ពីនេះ ពីនោះ
កុំភ្លេច ត្រៀមខ្លួនទៅបោះឆ្នោតនៅថ្ងៃអាទិត្យនេះ!
×
កំណាព្យបទ បថ្យាវត្ត
-អាទិត្យថ្ងៃ៤ត្រៀមខ្លួនគ្រប់គ្នា ពុកម៉ែមីងមាទាំងក្មេងទាំងចាស់
បោះឆ្នោតមេឃុំពិតសំខាន់ណាស់ មូលដ្ឋានអាចផ្លាស់កាន់តែប្រសើរ។
-សូមកុំភ្លេចត្រៀមឯកសារត្រូវប្រើ សម្រប់បម្រើឲ្យការបោះឆ្នោត
អត្តសញ្ញាណប័ណ្ណសំខាន់ត្រូវផ្តោត បើពុំនោះសោតលិខិតបញ្ជាក់។
-អ្នកដែលមានឈ្មោះសូមកុំស្ទើរស្ទាក់ ប្តូរវេនម្តងម្នាក់បើសិនជាប់កិច្ច
កិច្ចការលក់ដូរគួរឈប់បន្តិច ទៅបំពេញកិច្ចក្នុងនាមប្រជា។
-ម៉ោង៧ព្រឹកមន្ត្រីបើកទ្វារ ការិយាល័យនានាតាមការកំណត់
ម៉ោង៣គេបិទវិញពិតប្រាកដ យឺតយ៉ាវច្បាស់អត់បានបោះឆ្នោតឡើយ។
-ហេតុនេះត្រូវតែត្រៀមទុកឲ្យហើយ មិនគួរខានឡើយ៥ឆ្នាំមានម្តង
ជ្រើសរើសមេឃុំដែលខ្លួនធ្លាប់ប៉ង បំបាត់សៅហ្មងនៅក្នុងចិន្តា។
-បោះដោយសេរីប្រុសស្រីចាំថា ពុំមាននរណាបង្ខំបង្ខិត
មិនមែនជ្រើសរើសព្រោះតែអាណិត រើសអ្នកមានចិត្តជួយឲ្យស្រុកថ្កាន៕
និពន្ធដោយប៉ាកកាខ្មៅ!
© រក្សាសិទ្ធិដោយ thmeythmey.com