អាជ្ញាធរថៃ សន្យាដោះលែងពលរដ្ឋខ្មែរ១៣នាក់វិញ

ជាតិ

អាជ្ញាធរថៃ សន្យាដោះលែងពលរដ្ឋខ្មែរ១៣នាក់វិញ

06, Jun 2017 , 8:39 pm

រូបភាព

ដោយ:

អាជ្ញាធរថៃបានសន្យាថានឹងដោះលែងប្រជាពលរដ្ឋ១៣នាក់វិញ នៅថ្ងៃទី៧ ខែមិថុនា ក្រោយពីបានឃាត់ខ្លួនពួកគេ នៅក្នុងខេត្តស្រះកែវ ពីបទស្នាក់នៅអន្តោប្រវេសន៍ខុសច្បាប់ កាលពីថ្ងៃទី២ ខែមិថុនា ។

ពាក់ព័ន្ធនឹងការចាប់ខ្លូននេះ ក្រុមគ្រួសារពលរដ្ឋទាំង១៣នាក់នោះ បាននាំគ្នាបិទផ្លូវឃាត់រថយន្តដឹកដំឡូងមីរបស់ថៃ២៦គ្រឿង នៅស្រុកថ្មពួក ខេត្តបន្ទាយមានជ័យ ដើម្បីជាថ្នូរឲ្យដោះលែងដូចគ្នា។ នេះតាមអគ្គស្នងការនគរបាលជាតិ នៅថ្ងៃទី ៦ ខែមិថុនានេះ។

សាច់ញាតិពួកគេទាំងនោះ បានញ្ជាក់ថា ប្រជាពលរដ្ឋខ្មែរ ដែលត្រូវចាប់ខ្លួនមិនមែនអន្តោប្រវេសន៍ខុសច្បាប់ឡើយ ពោលគឺពួកគេបានទិញសំបុត្រឆ្លងដែន ក្នុងម្នាក់តំលៃ១.០០០រៀល ដើម្បីរកការងារធ្វើតាមបន្ទាត់ព្រំដែន គឺទៅធ្វើការពេលព្រឹក និងវិលវិញពេលល្ងាច។

អាជ្ញាថៃបានអះអាងថា ប្រជាពលរដ្ឋខ្មែរ១៣នាក់ ដែលត្រូវបានឃាត់ខ្លួន គឺធ្វើការនៅក្នុងក្រុមហ៊ុនគ្រឿងអេឡិចត្រូនិចថៃដោយខុសច្បាប់ ដែលត្រូវបានក្រុមហ៊ុនប្តឹង ហើយតម្រួតបានចុះបង្ក្រាបឃាត់ខ្លួនពលករខ្មែរ១៣នាក់ ដោយរងចាំការអនុវត្តន៍តាមច្បាប់តែម្ដង។

លោកសួន បវរ អភិបាលខេត្តបន្ទាយមានជ័យ និងអាជ្ញាធរមូលដ្ឋាន បានទៅជួបជាមួយអាធរថៃ ដោះស្រាយបញ្ហាឃាត់ខ្លួនពលរដ្ឋខ្មែរនេះជាច្រើនដងហើយ។ ហើយអាជ្ញាធរក៏បានសន្យាថានឹងដោះលែងប្រជាពលរដ្ឋខ្មែរទាំង១៣នាក់នេះ នៅថ្ងៃទី០៧ខែមិថុនា ឆ្នាំ២០១៧៕