ពីនេះ ពីនោះ
ពាក្យ «ប៉ាកកា» ជាភាសាកម្ចីមកពីភាសាសៀម!
× វចនានុក្រមសម្តេចព្រះសង្ឃរាជ ជួន ណាត បានពន្យល់ថា ប៉ាកកា ជាភាសាកម្ចីពីសៀម ដែលមានន័យថា មាត់ ឬចំពុះក្អែក។ ប៉ាក ភាសាសៀម មានន័យថា មាត់ ចំណែកពាក្យថា កា ភាសាសៀមមានន័យថា ក្អែក។
កាលពីសម័យដើម ការប្រើប្រាស់ឧបករណ៍សម្រាប់សរសេរសំបុត្រ ឬលិខិតផ្សេងៗ គេច្រើនយកស្លាបសត្វ មកចិតឲ្យមានរាងដូចមាត់ក្អែក ដើម្បីជ្រលក់ទឹកខ្មៅសរសេរ។ ដូច្នេះហើយ ទើបគេនិយមហៅថាឧបករណ៍នោះថា ប៉ាកកា។ ឧទាហរណ៍ ដងប៉ាកកា ស្លាបប៉ាកកា ប៉ុន្តែសម្រាប់សម័យបច្ចុប្បន្ន ខ្មែរយើង និយមហៅសម្គាល់រហ័ស្សនាមកវី និពន្ធ ថា ជា ប៉ាកកា ដែរ៕
© រក្សាសិទ្ធិដោយ thmeythmey.com