ពីនេះ ពីនោះ
×![]()
ដោយ: ថ្មីៗ
កំណាព្យ បទពាក្យ៦
-កុមារាកុមារី មានក្រក្តីសិទ្ធិដូចគ្នា
សិទ្ធិរស់និងគាំពារ រកវិជ្ជាសិទ្ធិអប់រំ។
-មានសិទ្ធិចៀសផុតហិង្សា គ្រប់កុមារទាំងតូចធំ
មានជម្រកជ្រកសមរម្យ រស់ជួបជុំក្រុមគ្រួសារ។
-ទាំងនេះច្បាប់រដ្ឋបានចែង ស្រុកគេឯងទោះសាសន៍ណា
UNដាក់ចេញគោលការណ៍ គ្រប់កុមារទទួលបាន។
-មានច្បាប់តែយ៉ាប់ក្មេងខ្លះ នៅតែប៉ះទុក្ខជាប់ប្រាណ
ត្រឹមរស់ស្ទើរតែមិនបាន ព្រោះរំខានដោយក្រីក្រ។
-ផ្លាស់ទីទៅតាមម៉ែឪ ខ្លះទៀតត្រូវកេងបន្ត
ជួញដូរជាច្រើនតំណរ ដើរត្រាច់ចរសុំតាមផ្លូវ។
-មានខ្លះត្រូវដាច់ជើងដៃ ស្វិតសរសៃឈឺពេកកូវ
មេខ្យល់ពររុញតាមផ្លូវ គ្រប់រដូវដើរសុំទាន។
-ក្មេងខ្លះប៉ះក្រុមជើងកាង គ្មានសំណាងសេពគ្រឿងញៀន
ត្រូវធ្វើការទាំងបំពាន លក់គ្រឿងញៀនឲ្យបងធំ។
-ខ្លះដេកតាមចិញ្ចើមថ្នល់ គិតឲ្យដល់ពិតចង់យំ
នៅក្មេងសោះខ្វះទ្រនំ ភ្លៀងព្យុះធំគិតយ៉ាងណា?
-នេះជារឿងក្មេងខ្លះៗ ស្មេរឃើញច្បាស់ទើបហ៊ានថា
ដឹងច្បាស់ណាស់រាជរដ្ឋា លៃយ៉ាងណាជួយក្មេងផង៕
និពន្ធដោយប៉ាកកាខ្មៅ!
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 ថ្ងៃ
