ពីនេះ ពីនោះ
ព័ត៍មានសុខភាព
តឹងណែនដើមទ្រូង? ដំណោះស្រាយតាមវិធីធម្មជាតិ តែមានប្រសិទ្ធភាពខ្ពស់
× តឹងណែនដើមទ្រូង ជាអាការៈមួយដែលអ្នកមិនគួរធ្វេសប្រហែសនោះឡើយ ពីព្រោះ វាពិតជាមានគ្រោះថ្នាក់ខ្លាំងណាស់ ចំពោះអាយុជីវិតរបស់អ្នក។ តឹងណែនដើមទ្រូង មានន័យថា មានបញ្ហាអ្វីមួយ ដែលនាំកើតស្ទះនៅតំបន់ទ្រូង ដែលជាហេតុធ្វើឲ្យអ្នកពិបាកដកដង្ហើម។
វិធីសាស្ត្រដោះស្រាយដោយខ្លួនឯង ៖
១ ស្ទីម ឬប្រើចំហាយទឹក
ចូរចាក់ទឹកក្តៅមួយចាន រួចឱនមុខរបស់អ្នក ដើម្បីស្រូបយកចំហាយទឹកក្តៅនេះ (ប៉ុន្តែ សូមប្រយ័ត្នរលាក)។ វាអាចនឹងទៅសម្រួលជាតិស្លេស្ម ឬជាតិរំអិលនានា ដែលស្ទះនៅម្តុំទ្រូងរបស់អ្នក ហើយបើកផ្លូវដង្ហើមរបស់អ្នក ឲ្យបានធូរ និងទូលាយជាងមុន។
២ ញ៉ាំតែធម្មជាតិ (តែខ្ញី តែជីអង្កាម ឬតែស្លឹកគ្រៃជាដើម)
តែប្រភេទនេះ នឹងទៅជួយបន្ធូរបន្ថយជាតិស្លេស្ម នៅបំពង់ដកដង្ហើម ហើយធ្វើឲ្យអ្នកងាយស្រួលដកដង្ហើមជាងមុន។
៣ ទឹក ឬអាហារក្តៅៗ
ស៊ុប ឬទឹកក្តៅឧណ្ហៗ ក៏មានសារៈប្រយោជន៍ គួរឲ្យកត់សម្គាល់ផងដែរ។ ស៊ុបបន្លែ ជាអ្វីដែលគ្រូពេទ្យបានណែនាំ។
៤ កន្សែងក្តៅឧណ្ហៗ
ចូរយកកន្សែង ឬក្រណាត់ ទៅជ្រលក់នឹងទឹកក្តៅឧណ្ហៗ រួចយកមកស្អំ ឬជូតដើមទ្រូងរបស់អ្នករៀងរាល់ ៣០ នាទីម្តង៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com