ពីនេះ ពីនោះ
ព័ត៍មានសុខភាព
ធ្វើដូចម្តេច ទើបអាច “រីករាយ” គ្រប់ពេលវេលានោះ?
× ថ្វីបើភាពរីករាយ គឺជារឿងក្រៅរាងកាយក៏ពិតមែន ប៉ុន្តែ ជាការពិត សេចក្តីរីករាយនេះ ជាសារធាតុដែលកើតឡើង នៅក្នុងខួរក្បាលរបស់អ្នក ហើយបញ្ជា ឬរំញោចទៅផ្នែកខាងក្រៅវិញនោះទេ។
សព្វថ្ងៃនេះ សម្ពាធ និងភាពតានតឹង បានធ្វើឲ្យគុណភាពជីវិតរបស់មនុស្ស ត្រូវបានកាត់បន្ថយគួរឲ្យកត់សម្គាល់ មានន័យថា មនុស្សឥឡូវមិនសូវសប្បាយចិត្ត នឹងរឿងជាច្រើនក្នុងជីវិត ដូចជា ការងារ កូនចៅ កត្តាជីវភាព ជំងឺ និងរឿងរ៉ាវជាច្រើនផ្សេងទៀត។
ខាងក្រោមនេះ គឺជាគន្លឹះមួយចំនួន ដែលជួយឲ្យអ្នករីករាយ និងមានសុខភាពល្អ ៖
• ពេលដែលយើងធ្វើសកម្មភាពច្រើន យើងញ៉ាំច្រើន រាងកាយនឹងបញ្ចេញអ័រម៉ូនរីករាយកាន់តែច្រើន។
• ចង់រីករាយមែនទេ? បើអ៊ីចឹង ឈប់ផឹកស្រា និងឈប់ជក់បារី ហើយការលេងល្បែងស៊ីសង និងការដើរផ្សារទិញទំនិញថ្លៃៗ ក៏អាចធ្វើឲ្យអ្នកស្តាយលុយ ហើយពិបាកចិត្តផងដែរ។
• ចូរព្យាយាមសម្អាតរាងកាយ និងបញ្ចេញកាកសំណល់នានា ដើម្បីធ្វើឲ្យរាងកាយរបស់អ្នក មានអារម្មណ៍ថា ធូរស្រាល ហើយរីករាយស្រស់ថ្លា។
• ចូរញ៉ាំរបបអាហារមួយចំនួន ដូចជា ចេក សូកូឡា តែបៃតង និងទឹកផ្លែឪឡឹក ពីព្រោះ វាមានសារធាតុចិញ្ចឹម និងជួយបញ្ចេញសារធាតុគីមី ដែលធ្វើឲ្យអ្នករីករាយ។
• ចូរស្តាប់បទចម្រៀងដែលអ្នកចូលចិត្ត ពីព្រោះវានឹងធ្វើឲ្យបាត់ទុក្ខកង្វល់ ហើយរសាយក្នុងចិត្តខ្លះ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com