ពីនេះ ពីនោះ
កំណាព្យ៖ បោះឆ្នោត ដើម្បីចម្រើនមូលដ្ឋាន
×
បទកាកគតិ
តោះត្រៀមបោះឆ្នោត ខ្មែរអើយកុំឆោត រើសក្រុមប្រឹក្សា
ឃុំ និងសង្កាត់ ដោយក្ដីហានក្លា បោះប្រើបញ្ញា
ណាខ្មែរប្រុសស្រី ។
៤ មិថុនា ខាងមុខនេះណា អាណត្តិបួនថ្មី
ឆ្លៀតពេលវេលា សង្វាតឃ្មាតខ្មី បោះឆ្នោតដើម្បី
ចម្រើនមូលដ្ឋាន ។
សូមប្រើប្រាស់សិទ្ធិ ឲ្យស្របគំនិត កុំបីអាក់ខាន
បោះឲ្យអ្នកណា បក្សណាក៏បាន ឲ្យតែមូលដ្ឋាន
អភិវឌ្ឍពិត ។
តោះជិតដល់ហើយ ខ្មែរកុំកន្ដើយ តាមដានពិនិត្យ
ចូលរួមគិតជាតិ កុំបីភ័យភិត បងប្អូនញាតិមិត្ត
ត្រៀមខ្លួនបោះឆ្នោត។
ដោយ នេត្រា ខ្មែរ
© រក្សាសិទ្ធិដោយ thmeythmey.com