អន្តរជាតិ
សូម៉ាលីសុខចិត្តបោះបង់លុយ៨០លានដុល្លារ តែមិនផ្ដាច់ទំនាក់ទំនងជាមួយកាតា
ប្រធានាធិបតីសូម៉ាលី Mohamed Abdullahi Mohamed Farmaajo (រូបភាព News Heads)
×![]()
ដោយ: តន ចាន់រិទ្ធារ៉ា
ប្រធានាធិបតីសូម៉ាលី Mohammed Abdullah Farmajo បានបដិសេធទទួលលុយចំនួន៨០លានដុល្លារពីរដ្ឋមន្ត្រីប្រទេសអារ៉ាប់មួយ ជាថ្នូរសម្រាប់ការផ្ដាច់ទំនាក់ទំនងជាមួយកាតាដែលកំពុងមានជម្លោះជាមួយរដ្ឋអារ៉ាប់មួយចំនួនទៀត។ គេមិនដឹងថារដ្ឋអារ៉ាប់ណាមួយដែលព្យាយាមសូកប៉ាន់លោក Farmajo ឡើយ ប៉ុន្តែប្រធានាធិបតីសូម៉ាលីបានសម្រេចចិត្តនៅកណ្ដាលមិនលម្អៀងរកខាងណាឡើយក្នុងជម្លោះនៅឈូងសមុទ្រពែរ្សលើកនេះ ទោះជាត្រូវរងសម្ពាធខ្លាំងពីក្រុមប្រឆាំងកាតាក្ដី។
អារ៉ាប៊ីសាអូឌីត អេហ្ស៊ីប អារ៉ាប់រួមអេមីរ៉ាត បារ៉ែន និងយេម៉ែន បាននាំគ្នាកាត់ផ្ដាច់ទំនាក់ទំនងការទូតជាមួយកាតា។ មិនត្រឹមកាត់ផ្ដាច់ខ្លួនឯងឡើយ រដ្ឋឈូងសមុទ្រទាំងនោះ ក៏បានដាក់សម្ពាធលើប្រទេសផ្សេងទៀតឲ្យដើរតាមខ្លួនទៀត ដោយគំរាមផ្ដាច់ជំនួយ ឬក៏ដាក់សម្ពាធការទូតទៀតផង។ យុទ្ធនាការប្រឆាំងកាតាក៏កាន់តែរីកសាយឡើយ បើទោះជាគុយវ៉ែត និងអាមេរិកព្យាយាមសម្របសម្រួលក្ដី។
ចុងក្រោយនេះ ក៏មានព័ត៌មានលេចឮថា មានរដ្ឋមន្ត្រីរដ្ឋអារ៉ាប់មួយបានព្យាយាមសូកប៉ាន់ប្រធានាធិបតីសូម៉ាលី Mohammed Abdullah Farmajo ដោយហ៊ានផ្ដល់លុយដល់ទៅ ៨០លានដុល្លារ បើសូម៉ាលីផ្ដាច់ទំនាក់ទំនងជាមួយកាតា ឬក៏ចូលរួមក្នុងការដាក់សម្ពាធលើកាតា។ ការសូកប៉ាន់នេះធ្វើឡើង ខណៈដែលសូម៉ាលីសុខចិត្តប្រកាន់ជំហរកណ្ដាលមិនកាន់ជើងអារ៉ាប៊ីសាអូឌីត បារ៉ែន ឬក៏អារ៉ាប់រួមអេមីរ៉ាត ក្នុងការរាំងខ្ទប់ដង្ហើមរបស់កាតានោះ។
បើតាមទីភ្នាក់ងារព័ត៌មានតួកគី Anadolu Agency អារ៉ាប៊ីសាអូឌីត បានដាក់សម្ពាធយ៉ាងខ្លាំងលើសូម៉ាលីឲ្យចូលដៃចូលជើងជាមួយខ្លួនក្នុងជម្លោះជាមួយកាតាដែលត្រូវចោទថាគាំទ្រក្រុមភេរវករ។ មន្ត្រីសូម៉ាលីក៏និយាយដែរថា អារ៉ាប៊ីសាអូឌីតដែលសម្បូរលុយច្រើនសន្ធឹកសន្ធាប់ ក៏បានលុបចោលជំនួបថ្នាក់រដ្ឋមន្ត្រីដែរ និងបានគំរាមផ្ដាច់ជំនួយអភិវឌ្ឍទៀតផង បើសូម៉ាលីមិនព្រមបោះបង់នយោបាយអព្យាក្រឹតទេនោះ។
យ៉ាងណាក្ដី ការប្រកាន់ជំហរកណ្ដាលនេះ ក៏ធ្វើឲ្យមានការព្រួយបារម្ភដែរថា សូម៉ាលីនឹងរងផលប៉ះពាល់មិនខាន។ សូម៉ាលី ដែលមានជម្លោះផ្ទៃក្នុងមិនទាន់ចប់ និងរងគ្រោះទុរភិក្សធ្ងន់ធ្ងរ ពឹងផ្អែកខ្លាំងលើការនាំចេញអាហារទៅកាន់អារ៉ាប៊ីសាអូឌីត និងរដ្ឋអារ៉ាប់ផ្សេងទៀត ដើម្បីប្រមូលទុនអភិវឌ្ឍប្រទេស។ ដូច្នេះបើសូម៉ាលីបន្តនៅជំហរមិនចូលរួមជាមួយគេឯងនោះ សូម៉ាលីផ្ទាល់អាចជួបបញ្ហាវិញម្ដងក៏ថាបាន។
ចំណែកឯកាតាវិញ ក៏បានអរគុណរបស់សូម៉ាលីខ្លាំងដែរ ដោយមិនចូលរួមជាមួយរដ្ឋឈូងសមុទ្រផ្សេងទៀតក្នុងការដាក់សម្ពាធលើខ្លួន។ ជាមួយគ្នានេះ សូម៉ាលីក៏បានអនុញ្ញាតឲ្យក្រុមហ៊ុនអាកាសចរណ៍ Qatar Airways ប្រើប្រាស់ដែនអាកាសរបស់ខ្លួនដែរ ដ្បិតអារ៉ាប៊ីសាអូឌីត បារ៉ែន អារ៉ាប់រួម និងអេហ្ស៊ីប សុទ្ធតែបិទដែនអាកាសរបស់ខ្លួនអស់ទៅហើយ។ ក្រៅពីសូម៉ាលី គេក៏ឃើញមានតួកគី និងអ៊ីរ៉ង់ ដែលចាំជួយកាតា ដោយបានដឹកជញ្ជូនអាហារច្រើនតោនទៅឲ្យកាតាទៀតផង៕
អារ៉ាប៊ីសាអូឌីត អេហ្ស៊ីប អារ៉ាប់រួមអេមីរ៉ាត បារ៉ែន និងយេម៉ែន បាននាំគ្នាកាត់ផ្ដាច់ទំនាក់ទំនងការទូតជាមួយកាតា។ មិនត្រឹមកាត់ផ្ដាច់ខ្លួនឯងឡើយ រដ្ឋឈូងសមុទ្រទាំងនោះ ក៏បានដាក់សម្ពាធលើប្រទេសផ្សេងទៀតឲ្យដើរតាមខ្លួនទៀត ដោយគំរាមផ្ដាច់ជំនួយ ឬក៏ដាក់សម្ពាធការទូតទៀតផង។ យុទ្ធនាការប្រឆាំងកាតាក៏កាន់តែរីកសាយឡើយ បើទោះជាគុយវ៉ែត និងអាមេរិកព្យាយាមសម្របសម្រួលក្ដី។
ចុងក្រោយនេះ ក៏មានព័ត៌មានលេចឮថា មានរដ្ឋមន្ត្រីរដ្ឋអារ៉ាប់មួយបានព្យាយាមសូកប៉ាន់ប្រធានាធិបតីសូម៉ាលី Mohammed Abdullah Farmajo ដោយហ៊ានផ្ដល់លុយដល់ទៅ ៨០លានដុល្លារ បើសូម៉ាលីផ្ដាច់ទំនាក់ទំនងជាមួយកាតា ឬក៏ចូលរួមក្នុងការដាក់សម្ពាធលើកាតា។ ការសូកប៉ាន់នេះធ្វើឡើង ខណៈដែលសូម៉ាលីសុខចិត្តប្រកាន់ជំហរកណ្ដាលមិនកាន់ជើងអារ៉ាប៊ីសាអូឌីត បារ៉ែន ឬក៏អារ៉ាប់រួមអេមីរ៉ាត ក្នុងការរាំងខ្ទប់ដង្ហើមរបស់កាតានោះ។
បើតាមទីភ្នាក់ងារព័ត៌មានតួកគី Anadolu Agency អារ៉ាប៊ីសាអូឌីត បានដាក់សម្ពាធយ៉ាងខ្លាំងលើសូម៉ាលីឲ្យចូលដៃចូលជើងជាមួយខ្លួនក្នុងជម្លោះជាមួយកាតាដែលត្រូវចោទថាគាំទ្រក្រុមភេរវករ។ មន្ត្រីសូម៉ាលីក៏និយាយដែរថា អារ៉ាប៊ីសាអូឌីតដែលសម្បូរលុយច្រើនសន្ធឹកសន្ធាប់ ក៏បានលុបចោលជំនួបថ្នាក់រដ្ឋមន្ត្រីដែរ និងបានគំរាមផ្ដាច់ជំនួយអភិវឌ្ឍទៀតផង បើសូម៉ាលីមិនព្រមបោះបង់នយោបាយអព្យាក្រឹតទេនោះ។
យ៉ាងណាក្ដី ការប្រកាន់ជំហរកណ្ដាលនេះ ក៏ធ្វើឲ្យមានការព្រួយបារម្ភដែរថា សូម៉ាលីនឹងរងផលប៉ះពាល់មិនខាន។ សូម៉ាលី ដែលមានជម្លោះផ្ទៃក្នុងមិនទាន់ចប់ និងរងគ្រោះទុរភិក្សធ្ងន់ធ្ងរ ពឹងផ្អែកខ្លាំងលើការនាំចេញអាហារទៅកាន់អារ៉ាប៊ីសាអូឌីត និងរដ្ឋអារ៉ាប់ផ្សេងទៀត ដើម្បីប្រមូលទុនអភិវឌ្ឍប្រទេស។ ដូច្នេះបើសូម៉ាលីបន្តនៅជំហរមិនចូលរួមជាមួយគេឯងនោះ សូម៉ាលីផ្ទាល់អាចជួបបញ្ហាវិញម្ដងក៏ថាបាន។
ចំណែកឯកាតាវិញ ក៏បានអរគុណរបស់សូម៉ាលីខ្លាំងដែរ ដោយមិនចូលរួមជាមួយរដ្ឋឈូងសមុទ្រផ្សេងទៀតក្នុងការដាក់សម្ពាធលើខ្លួន។ ជាមួយគ្នានេះ សូម៉ាលីក៏បានអនុញ្ញាតឲ្យក្រុមហ៊ុនអាកាសចរណ៍ Qatar Airways ប្រើប្រាស់ដែនអាកាសរបស់ខ្លួនដែរ ដ្បិតអារ៉ាប៊ីសាអូឌីត បារ៉ែន អារ៉ាប់រួម និងអេហ្ស៊ីប សុទ្ធតែបិទដែនអាកាសរបស់ខ្លួនអស់ទៅហើយ។ ក្រៅពីសូម៉ាលី គេក៏ឃើញមានតួកគី និងអ៊ីរ៉ង់ ដែលចាំជួយកាតា ដោយបានដឹកជញ្ជូនអាហារច្រើនតោនទៅឲ្យកាតាទៀតផង៕
Tag:
អារ៉ាប៊ីសាអូឌីត
សូម៉ាលី
កាតា
មជ្ឈិមបូព៌ា
© រក្សាសិទ្ធិដោយ thmeythmey.com
