ពីនេះ ពីនោះ
ព័ត៍មានសុខភាព
មិននឹកស្មានសោះថា គ្រាន់តែហែលទឹកក៏អាចសម្រកជាតិខ្លាញ់បានយ៉ាងឡូយ!!
× តើនឹងមានអ្វីកើតឡើងទៅបើសិនជាអ្នកដឹងអំពីរបៀបក្នុងការសម្រកជាតិខ្លាញ់រហូតដល់ ៤០០ ទៅ៥០០កាឡូរីដោយមិនបាច់បែកញើស? នោះគឺជាការហែលទឹក។ តើអ្នកចង់បញ្ជូលការហែលទៅក្នុងទម្លាប់នៃការហាត់ប្រាណដែរទេ?
ការហែលទឹកត្រឹមតែ ៣០នាទី អាចរំលាយជាតិខ្លាញ់រហូតដល់ ២២៣កាឡូរី សម្រាប់មនុស្សទម្ងន់ជាមធ្យម ៧០គីឡូក្រាម។ ដូច្នេះ បើសិនជាអាចហែលទឹករហូតដល់មួយម៉ោង អ្នកនឹងរំលាយជាតិខ្លាញ់បានរហូតដល់ ៤៤៦កាឡូរីហើយ។ ស្ថិតក្នុងចំណុចនេះ វាគឺជាហាត់ប្រាណត្រឹមកម្រិតមធ្យមប៉ុណ្ណោះ។
អ្នកមិនចាំបាច់បង្ខំខ្លួនឯងហែលទឹកដើម្បីរំលាយជាតិខ្លាញ់កាន់តែច្រើននោះទេ។ អ្នកគ្រាន់តែមានទម្លាប់ហែលទឹកត្រឹម ៣០នាទីក្នុងមួយថ្ងៃ ឲ្យបានច្រើនថ្ងៃក្នុងមួយសប្តាហ៍ នោះនឹងជួយជំរុញដល់ភាពសកម្មនៃរាងកាយបានហើយ។ ដោយយោងទៅតាមអង្គការសុខភាពពិភពលោកបានណែនាំថា ចំពោះមនុស្សធំអាយុចាប់ពី ១៨ ទៅ៦៤ឆ្នាំ ជ្រើសរើសការហែលទឹកគួរតែជា ការធ្វើសកម្មភាពហាត់ប្រាណកម្រិតមធ្យមទៅខ្លាំងខ្លាប្រមាណ ១៥០នាទី ក្នុងមួយសប្តាហ៍។ កាលណាជាតិខ្លាញ់ស្រកកាន់តែច្រើន កាន់តែដល់គោលដៅសម្រកទម្ងន់៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com