អន្តរជាតិ
រូបភាព ៖ Reuters
×![]()
ដោយ: ថ្មីៗ
យ៉ាងហោចណាស់ ៦នាក់ស្លាប់និងច្រើនជាង ៥០នាក់ផ្សេងទៀតបានរងរបួសក្នុងករណីភ្លើងឆេះអាគារមួយនៅកណ្តាលទីក្រុង ឡុងដ៍ ចក្រភពអង់គ្លេស នាថ្ងៃពុធទី ១៤មិថុនា។ គេបារម្ភថា ចំនួនអ្នកស្លាប់អាចនឹងកើនឡើងថែមទៀត ដោយសារអ្នករបួសធ្ងន់មានច្រើន។
ទីភ្នាក់ងារព័ត៌មាន AFP ចុះផ្សាយថា អ្នកស្លាប់ក្នុងករណីភ្លើងឆេះអាគារអាផាតមិនមួយកន្លែងដែលស្ថិតនៅកណ្តាលទីក្រុងឡុងដ៍មានយ៉ាងហោចណាស់ ៦នាក់ ហើយអ្នករបួសដែលត្រូវបានគេបញ្ជូនទៅកាន់មន្ទីរពេទ្យនោះមានយ៉ាងហោចណាស់ ៥០នាក់ដែរ។ចំនួនអ្នកស្លាប់អាចនឹងកើនឡើងថែមទៀតនៅពេលខាងមុខ។
សាក្សីដែលនៅកន្លែងកើតហេតុបានថ្លែងថា ប្រជាជនដែលរស់នៅលើអាគារនោះដណ្តើមគ្នារត់ចេញតាមច្រកនានាដែលពេញទៅដោយផ្សែងខ្មៅ បន្ទាប់ពីពួកគេធុំក្លិនឆេះពីខាងក្នុងអាគារ ។ ប៉ុន្តែកណ្តឹងអគ្គីភ័យមិនបានរោទិ៍ឲ្យសញ្ញាអាសន្ននោះឡើយ។ ប្រជាជនមួយចំនួនដែលមិនអាចចាកចេញពីអាគារបានដោយសារភ្លើងឆេះខ្លាំងនោះ ក៏បានស្រែកដង្ហោយហៅរកជំនួយតាមបង្អួចនៅជាន់ខាងលើគេផងដែរ។
ចំណែកប្រតិបត្តិការពន្លត់អគ្គីភ័យទ្រង់ទ្រាយធំនេះត្រូវចំណាយពេលអស់ជាច្រើនម៉ោង ហើយមានការរួមពីភ្នាក់ងារពន្លត់អគ្គីភ័យចំនួន ២០០នាក់រួមជាមួយរថយន្តប្រហែល ៤០គ្រឿងផ្សេងទៀតផងដែរ។
ប្រធានអង្គភាពពន្លត់អគ្គីភ័យក្រុងឡុងដ៍ Dany Cotton បានអះអាងថា លោកមិនដែលធ្លាប់ឃើញករណីឆេះធ្ងន់ធ្ងរបែបនេះទេពីមុន ចាប់ពីពេលដែលលោកចូលបម្រើការងារមកនោះ។
«ក្នុងរយៈពេល ២៩ឆ្នាំដែលខ្ញុំបម្រើការងារជាអ្នកពន្លត់អគ្គីភ័យ ខ្ញុំមិនដែលឃើញទាល់តែសោះករណីភ្លើងឆេះធ្ងន់ធ្ងរនិងមានទ្រង់ទ្រាយធំដូចពេលនេះ»។ នេះជាការបញ្ជាក់របស់លោក Dany Cotton
បន្ថែមពីនេះ តំណាងភ្នាក់ងារពន្លត់អគ្គីភ័យរូបនេះបានអះអាងថា ភ្លើងបានឆាបឆេះចាប់ពីជាន់ទី ពីរដល់ជាន់លើគេបង្អស់ ហើយចាប់ពីជាន់ទីពីរដល់លើ វាមានអាផាមិតសរុប ១៣០ឯណោះ ប៉ុន្តែមិនទាន់មានរបាយការណ៍បញ្ជាក់ច្បាស់លាស់ពីមូលហេតុនៃការឆាបឆេះនេះឡើយ៕
ទីភ្នាក់ងារព័ត៌មាន AFP ចុះផ្សាយថា អ្នកស្លាប់ក្នុងករណីភ្លើងឆេះអាគារអាផាតមិនមួយកន្លែងដែលស្ថិតនៅកណ្តាលទីក្រុងឡុងដ៍មានយ៉ាងហោចណាស់ ៦នាក់ ហើយអ្នករបួសដែលត្រូវបានគេបញ្ជូនទៅកាន់មន្ទីរពេទ្យនោះមានយ៉ាងហោចណាស់ ៥០នាក់ដែរ។ចំនួនអ្នកស្លាប់អាចនឹងកើនឡើងថែមទៀតនៅពេលខាងមុខ។
សាក្សីដែលនៅកន្លែងកើតហេតុបានថ្លែងថា ប្រជាជនដែលរស់នៅលើអាគារនោះដណ្តើមគ្នារត់ចេញតាមច្រកនានាដែលពេញទៅដោយផ្សែងខ្មៅ បន្ទាប់ពីពួកគេធុំក្លិនឆេះពីខាងក្នុងអាគារ ។ ប៉ុន្តែកណ្តឹងអគ្គីភ័យមិនបានរោទិ៍ឲ្យសញ្ញាអាសន្ននោះឡើយ។ ប្រជាជនមួយចំនួនដែលមិនអាចចាកចេញពីអាគារបានដោយសារភ្លើងឆេះខ្លាំងនោះ ក៏បានស្រែកដង្ហោយហៅរកជំនួយតាមបង្អួចនៅជាន់ខាងលើគេផងដែរ។
ចំណែកប្រតិបត្តិការពន្លត់អគ្គីភ័យទ្រង់ទ្រាយធំនេះត្រូវចំណាយពេលអស់ជាច្រើនម៉ោង ហើយមានការរួមពីភ្នាក់ងារពន្លត់អគ្គីភ័យចំនួន ២០០នាក់រួមជាមួយរថយន្តប្រហែល ៤០គ្រឿងផ្សេងទៀតផងដែរ។
ប្រធានអង្គភាពពន្លត់អគ្គីភ័យក្រុងឡុងដ៍ Dany Cotton បានអះអាងថា លោកមិនដែលធ្លាប់ឃើញករណីឆេះធ្ងន់ធ្ងរបែបនេះទេពីមុន ចាប់ពីពេលដែលលោកចូលបម្រើការងារមកនោះ។
«ក្នុងរយៈពេល ២៩ឆ្នាំដែលខ្ញុំបម្រើការងារជាអ្នកពន្លត់អគ្គីភ័យ ខ្ញុំមិនដែលឃើញទាល់តែសោះករណីភ្លើងឆេះធ្ងន់ធ្ងរនិងមានទ្រង់ទ្រាយធំដូចពេលនេះ»។ នេះជាការបញ្ជាក់របស់លោក Dany Cotton
បន្ថែមពីនេះ តំណាងភ្នាក់ងារពន្លត់អគ្គីភ័យរូបនេះបានអះអាងថា ភ្លើងបានឆាបឆេះចាប់ពីជាន់ទី ពីរដល់ជាន់លើគេបង្អស់ ហើយចាប់ពីជាន់ទីពីរដល់លើ វាមានអាផាមិតសរុប ១៣០ឯណោះ ប៉ុន្តែមិនទាន់មានរបាយការណ៍បញ្ជាក់ច្បាស់លាស់ពីមូលហេតុនៃការឆាបឆេះនេះឡើយ៕
Tag:
ឡុងដ៍
Dany Cotton
© រក្សាសិទ្ធិដោយ thmeythmey.com
