អន្តរជាតិ
សិង្ហបុរីនិងចិនឯកភាពគ្នាពន្លឿនការចរចាកិច្ចព្រមព្រៀងពាណិជ្ជកម្មតំបន់ RCEP
×![]()
សិង្ហបុរី និងចិនទទួលស្គាល់ថា កិច្ចព្រមព្រៀងពាណិជ្ជកម្មភាពជាដៃគូសេដ្ឋកិច្ចថ្នាក់តំបន់គ្រប់ជ្រុងជ្រោយ (RCEP) នឹងមានសារសំខាន់សម្រាប់ចរន្តពាណិជ្ជកម្មសេរី និងសមាហរណកម្មសេដ្ឋកិច្ចតំបន់។ ភាគីទាំងពីរក៏បានប្តេជ្ញាបន្តជំរុញកិច្ចចរចាបង្កើតកិច្ចព្រមព្រៀងនេះឲ្យកាន់តែឆាប់ចប់ផងដែរ។
បន្ទាប់ពីជួបជាសមភាគីចិននៅថ្ងៃចន្ទទី ១២ មិថុនា ប្រមុខការទូតសិង្ហបុរីលោក Vivian Balakrishnan បានថ្លែងប្រាប់អ្នកសារព័ត៌មានថា សិង្ហបុរី និងចិនឯកភាពគ្នាពន្លឿនការចរចា កិច្ចព្រមព្រៀងពាណិជ្ជកម្មភាពជាដៃគូសេដ្ឋកិច្ចថ្នាក់តំបន់គ្រប់ជ្រុងជ្រោយ (RCEP) នេះ។
យោងតាមទីភ្នាក់ងារព័ត៌មាន Reuters ប្រមុខការទូតសិង្ហបុរីរូបនេះបានកត់សម្គាល់ថា ទាំងសិង្ហបុរី និងចិន សុទ្ធតែមើលឃើញថា កិច្ចព្រមព្រៀងនេះនឹងរួមចំណែកក្នុងការលើកស្ទូយពាណិជ្ជកម្មសេរី និងទ្រទ្រង់ការធ្វើសមាហរណកម្មតំបន់ផងដែរ។
«ប្រសិនបើយើងអាចសម្រេចការចរចាកិច្ចព្រមព្រៀងពាណិជ្ជកម្មភាពជាដៃគូសេដ្ឋកិច្ចថ្នាក់តំបន់គ្រប់ជ្រុងជ្រោយ វានឹងក្លាយជាឯកសារដ៏មានសារសំខាន់ដែលគាំទ្រពាណិជ្ជកម្មសេរីនិងសមាហរណកម្មសេដ្ឋកិច្ច។ នៅពេលនេះ កិច្ចព្រមព្រៀងនេះកាន់តែមានសារៈសំខាន់ជាងពេលណាទាំងអស់»។ នេះគឺជាសម្តីរបស់រដ្ឋមន្ត្រីការបរទេសសិង្ហបុរីលោក Vivian Balakrishnan ។
កិច្ចព្រមព្រៀងពាណិជ្ជកម្មដែលគាំទ្រដោយក្រុងប៉េកាំងនេះ មានសមាជិកសរុប ១៦ ក្នុងនោះមានប្រទេសអាស៊ានចំនួនដប់ បូកជាមួយប្រទេសជាដៃគូសន្ទនារបស់អាស៊ាន ៦ផ្សេងទៀតផង។ កិច្ចព្រមព្រៀងនេះត្រូវបានគេស្នើឡើងដំបូងនៅឆ្នាំ ២០១២ នាទីក្រុងភ្នំពេញ។
កាលបរិច្ឆេទនៃការបញ្ចប់ការចរចាដើមឡើងគឺនៅចុងឆ្នាំ ២០១៥ ប៉ុន្តែការចរចាមិនអាចបញ្ចប់តាមការគ្រោងទុកនោះឡើយ។ មកដល់បច្ចុប្បន្នសមាជិកកំពុងពន្លឿនការចរចា ហើយគេសង្ឃឹមថាកិច្ចចរចាកិច្ចព្រមព្រៀងនេះនឹងត្រូវបញ្ចប់ជាផ្លូវការនៅចុងឆ្នាំ ២០១៧ នេះផងដែរ។មានសមាជិកសរុប ១៦ បើកិច្ចព្រមព្រៀងនេះចេញរូបរាងជាផ្លូវការ វានឹងក្លាយជាទីផ្សារដ៏ធំដែលមានប្រជាជនរហូតដល់ ៣,៥ពាន់លាននាក់ឯណោះ។ ប៉ុន្តែបើប្រៀបធៀបជាមួយកិច្ចព្រមព្រៀង TPP RCEP មិនសូវគ្រប់ជ្រុងជ្រោយនិងផ្តោតតែលើការកាត់បន្ថយរបាំងពន្ធគយតែប៉ុណ្ណោះ។ ពោលគឺវាមិនគិតគូរខ្លាំងពីស្តង់ដាកម្លាំងពលកម្ម និងផលប៉ះពាល់បរិស្ថានឡើយ។
ប៉ុន្តែកិច្ចព្រមព្រៀងពាណិជ្ជកម្មពហុភាគីនេះកាន់តែមានប្រជាប្រិយភាព និងកាន់តែសំខាន់ ក្រោយពេលដែលប្រធានាធិបតីអាមេរិកលោក ដូណាល់ ត្រាំ សម្រេចចិត្តដកអាមេរិកចេញពីកិច្ចព្រមព្រៀងភាពជាដៃគូអន្តរប៉ាស៊ីហ្វិក (TPP) បន្ទាប់ពីលោកស្បថចូលកាន់តំណែង។
កន្លងមកនាយករដ្ឋមន្ត្រីសិង្ហបុរី លោក Lee Hsien Loong បានលើកឡើងផងដែរថា ការដកខ្លួនចេញពីកិច្ចព្រមព្រៀងពាណិជ្ជកម្មភាពជាដៃគូអន្តរប៉ាស៊ីហ្វិកធ្វើឲ្យប៉ះពាល់ខ្លាំងដល់ការទុកចិត្តរបស់ប្រទេសជាមិត្តនានាចំពោះគោលនយោបាយអាមេរិកក្នុងតំបន់។ លោកក៏កត់សម្គាល់ផងដែរថា ចិនឥឡូវនេះកំពុងបង្កើនតួនាទីរបស់ខ្លួនខ្លាំងដែរក្នុងនាមជាមហាអំណាចដែលគាំទ្ររបបពាណិជ្ជកម្មសេរីនោះ៕
បន្ទាប់ពីជួបជាសមភាគីចិននៅថ្ងៃចន្ទទី ១២ មិថុនា ប្រមុខការទូតសិង្ហបុរីលោក Vivian Balakrishnan បានថ្លែងប្រាប់អ្នកសារព័ត៌មានថា សិង្ហបុរី និងចិនឯកភាពគ្នាពន្លឿនការចរចា កិច្ចព្រមព្រៀងពាណិជ្ជកម្មភាពជាដៃគូសេដ្ឋកិច្ចថ្នាក់តំបន់គ្រប់ជ្រុងជ្រោយ (RCEP) នេះ។
យោងតាមទីភ្នាក់ងារព័ត៌មាន Reuters ប្រមុខការទូតសិង្ហបុរីរូបនេះបានកត់សម្គាល់ថា ទាំងសិង្ហបុរី និងចិន សុទ្ធតែមើលឃើញថា កិច្ចព្រមព្រៀងនេះនឹងរួមចំណែកក្នុងការលើកស្ទូយពាណិជ្ជកម្មសេរី និងទ្រទ្រង់ការធ្វើសមាហរណកម្មតំបន់ផងដែរ។
«ប្រសិនបើយើងអាចសម្រេចការចរចាកិច្ចព្រមព្រៀងពាណិជ្ជកម្មភាពជាដៃគូសេដ្ឋកិច្ចថ្នាក់តំបន់គ្រប់ជ្រុងជ្រោយ វានឹងក្លាយជាឯកសារដ៏មានសារសំខាន់ដែលគាំទ្រពាណិជ្ជកម្មសេរីនិងសមាហរណកម្មសេដ្ឋកិច្ច។ នៅពេលនេះ កិច្ចព្រមព្រៀងនេះកាន់តែមានសារៈសំខាន់ជាងពេលណាទាំងអស់»។ នេះគឺជាសម្តីរបស់រដ្ឋមន្ត្រីការបរទេសសិង្ហបុរីលោក Vivian Balakrishnan ។
កិច្ចព្រមព្រៀងពាណិជ្ជកម្មដែលគាំទ្រដោយក្រុងប៉េកាំងនេះ មានសមាជិកសរុប ១៦ ក្នុងនោះមានប្រទេសអាស៊ានចំនួនដប់ បូកជាមួយប្រទេសជាដៃគូសន្ទនារបស់អាស៊ាន ៦ផ្សេងទៀតផង។ កិច្ចព្រមព្រៀងនេះត្រូវបានគេស្នើឡើងដំបូងនៅឆ្នាំ ២០១២ នាទីក្រុងភ្នំពេញ។
កាលបរិច្ឆេទនៃការបញ្ចប់ការចរចាដើមឡើងគឺនៅចុងឆ្នាំ ២០១៥ ប៉ុន្តែការចរចាមិនអាចបញ្ចប់តាមការគ្រោងទុកនោះឡើយ។ មកដល់បច្ចុប្បន្នសមាជិកកំពុងពន្លឿនការចរចា ហើយគេសង្ឃឹមថាកិច្ចចរចាកិច្ចព្រមព្រៀងនេះនឹងត្រូវបញ្ចប់ជាផ្លូវការនៅចុងឆ្នាំ ២០១៧ នេះផងដែរ។មានសមាជិកសរុប ១៦ បើកិច្ចព្រមព្រៀងនេះចេញរូបរាងជាផ្លូវការ វានឹងក្លាយជាទីផ្សារដ៏ធំដែលមានប្រជាជនរហូតដល់ ៣,៥ពាន់លាននាក់ឯណោះ។ ប៉ុន្តែបើប្រៀបធៀបជាមួយកិច្ចព្រមព្រៀង TPP RCEP មិនសូវគ្រប់ជ្រុងជ្រោយនិងផ្តោតតែលើការកាត់បន្ថយរបាំងពន្ធគយតែប៉ុណ្ណោះ។ ពោលគឺវាមិនគិតគូរខ្លាំងពីស្តង់ដាកម្លាំងពលកម្ម និងផលប៉ះពាល់បរិស្ថានឡើយ។
ប៉ុន្តែកិច្ចព្រមព្រៀងពាណិជ្ជកម្មពហុភាគីនេះកាន់តែមានប្រជាប្រិយភាព និងកាន់តែសំខាន់ ក្រោយពេលដែលប្រធានាធិបតីអាមេរិកលោក ដូណាល់ ត្រាំ សម្រេចចិត្តដកអាមេរិកចេញពីកិច្ចព្រមព្រៀងភាពជាដៃគូអន្តរប៉ាស៊ីហ្វិក (TPP) បន្ទាប់ពីលោកស្បថចូលកាន់តំណែង។
កន្លងមកនាយករដ្ឋមន្ត្រីសិង្ហបុរី លោក Lee Hsien Loong បានលើកឡើងផងដែរថា ការដកខ្លួនចេញពីកិច្ចព្រមព្រៀងពាណិជ្ជកម្មភាពជាដៃគូអន្តរប៉ាស៊ីហ្វិកធ្វើឲ្យប៉ះពាល់ខ្លាំងដល់ការទុកចិត្តរបស់ប្រទេសជាមិត្តនានាចំពោះគោលនយោបាយអាមេរិកក្នុងតំបន់។ លោកក៏កត់សម្គាល់ផងដែរថា ចិនឥឡូវនេះកំពុងបង្កើនតួនាទីរបស់ខ្លួនខ្លាំងដែរក្នុងនាមជាមហាអំណាចដែលគាំទ្ររបបពាណិជ្ជកម្មសេរីនោះ៕
Tag:
សិង្ហបុរី
ចិន
Wang Yi
RCEP
Vivian Balakrishnan
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
9 ម៉ោង
