ជាតិ
តើ «តំបន់ស្ងួតហែង» និង «តំបន់ពាក់កណ្ដាលស្ងួតហែង» មានន័យដូចម្ដេច?
× ភ្នំពេញ៖ ពាក្យ «តំបន់ស្ងួតហែង» និង «តំបន់ពាក់កណ្ដាលស្ងួតហែង» ជាពាក្យទាក់ទងនឹងការប្រែប្រួលអាកាសធាតុ។ ពាក្យនេះ ស្ថិតនៅក្នុងសទ្ទានុក្រមប្រែប្រួលអាកាសធាតុ។
«តំបន់ស្ងួតហែង» (Arid zone) តំបន់ដែលរារាំងដល់ការដុះលូតលាស់របស់រុក្ខជាតិយ៉ាងខ្លាំងដោយសារកង្វះទឹក ហើយដែលនៅក្នុងភាគច្រើននៃតំបន់ស្ងួតហែងនេះ រុក្ខជាតិដើមកំណើតមានលក្ខណៈរង្វើល។ របបទឹកភ្លៀងមានការប្រែប្រួលខ្លាំង ហើយកម្ពស់ទឹកភ្លៀងជាមធ្យមប្រចាំឆ្នាំតិចជាង៣០០មិល្លីម៉ែត្រ។
រីឯ «តំបន់ពាក់កណ្តាលស្ងួតហែង» (Semi-arid zone) តំបន់ដែលរារាំងការលូតលាស់របស់រុក្ខជាតិ ដោយសារបរិមាណទឹកនៅមានកម្រិត បណ្តាលឱ្យរដូវដាំដុះនៅតំបន់នោះមានរយៈពេលខ្លី ឯផលិតកម្មបឋមរវាងឆ្នាំនីមួយៗមានការប្រែប្រួលខ្លាំង។ តំបន់នេះមានរបាយកំណកអាកាស(ទឹក ភ្លៀង ព្រឹល ...) ប្រចាំឆ្នាំពី៣០០ទៅ៨០០មិល្លីម៉ែត្រ អាស្រ័យលើភ្លៀងធ្លាក់នៅសរទរដូវ និងសិសិររដូវ។
ដកស្រង់ពីសទ្ទានុក្រមការប្រែប្រួលអាកាសធាតុ (Lexicon of Climate Change) ដែលបោះពុម្ពដោយនាយកដ្ឋានប្រែប្រួលអាកាសធាតុនៃអគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព និងក្រសួងបរិស្ថាន (ឆ្នាំ២០១៧)៕
© រក្សាសិទ្ធិដោយ thmeythmey.com