ពីនេះ ពីនោះ
ការហៅឈ្មោះ«ដូង តុកកែ» គឺហៅខុស, ឈ្មោះដើម គឺ «ដូងតាកែ» ឬ«ដូង គល់កែ» មានកំណើតពីម៉ាឡេស៊ី
× តាមពិត ឈ្មោះដើមរបស់វាមែនទែន គឺ កូវកែ។ កូវកែ (ន) មានន័យថា ដូងមួយប្រភេទមានដើមតូចៗ ទាបៗ ផ្លែតូចៗ ទឹកផ្អែម មានដើមកំណើតមកពីប្រទេសម៉ាល៉ាយ៉ា(បច្ចុប្បន្នប្រទេសម៉ាឡេស៊ី)។ គេយកពូជដូងនេះ មកដាំ នៅស្រុក កូវកែ ដែលខ្មែរហៅថា ស្រុកកំពង់ស្ពាន ខេត្តព្រែកឬស្សី កម្ពុជាក្រោម។ ពេលដាំនៅទីនោះ ដូងនេះ ក៏ត្រូវបានដាក់ឈ្មោះ កូវកែ តែម្តងទៅ។ លុះចំណេរកាលតៗមក ពូជដូង នេះ ក៏ចូលមកដល់ប្រទេសកម្ពុជា។ ពេលនោះ អ្នកស្រុកហៅក្លាយពីពាក្យដើម ដូងកូវកែ មកជា ដូងកល់កែ ឬ អ្នកខ្លះថា ដូង គល់កែ ហើយក្រោយមកទៀត គេនាំគ្នាហៅថា ដូងតាកែ។ លុះឥឡូវនេះ មនុស្សខ្មែរនាំគ្នា ហៅថា ដូងតុកកែ៕
© រក្សាសិទ្ធិដោយ thmeythmey.com