិកាប្រមាណ ១២ម៉ឺនដុល្លារក្នុងមួយថ្ងៃ ហើយថវិកាទាំងអស់ភាគច្រើនបានពីសប្បុរសជនពីប្រទេសស្វីស និងមួយចំណែកពីរាជរដ្ឋាភិបាលកម្ពុជា និងសប្បុរសជនតាមរយៈការរៀបចំព្រឹត្តិការណ៍កីឡា ឬសិល្បៈផ្សេងៗ៕
«តោះ!!! ជិះកង់ដើម្បីសហគមន៍» (Save Community, Let’s Cycling !) ឈានខួប៤ឆ្នាំរបស់ខ្លួន ដោយព្រឹត្តិការណ៍ដែលរៀបចំកាលកាលពីថ្ងៃទី២៧ ខែឧសភា កន្លងមកនេះ មានអ្នកចុះឈ្មោះចូលរួមប្រមាណ៧៥០នាក់ ដែលមកពីខេត្តសៀមរាប បន្ទាយមានជ័យ បាត់ដំបង ព្រះវិហារ កំពង់ធំ កំពង់ចាម និងរាជធានីភ្នំពេញ។
លោក គឹម ប៊ុនថាន់ អ្នកដឹកនាំក្រុម CCC បានអះអាងថា ព្រឹត្តិការណ៍នេះ បានប្រព្រឹត្តទៅក្រោមបរិយាកាសសប្បាយរីករាយ មុននឹងមានភ្លៀងធ្លាក់ប្រមាណ៣០នាទីនៅពេលដែលក្រុមអ្នកជិះកង់បានទៅដល់គោលដៅ។ ដោយសារតែព្រឹត្តិការណ៍នេះ រៀបចំឡើងចំពេលនៃយុទ្ធនាការឃោសនាបោះឆ្នោតឃុំសង្កាត់ ក្រុម CCC បានកំណត់ពេលវេលាប្រមាណតែ៤ម៉ោងប៉ុណ្ណោះ ពោលគឺពីម៉ោង៤រសៀលដល់ម៉ោង៨យប់ ក្នុងដំណើរចេញពីក្រុងសៀមរាបឆ្ពោះទៅតំបន់ទេសចរណ៍ធម្មជាតិស្រុកយើង (ភ្នំក្រោម)។
បើទោះបីជាដំណើរការជិះ មានរយៈពេលខ្លី និងមានការរំខានខ្លះៗពីព្រះពិរុណក៏ដោយ ក៏ក្រុម CCC អាចប្រមូលថវិកាបានរហូតដល់ជាង១៨០០០ដុល្លារអាមេរិក ដើម្បីជូនដល់មន្ទីរពេទ្យគន្ធបុប្ផាក្នុងខេត្តសៀមរាប ក្នុងទិសដៅជួយដល់កុមារ ក៏ដូចជាស្ត្រីមានផ្ទៃពោះ ដែលតម្រូវការដ៏ចាំបាច់របស់មន្ទីរពេទ្យមួយនេះ។
ទឹកប្រាក់ដែល CCC ទទួលបាននោះ មានមួយផ្នែកបានមកពីការបរិច្ចាគរបស់ក្រុមអ្នកចូលរួមជិះ ហើយចំណែកធំបំផុត គឺជាទឹកប្រាក់សប្បុរសរបស់ក្រុមហ៊ុន សហគ្រាស សណ្ឋាគារ ភោជនីយដ្ឋាន ហាងទំនិញ និងបណ្តាសហគមន៍នានាទូទាំងប្រទេស ជាពិសេសនៅក្នុងខេត្តសៀមរាបទាំងមូល។
គួរបញ្ជាក់ថា មន្ទីរពេទ្យគន្ធបុប្ផា ដែលបម្រើសេវាសុខាភិបាលដល់ស្ត្រី និងកុមារ ដោយឥតគិតថ្លៃ នៅរាជធានីភ្នំពេញ និងសៀមរាប ចំណាយថវិកាប្រមាណ ១២ម៉ឺនដុល្លារក្នុងមួយថ្ងៃ ហើយថវិកាទាំងអស់ភាគច្រើនបានពីសប្បុរសជនពីប្រទេសស្វីស និងមួយចំណែកពីរាជរដ្ឋាភិបាលកម្ពុជា និងសប្បុរសជនតាមរយៈការរៀបចំព្រឹត្តិការណ៍កីឡា ឬសិល្បៈផ្សេងៗ៕
Tag:
CCC
គន្ធបុប្ផា
© រក្សាសិទ្ធិដោយ thmeythmey.com
