អន្តរជាតិ
អាសាដ ថាសង្គ្រាមស៊ីរីដ៏ខ្លោចផ្សាកាន់តែជិតចប់ បើសិនគ្មានលោកខាងលិចគាំទ្រក្រុមជ្រុលនិយម
×![]()
ដោយ: ថ្មីៗ
ប្រធានាធិបតី បាសា អាល់អាសាដ អួតអាងថា កងទ័ពលោកមានប្រៀបក្នុងសង្គ្រាមស៊ីវិលស៊ីរីនៅពេលបច្ចុប្បន្ននិងឈានទៅយកឈ្នះលើក្រុមភេរវជនផង។ បើគ្មានការបន្តលូកដៃពីសំណាក់ខាងលិចទេ សង្គ្រាមស៊ីរីដែលអូសបន្លាយពេលរាប់ឆ្នាំមកនេះនឹងឆាប់ចប់នៅពេលខាងមុខ។
ក្នុងបទសម្ភាសជាមួយទូរទស្សន៍ឥណ្ឌា WION ប្រធានាធិបតីស៊ីរីលោក បាសា អាល់អាសាដ បានថ្លែងថាសង្គ្រាមដ៏រ៉ាំរ៉ៃនេះស្ថិតនៅពីក្រោយកងទ័ពរដ្ឋាភិបាលនាពេលបច្ចុប្បន្ននេះ។ លោកចង់មានន័យថា កងទ័ពរបស់លោកមានប្រៀបក្នុងសង្គ្រាមដែលអូសបន្លាយរយៈពេលប្រាំមួយឆ្នាំនេះហើយ។
«គ្រប់យ៉ាងបច្ចុប្បន្នគឺស្ថិតនៅលើទិសដៅមួយត្រឹមត្រូវ ដែលវាជាទិសដៅមួយដ៏ប្រសើរមួយ ព្រោះថាយើងកំពុងយកឈ្នះលើក្រុមភេរវជន។ បើសិនលោកខាងលិចនិងប្រទេសមួយចំនួនរួមទាំងសម្ព័ន្ធមិត្តគេឈប់គាំទ្រចលនាជ្រុលនិយមនិងក្រុមភេរវជន ខ្ញុំច្បាស់ណាស់ថា សង្គ្រាមដ៏អាក្រក់នេះតាមយើងមិនទាន់ទេ»។ នេះជាសម្តីរបស់លោក អាសាដ ដែលដកស្រង់ដោយទីភ្នាក់ងារព័ត៌មាន AFP។
ក្នុងរយៈពេលប៉ុន្មានខែចុងក្រោយនេះ កងទ័ពរដ្ឋាភិបាលលោក អាសាដ និងកងទ័ពសម្ព័ន្ធមិត្តដូចជាអ៊ីរ៉ង់និងក្រុមហេស្បូឡា បានបន្តវាយដណ្តើមយកទឹកដីមកវិញច្រើនទូទាំងប្រទេសទាំងមូល។
កងកម្លាំងរដ្ឋាភិបាលកាន់តែមានប្រៀបខ្លាំងដោយសារបានទទួលការគាំទ្រខ្លាំងពីសំណាក់រុស្ស៊ី ខណៈដែលក្រុមឧទ្ទាមនៅបន្តបែកខ្ញែកគ្នានោះ។ ជ័យជម្នះធំបំផុតរបស់រដ្ឋាភិបាលស៊ីរីកន្លងមកគឺដណ្តើមបានទីក្រុង Aleppo ទាំងមូលកាលពីខែធ្នូឆ្នាំមុន ក្រោយប្រយុទ្ធគ្នារាប់ឆ្នាំ។ ក្រៅពីជួយគាំទ្ររបបដឹកនាំស៊ីរី រុស្ស៊ីក៏បានចេញមុខជំរុញការចរចាសន្តិភាពផងដែរកន្លងមកជាពិសេសការចរចានៅក្រុង Astana។
លោក អាសាដ ក៏បានលើកឡើងក្នុងបទសម្ភាសន៍ផងដែរថា គំនិតផ្តួចផ្តើមសម្រាប់ចរចាសន្តិភាពនៅក្រុង Astana ប្រទេសកាហ្សាក់ស្ថាន ជាគំនិតផ្តួចផ្តើមមួយវិជ្ជមានសម្រាប់ការឈានទៅសម្រេចបាននូវដំណោះស្រាយនយោបាយមួយនៅស៊ីរីផងដែរ។
ថ្វីបើរបបដឹកនាំស៊ីរីមានប្រៀបក៏ដោយ ក្នុងខែមេសាកន្លងមកនេះបញ្ហាចម្រូងចម្រាសកើតឡើងជាថ្មីទៀត ដោយសារការប្រើប្រាស់អាវុធគីមីនៅក្នុងក្រុង Khan Sheikhun ដែលបានបណ្តាលឲ្យមនុស្សរាប់សិបនាក់ស្លាប់។ ក្រុងដាម៉ាសត្រូវបានសហគមន៍អន្តរជាតិថ្កោលទោសនិងចោទប្រកាន់ជាថ្មីពាក់ព័ន្ធការប្រើប្រាស់អាវុធគីមីនេះ ប៉ុន្តែរុស្ស៊ីនិងរដ្ឋាភិបាលស៊ីរីបដិសេធដាច់អហង្ការ។
សូមបញ្ជាក់ថា ចាប់តាំងពីសង្គ្រាមស៊ីរីផ្ទុះឡើងនៅក្នុងឆ្នាំ ២០១១ ដោយមានចលនាបាតុកម្មប្រឆាំងរដ្ឋាភិបាលផ្ទុះឡើងយ៉ាងផុសផុលនោះ ប្រជាជនស៊ីរីស្លូតត្រង់ច្រើនជាង ៣២ម៉ឺននាក់បានស្លាប់បាត់បង់ជីវិត។
ក្នុងបទសម្ភាសជាមួយទូរទស្សន៍ឥណ្ឌា WION ប្រធានាធិបតីស៊ីរីលោក បាសា អាល់អាសាដ បានថ្លែងថាសង្គ្រាមដ៏រ៉ាំរ៉ៃនេះស្ថិតនៅពីក្រោយកងទ័ពរដ្ឋាភិបាលនាពេលបច្ចុប្បន្ននេះ។ លោកចង់មានន័យថា កងទ័ពរបស់លោកមានប្រៀបក្នុងសង្គ្រាមដែលអូសបន្លាយរយៈពេលប្រាំមួយឆ្នាំនេះហើយ។
«គ្រប់យ៉ាងបច្ចុប្បន្នគឺស្ថិតនៅលើទិសដៅមួយត្រឹមត្រូវ ដែលវាជាទិសដៅមួយដ៏ប្រសើរមួយ ព្រោះថាយើងកំពុងយកឈ្នះលើក្រុមភេរវជន។ បើសិនលោកខាងលិចនិងប្រទេសមួយចំនួនរួមទាំងសម្ព័ន្ធមិត្តគេឈប់គាំទ្រចលនាជ្រុលនិយមនិងក្រុមភេរវជន ខ្ញុំច្បាស់ណាស់ថា សង្គ្រាមដ៏អាក្រក់នេះតាមយើងមិនទាន់ទេ»។ នេះជាសម្តីរបស់លោក អាសាដ ដែលដកស្រង់ដោយទីភ្នាក់ងារព័ត៌មាន AFP។
ក្នុងរយៈពេលប៉ុន្មានខែចុងក្រោយនេះ កងទ័ពរដ្ឋាភិបាលលោក អាសាដ និងកងទ័ពសម្ព័ន្ធមិត្តដូចជាអ៊ីរ៉ង់និងក្រុមហេស្បូឡា បានបន្តវាយដណ្តើមយកទឹកដីមកវិញច្រើនទូទាំងប្រទេសទាំងមូល។
កងកម្លាំងរដ្ឋាភិបាលកាន់តែមានប្រៀបខ្លាំងដោយសារបានទទួលការគាំទ្រខ្លាំងពីសំណាក់រុស្ស៊ី ខណៈដែលក្រុមឧទ្ទាមនៅបន្តបែកខ្ញែកគ្នានោះ។ ជ័យជម្នះធំបំផុតរបស់រដ្ឋាភិបាលស៊ីរីកន្លងមកគឺដណ្តើមបានទីក្រុង Aleppo ទាំងមូលកាលពីខែធ្នូឆ្នាំមុន ក្រោយប្រយុទ្ធគ្នារាប់ឆ្នាំ។ ក្រៅពីជួយគាំទ្ររបបដឹកនាំស៊ីរី រុស្ស៊ីក៏បានចេញមុខជំរុញការចរចាសន្តិភាពផងដែរកន្លងមកជាពិសេសការចរចានៅក្រុង Astana។
លោក អាសាដ ក៏បានលើកឡើងក្នុងបទសម្ភាសន៍ផងដែរថា គំនិតផ្តួចផ្តើមសម្រាប់ចរចាសន្តិភាពនៅក្រុង Astana ប្រទេសកាហ្សាក់ស្ថាន ជាគំនិតផ្តួចផ្តើមមួយវិជ្ជមានសម្រាប់ការឈានទៅសម្រេចបាននូវដំណោះស្រាយនយោបាយមួយនៅស៊ីរីផងដែរ។
ថ្វីបើរបបដឹកនាំស៊ីរីមានប្រៀបក៏ដោយ ក្នុងខែមេសាកន្លងមកនេះបញ្ហាចម្រូងចម្រាសកើតឡើងជាថ្មីទៀត ដោយសារការប្រើប្រាស់អាវុធគីមីនៅក្នុងក្រុង Khan Sheikhun ដែលបានបណ្តាលឲ្យមនុស្សរាប់សិបនាក់ស្លាប់។ ក្រុងដាម៉ាសត្រូវបានសហគមន៍អន្តរជាតិថ្កោលទោសនិងចោទប្រកាន់ជាថ្មីពាក់ព័ន្ធការប្រើប្រាស់អាវុធគីមីនេះ ប៉ុន្តែរុស្ស៊ីនិងរដ្ឋាភិបាលស៊ីរីបដិសេធដាច់អហង្ការ។
សូមបញ្ជាក់ថា ចាប់តាំងពីសង្គ្រាមស៊ីរីផ្ទុះឡើងនៅក្នុងឆ្នាំ ២០១១ ដោយមានចលនាបាតុកម្មប្រឆាំងរដ្ឋាភិបាលផ្ទុះឡើងយ៉ាងផុសផុលនោះ ប្រជាជនស៊ីរីស្លូតត្រង់ច្រើនជាង ៣២ម៉ឺននាក់បានស្លាប់បាត់បង់ជីវិត។
Tag:
បាសា អាល់អាសាដ
ស៊ីរី
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
