អន្តរជាតិ
រុស្ស៊ីជឿថា ប្រព័ន្ធបាញ់គ្រាប់រ៉ុក្កែតអាមេរិកនឹងត្រូវប្រើប្រាស់ដើម្បីប្រឆាំងទាហានស៊ីរី
រូបភាព៖ RT
×![]()
ក្រសួងការពារជាតិរុស្ស៊ីបានអះអាងថា អាមេរិកបានបញ្ជូនឧបករណ៍បាញ់គ្រាប់រ៉ុក្កែតរយៈចម្ងាយឆ្ងាយពីហ្ស៊កដានីទៅកាន់មូលដ្ឋានទ័ព At Tanf ដែលជាប់ព្រំដែនស៊ីរី។ រុស្ស៊ីបារម្ភថា អាវុធទាំងនោះនឹងត្រូវប្រើប្រាស់ដើម្បីវាយប្រហារលើទាហានស៊ីរីដែលកំពុងប្រយុទ្ធក្រុមភេរវជនផងដែរ។
ប្រព័ន្ធបាញ់រ៉ុក្កែតរយៈចម្ងាយឆ្ងាយ HIMARS របស់ក្រុងវ៉ាស៊ីតតោនត្រូវបានចល័តចេញពីហ្ស៊កដានីទៅកាន់មូលដ្ឋានទ័ព At Tanf ព្រំដែនស៊ីរីនៅសប្តាហ៍នេះ។ នេះបើតាមបញ្ជាក់របស់ក្រសួងការពារជាតិរុស្ស៊ីតាមសេចក្តីថ្លែងការណ៍មួយដែលចុះផ្សាយនៅថ្ងៃព្រហស្បតិ៍ទី ១៥មិថុនា។
ក្រសួងការពារជាតិរុស្ស៊ីក៏វាយតម្លៃផងដែរថា សព្វាវុធថ្មីនេះនឹងត្រូវប្រើប្រាស់ដើម្បីប្រឆាំងកងទ័ពរដ្ឋាភិបាលស៊ីរីដែលកំពុងច្បាំងកម្ចាត់ក្រុមភេរវជនដែស្ហ (Daesh) ឬក្រុមដែស្ហផងដែរ។ ប៉ុន្តែ ឥឡូវនេះ រុស្ស៊ីកំពុងឃ្លាំមើលយ៉ាងយកចិត្តទុកដាក់ចំពោះសកម្មភាពអាមេរិកនៅតាមព្រំដែនស៊ីរីនិងហ្ស៊កដានីផងដែរ។
យោងតាមទីភ្នាក់ងារព័ត៌មាន AFP សេចក្តីថ្លែងការណ៍នោះបានបញ្ជាក់ដូច្នេះថា៖« នៅពេលនេះកងកម្លាំងសម្ព័ន្ធអន្តរជាតិដែលដឹកនាំដោយអាមេរិកដើម្បីប្រឆាំងក្រុមភេរវជនរដ្ឋឥស្លាម បានវាយប្រហារលើទាហានរដ្ឋាភិបាលស៊ីរីដែលតាមកម្ចាត់ក្រុមភេរវជនរដ្ឋឥស្លាមដែរនៅក្បែរព្រំដែនហ្ស៊កដានីនោះជាច្រើនលើកច្រើនសារ។ ដូច្នេះវាមិនពិបាកគិតទេថា ការវាយប្រហារលើទាហានស៊ីរីនឹងបន្តកើតមានទៀត ប៉ុន្តែពេលនេះគឺមានការប្រើប្រាស់ប្រព័ន្ធបាញ់គ្រាប់រ៉ុក្កែត HIMARS ផងដែរ»។
ក្រុងម៉ូស្គូក៏សង្កត់ធ្ងន់ផងដែរថា រាល់ការពង្រាយសព្វាវុធធុនធ្ងន់របស់ប្រទេសដទៃនៅលើទឹកដីស៊ីរីចាំបាច់ណាស់ត្រូវមានការអនុញ្ញាតឬយល់ព្រមជាមុនពីសំណាក់រដ្ឋាភិបាលស៊ីរីដែរ។ ប៉ុន្តែការពង្រាយសព្វាវុធរបស់ក្រុងវ៉ាស៊ីនតោននេះមិនមានការអនុញ្ញាតឬយល់ព្រមអ្វីឡើយ។
ក្នុងរយៈពេលប៉ុន្មានសប្តាហ៍កន្លងមកនេះ កងទ័ពអាមេរិកនិងសម្ព័ន្ធមិត្តបានវាយប្រហារលើក្រុមកងកម្លាំងរដ្ឋាភិបាលក្រុងដាម៉ាសច្រើនដងដែរ ហើយអាមេរិកអះអាងថា ការវាយប្រហារជាការឆ្លើយតបនឹងការគំរាមកំហែងនានាដែលមានចំពោះកងកម្លាំងសម្ព័ន្ធអន្តរជាតិដែលកំពុងឈរជើងនៅមូលដ្ឋានទ័ព At Tanf នោះ។
ទង្វើបង្ករឿងរបស់អាមេរិកនេះបានធ្វើឲ្យរដ្ឋាភិបាលស៊ីរីខឹងសម្បារខ្លាំង ហើយរុស្ស៊ីក៏បានទិតៀនកងកម្លាំងអាមេរិកនិងចោទថា ពួកគេកំពុងព្យាយាមរារាំងនិងធ្វើឲ្យប្រសិទ្ធភាពនៃយុទ្ធសាស្ត្រប្រឆាំងភេរវកម្មរបស់រដ្ឋាភិបាលស៊ីរីចុះខ្សោយដែរ។
ដោយឡែកប្រព័ន្ធបាញ់គ្រាប់រ៉ុក្កែត HIMARS ត្រូវបានគេចល័តពីហ្ស៊កដានីទៅដល់គោលដៅហើយ។ អ្នកជំនាញយោធាលើកឡើងថា ការបន្ថែមសព្វាវុធនេះពង្រឹងកម្លាំងយោធាអាមេរិកកាន់ខ្លាំងនៅស៊ីរី។
ប្រព័ន្ធបាញ់គ្រាប់រ៉ុក្កែតនេះដែរមានសមត្ថភាពខ្ពស់ដោយសារវាអាចបាញ់គ្រាប់បានច្រើនប្រភេទរួមទាំងប្រភេទគ្រាប់ដែលអាចហោះហើរបានចម្ងាយ ៤៨០ គីឡូម៉ែត្រផងដែរ៕
ប្រព័ន្ធបាញ់រ៉ុក្កែតរយៈចម្ងាយឆ្ងាយ HIMARS របស់ក្រុងវ៉ាស៊ីតតោនត្រូវបានចល័តចេញពីហ្ស៊កដានីទៅកាន់មូលដ្ឋានទ័ព At Tanf ព្រំដែនស៊ីរីនៅសប្តាហ៍នេះ។ នេះបើតាមបញ្ជាក់របស់ក្រសួងការពារជាតិរុស្ស៊ីតាមសេចក្តីថ្លែងការណ៍មួយដែលចុះផ្សាយនៅថ្ងៃព្រហស្បតិ៍ទី ១៥មិថុនា។
ក្រសួងការពារជាតិរុស្ស៊ីក៏វាយតម្លៃផងដែរថា សព្វាវុធថ្មីនេះនឹងត្រូវប្រើប្រាស់ដើម្បីប្រឆាំងកងទ័ពរដ្ឋាភិបាលស៊ីរីដែលកំពុងច្បាំងកម្ចាត់ក្រុមភេរវជនដែស្ហ (Daesh) ឬក្រុមដែស្ហផងដែរ។ ប៉ុន្តែ ឥឡូវនេះ រុស្ស៊ីកំពុងឃ្លាំមើលយ៉ាងយកចិត្តទុកដាក់ចំពោះសកម្មភាពអាមេរិកនៅតាមព្រំដែនស៊ីរីនិងហ្ស៊កដានីផងដែរ។
យោងតាមទីភ្នាក់ងារព័ត៌មាន AFP សេចក្តីថ្លែងការណ៍នោះបានបញ្ជាក់ដូច្នេះថា៖« នៅពេលនេះកងកម្លាំងសម្ព័ន្ធអន្តរជាតិដែលដឹកនាំដោយអាមេរិកដើម្បីប្រឆាំងក្រុមភេរវជនរដ្ឋឥស្លាម បានវាយប្រហារលើទាហានរដ្ឋាភិបាលស៊ីរីដែលតាមកម្ចាត់ក្រុមភេរវជនរដ្ឋឥស្លាមដែរនៅក្បែរព្រំដែនហ្ស៊កដានីនោះជាច្រើនលើកច្រើនសារ។ ដូច្នេះវាមិនពិបាកគិតទេថា ការវាយប្រហារលើទាហានស៊ីរីនឹងបន្តកើតមានទៀត ប៉ុន្តែពេលនេះគឺមានការប្រើប្រាស់ប្រព័ន្ធបាញ់គ្រាប់រ៉ុក្កែត HIMARS ផងដែរ»។
ក្រុងម៉ូស្គូក៏សង្កត់ធ្ងន់ផងដែរថា រាល់ការពង្រាយសព្វាវុធធុនធ្ងន់របស់ប្រទេសដទៃនៅលើទឹកដីស៊ីរីចាំបាច់ណាស់ត្រូវមានការអនុញ្ញាតឬយល់ព្រមជាមុនពីសំណាក់រដ្ឋាភិបាលស៊ីរីដែរ។ ប៉ុន្តែការពង្រាយសព្វាវុធរបស់ក្រុងវ៉ាស៊ីនតោននេះមិនមានការអនុញ្ញាតឬយល់ព្រមអ្វីឡើយ។
ក្នុងរយៈពេលប៉ុន្មានសប្តាហ៍កន្លងមកនេះ កងទ័ពអាមេរិកនិងសម្ព័ន្ធមិត្តបានវាយប្រហារលើក្រុមកងកម្លាំងរដ្ឋាភិបាលក្រុងដាម៉ាសច្រើនដងដែរ ហើយអាមេរិកអះអាងថា ការវាយប្រហារជាការឆ្លើយតបនឹងការគំរាមកំហែងនានាដែលមានចំពោះកងកម្លាំងសម្ព័ន្ធអន្តរជាតិដែលកំពុងឈរជើងនៅមូលដ្ឋានទ័ព At Tanf នោះ។
ទង្វើបង្ករឿងរបស់អាមេរិកនេះបានធ្វើឲ្យរដ្ឋាភិបាលស៊ីរីខឹងសម្បារខ្លាំង ហើយរុស្ស៊ីក៏បានទិតៀនកងកម្លាំងអាមេរិកនិងចោទថា ពួកគេកំពុងព្យាយាមរារាំងនិងធ្វើឲ្យប្រសិទ្ធភាពនៃយុទ្ធសាស្ត្រប្រឆាំងភេរវកម្មរបស់រដ្ឋាភិបាលស៊ីរីចុះខ្សោយដែរ។
ដោយឡែកប្រព័ន្ធបាញ់គ្រាប់រ៉ុក្កែត HIMARS ត្រូវបានគេចល័តពីហ្ស៊កដានីទៅដល់គោលដៅហើយ។ អ្នកជំនាញយោធាលើកឡើងថា ការបន្ថែមសព្វាវុធនេះពង្រឹងកម្លាំងយោធាអាមេរិកកាន់ខ្លាំងនៅស៊ីរី។
ប្រព័ន្ធបាញ់គ្រាប់រ៉ុក្កែតនេះដែរមានសមត្ថភាពខ្ពស់ដោយសារវាអាចបាញ់គ្រាប់បានច្រើនប្រភេទរួមទាំងប្រភេទគ្រាប់ដែលអាចហោះហើរបានចម្ងាយ ៤៨០ គីឡូម៉ែត្រផងដែរ៕
Tag:
រុស្ស៊ី
ស៊ីរី
អាមេរិក
At Tanf
© រក្សាសិទ្ធិដោយ thmeythmey.com
