អន្តរជាតិ
អាមេរិកនិងអាស៊ានប្រកាសជួយហ្វីលីពីនកម្ចាត់ភេរវកម្មនៅ Marawi បើសិនជាចាំបាច់
×![]()
ដោយ: ថ្មីៗ
រដ្ឋមន្ត្រីការពារជាតិសិង្ហបុរីលោក Ng Eng Hen បានលើកឡើងថា អាស៊ាននិងអាមេរិកត្រៀមខ្លួនជាស្រេចដើម្បីជួយហ្វីលីពីនក្នុងការដោះស្រាយបញ្ហាភេរវកម្មដែលបន្តអូសបន្លាយនៅក្រុង Marawi បើសិនជាហ្វីលីពីនត្រូវការ។
ក្រោយចប់វេទិកាសន្តិសុខប្រចាំឆ្នាំ Shangri-La នៅប្រទេសសិង្ហបុរីនាថ្ងៃអាទិត្យទី ៤ មិថុនា រដ្ឋមន្ត្រីការពារជាតិសិង្ហបុរីលោក Ng Eng Hen បានថ្លែងថា សហរដ្ឋអាមេរិកនិងអាស៊ានទាំងមូលត្រៀមខ្លួនជាស្រេចហើយដើម្បីជួយហ្វីលីពីនប្រឆាំងចលនាភេរវកម្មដែលកំពុងគំរាមកំហែងទីក្រុង Marawi នោះ។
យោងតាម លោក Ng បានបញ្ជាក់ថា ប្រមុខកាពារអាស៊ាន និងអាមេរិកលោក James Mattis បានប្រកាសរួមគ្នាពីការត្រៀមខ្លួនជួយហ្វីលីពីននេះ។ លោកបានរម្លឹកបន្ថែមថា ក្រោយមានករណីវាយប្រហារភេរវកម្មនៅក្រុង Marawi ភ្លាមៗ សហរដ្ឋអាមេរិក, សិង្ហបុរី, ម៉ាឡេស៊ី និងឥណ្ឌូណេស៊ីផងសុទ្ធតែបានប្រកាសជួយហ្វីលីពីន ក្នុងនោះមានទាំងការចែករម្លែកព័ត៌មានចារកម្មនិងកិច្ចសហការផ្សេងទៀតផង។
លោកបានលើកឡើងបន្ថែមថាបញ្ហានៅក្រុង Marawi នេះក៏ជាជួងដាស់ស្មារតីអាស៊ាន ដែលវាចាំបាច់ត្រូវមានការប្រឹងប្រែងសហការគ្នាដើម្បីកាត់បន្ថយគ្រោះថ្នាក់ និងធ្វើយ៉ាងណាដោះស្រាយបញ្ហាភេរវកម្មឲ្យមានប្រសិទ្ធភាព។
រដ្ឋមន្ត្រីការពារជាតិសិង្ហបុរីរូបនេះក៏កត់សម្គាល់ផងដែរថា ម៉ាឡេស៊ី ឥណ្ឌូណេស៊ី និងហ្វីលីពីន បានចាប់ផ្តើមល្បាតសមុទ្រ Sulu រួមគ្នាហើយដើម្បីចូលរួមចំណែកក្នុងការកាត់ផ្តាច់បណ្តាញនៃការជួញដូរអាវុធ មនុស្សនិងគ្រឿងញៀន ហើយវាក៏ជាបណ្តាញនៃក្រុមសកម្មប្រយុទ្ធឬក្រុមភេរវជនដែរ។
សិង្ហបុរីក៏រីករាយដើម្បីចូលរួមជាមួយប្រទេសខាងលើទាំងបីដែរ ដើម្បីរួមគ្នាប្រឆាំងភេរវកម្មហើយសិង្ហបុរីត្រៀមខ្លួនរូចជាស្រេចដើម្បីជួយគាំទ្ររាល់ប្រតិបត្តិការល្បាតនៅក្នុងសមុទ្រ Sulu និងរាល់ប្រតិបត្តិការប្រឆាំងភេរកម្មនៅពេលដែលមានប្រទេសដទៃស្នើសុំឲ្យជួយនោះ។
តាមពិតទៅ គ្រោះថ្នាក់សន្តិសុខដែលបង្កឡើងដោយក្រុមភេរវជនកាន់តែធ្ងន់ធ្ងរខ្លាំងនៅក្នុងតំបន់អាស៊ីអាគ្នេយ៍កន្លងមក ហើយបញ្ហានេះបានគ្របដណ្តប់កិច្ចប្រជុំសន្តិសុខប្រចាំឆ្នាំ Shangri-La ទាំងមូលផងដែរ។ បញ្ហានេះកាន់តែស្មុគស្មាញនៅពេលក្រុមភេរវជនដែស្ហឬក្រុមរដ្ឋឥស្លាម អាចពង្រីកចលនានិងបណ្តាញរបស់ខ្លួនបាននៅក្នុងតំបន់អាស៊ីអាគ្នេយ៍។ ការវាយប្រហាររៀបចំឡើងដោយបណ្តាញក្រុមភេរវជនដែស្ហនិងមានការសហការពីក្រុមភេរវជនបរទេសនៅលើកោះមិនដាណាវហ្វីលីពីននេះ រឹតតែបង្ហាញឲ្យឃើញច្បាស់ អាស៊ានកាន់តែរងគ្រោះថ្នាក់ធំ ហើយវាត្រូវការដំណោះស្រាយរួមក៏ដូចជាកិច្ចសហប្រតិបត្តិការរួមគ្នាផងដែរដើម្បីយកជ័យជម្នះលើក្រុមភេរវជននោះ។
សូមបញ្ជាក់ថា បច្ចុប្បន្ននេះកងកម្លាំងហ្វីលីពីននៅតែបន្តប្រយុទ្ធដណ្តើមក្រុង Marawi ពីក្រុមភេរវជន Maute និងរំដោះប្រជាជនប្រហែលមួយពាន់នាក់ដែលនៅជាប់ក្នុងតំបន់ដែលក្រុមភេរវជននេះកាន់កាប់ផងដែរ។ ប្រធានាធិបតីហ្វីលីពីលោក រ៉ូឌ្រីហ្គោ ឌូទើតេ បានប្រកាសប្រើប្រាស់ច្បាប់អាជ្ញាសឹកនៅថ្ងៃអង្គារទី ២៣ ឧសភាក្រោយការប៉ះទង្គិចគ្នានេះ។ លោកធ្លាប់លើកឡើងថា រដ្ឋាភិបាលលោកអាចនឹងអនុវត្តច្បាប់អាជ្ញាសឹកក្នុងរយៈពេលវែងក្នុងករណីដែលចាំបាច់ដើម្បីឆ្លើយតបបញ្ហាសន្តិសុខបង្កដោយក្រុមភេរវជន៕
ក្រោយចប់វេទិកាសន្តិសុខប្រចាំឆ្នាំ Shangri-La នៅប្រទេសសិង្ហបុរីនាថ្ងៃអាទិត្យទី ៤ មិថុនា រដ្ឋមន្ត្រីការពារជាតិសិង្ហបុរីលោក Ng Eng Hen បានថ្លែងថា សហរដ្ឋអាមេរិកនិងអាស៊ានទាំងមូលត្រៀមខ្លួនជាស្រេចហើយដើម្បីជួយហ្វីលីពីនប្រឆាំងចលនាភេរវកម្មដែលកំពុងគំរាមកំហែងទីក្រុង Marawi នោះ។
យោងតាម លោក Ng បានបញ្ជាក់ថា ប្រមុខកាពារអាស៊ាន និងអាមេរិកលោក James Mattis បានប្រកាសរួមគ្នាពីការត្រៀមខ្លួនជួយហ្វីលីពីននេះ។ លោកបានរម្លឹកបន្ថែមថា ក្រោយមានករណីវាយប្រហារភេរវកម្មនៅក្រុង Marawi ភ្លាមៗ សហរដ្ឋអាមេរិក, សិង្ហបុរី, ម៉ាឡេស៊ី និងឥណ្ឌូណេស៊ីផងសុទ្ធតែបានប្រកាសជួយហ្វីលីពីន ក្នុងនោះមានទាំងការចែករម្លែកព័ត៌មានចារកម្មនិងកិច្ចសហការផ្សេងទៀតផង។
លោកបានលើកឡើងបន្ថែមថាបញ្ហានៅក្រុង Marawi នេះក៏ជាជួងដាស់ស្មារតីអាស៊ាន ដែលវាចាំបាច់ត្រូវមានការប្រឹងប្រែងសហការគ្នាដើម្បីកាត់បន្ថយគ្រោះថ្នាក់ និងធ្វើយ៉ាងណាដោះស្រាយបញ្ហាភេរវកម្មឲ្យមានប្រសិទ្ធភាព។
រដ្ឋមន្ត្រីការពារជាតិសិង្ហបុរីរូបនេះក៏កត់សម្គាល់ផងដែរថា ម៉ាឡេស៊ី ឥណ្ឌូណេស៊ី និងហ្វីលីពីន បានចាប់ផ្តើមល្បាតសមុទ្រ Sulu រួមគ្នាហើយដើម្បីចូលរួមចំណែកក្នុងការកាត់ផ្តាច់បណ្តាញនៃការជួញដូរអាវុធ មនុស្សនិងគ្រឿងញៀន ហើយវាក៏ជាបណ្តាញនៃក្រុមសកម្មប្រយុទ្ធឬក្រុមភេរវជនដែរ។
សិង្ហបុរីក៏រីករាយដើម្បីចូលរួមជាមួយប្រទេសខាងលើទាំងបីដែរ ដើម្បីរួមគ្នាប្រឆាំងភេរវកម្មហើយសិង្ហបុរីត្រៀមខ្លួនរូចជាស្រេចដើម្បីជួយគាំទ្ររាល់ប្រតិបត្តិការល្បាតនៅក្នុងសមុទ្រ Sulu និងរាល់ប្រតិបត្តិការប្រឆាំងភេរកម្មនៅពេលដែលមានប្រទេសដទៃស្នើសុំឲ្យជួយនោះ។
តាមពិតទៅ គ្រោះថ្នាក់សន្តិសុខដែលបង្កឡើងដោយក្រុមភេរវជនកាន់តែធ្ងន់ធ្ងរខ្លាំងនៅក្នុងតំបន់អាស៊ីអាគ្នេយ៍កន្លងមក ហើយបញ្ហានេះបានគ្របដណ្តប់កិច្ចប្រជុំសន្តិសុខប្រចាំឆ្នាំ Shangri-La ទាំងមូលផងដែរ។ បញ្ហានេះកាន់តែស្មុគស្មាញនៅពេលក្រុមភេរវជនដែស្ហឬក្រុមរដ្ឋឥស្លាម អាចពង្រីកចលនានិងបណ្តាញរបស់ខ្លួនបាននៅក្នុងតំបន់អាស៊ីអាគ្នេយ៍។ ការវាយប្រហាររៀបចំឡើងដោយបណ្តាញក្រុមភេរវជនដែស្ហនិងមានការសហការពីក្រុមភេរវជនបរទេសនៅលើកោះមិនដាណាវហ្វីលីពីននេះ រឹតតែបង្ហាញឲ្យឃើញច្បាស់ អាស៊ានកាន់តែរងគ្រោះថ្នាក់ធំ ហើយវាត្រូវការដំណោះស្រាយរួមក៏ដូចជាកិច្ចសហប្រតិបត្តិការរួមគ្នាផងដែរដើម្បីយកជ័យជម្នះលើក្រុមភេរវជននោះ។
សូមបញ្ជាក់ថា បច្ចុប្បន្ននេះកងកម្លាំងហ្វីលីពីននៅតែបន្តប្រយុទ្ធដណ្តើមក្រុង Marawi ពីក្រុមភេរវជន Maute និងរំដោះប្រជាជនប្រហែលមួយពាន់នាក់ដែលនៅជាប់ក្នុងតំបន់ដែលក្រុមភេរវជននេះកាន់កាប់ផងដែរ។ ប្រធានាធិបតីហ្វីលីពីលោក រ៉ូឌ្រីហ្គោ ឌូទើតេ បានប្រកាសប្រើប្រាស់ច្បាប់អាជ្ញាសឹកនៅថ្ងៃអង្គារទី ២៣ ឧសភាក្រោយការប៉ះទង្គិចគ្នានេះ។ លោកធ្លាប់លើកឡើងថា រដ្ឋាភិបាលលោកអាចនឹងអនុវត្តច្បាប់អាជ្ញាសឹកក្នុងរយៈពេលវែងក្នុងករណីដែលចាំបាច់ដើម្បីឆ្លើយតបបញ្ហាសន្តិសុខបង្កដោយក្រុមភេរវជន៕
Tag:
Marawi
Shangri-La
Ng Eng Hen
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
