អន្តរជាតិ
បុរសម្នាក់ត្រូវចាប់ខ្លួន ព្រោះបង្ហោះរូបសាកសពជនរងគ្រោះឆេះអាគារក្រុងឡុងដ៍
×![]()
ដោយ: ថ្មីៗ
បុរសម្នាក់ត្រូវបានចាប់ខ្លួន បន្ទាប់ពីបានបង្ហោះរូបភាពសាកសពជនរងគ្រោះក្នុងហេតុការណ៍ឆេះអាគារក្នុងក្រុងឡុងដ៍។ នេះបើតាមការផ្សាយរបស់សារព័ត៌មាន Telegragh ។ មនុស្សយ៉ាងតិច១២នាក់ បានបាត់បង់ជីវិតក្នុងហេតុការណ៍ឆេះអាគារកម្ពស២៤ជាន់ក្នុងទីក្រុងឡុងដ៍ ខណៈការស៊ើបអង្កេតរកមូលហេតុកំពុងធ្វើតាម។
ប៉ូលិសអង់គ្លេស បានឃាត់ខ្លួនបុរសវ័យ៤៣ឆ្នាំ ក្រោយបុរសរូបនេះបង្ហោះរូបសាកសពជនរងគ្រោះក្នុងហេតុការណ៍ឆេះអាគារ Grenfell Tower កាលពីព្រឹកថ្ងៃទី១៤ ខែមិថុនា។ បុរសអង់គ្លេសដដែលនេះ បានបង្ហោះរូបភាពសាកសព ដែលមានបិទបាំងតែផ្នែកខ្លះប៉ុណ្ណោះនៅលើបណ្ដាញសង្គមរបស់រូបគេផ្ទាល់។
បង្ហោះភ្ជាប់ជាមួយរូបភាពសាកសព បុរសខាងលើនោះក៏បានសរសេរពាក្យមួយថា មានអ្នកណាស្គាល់ជនរងគ្រោះនេះឬទេ ហើយរូបគេទាញក្រណាត់ដែលបិទបាំងសាកសពដែរ។ គោលដៅនៃការបង្ហោះរូបសាកសព ទំនងជាដើម្បីស្វែងរកសាច់ញាតិជនរងគ្រោះដែលកំពុងអន្ទះអន្ទែងរង់ចាំព័ត៌មានពីសមាជិកគ្រួសាររបស់ខ្លួន។
អ្នកនាំពាក្យប៉ូលិសក្នុងក្រុងឡុងដ៍និយាយថា បុរសខាងលើត្រូវបានចាប់ខ្លួននៅក្បែរស្ថានីយ៍ Latimer Road ដោយជាប់សង្ស័យថាបានចែកចាយរូបភាពមិនសមរម្យ និងបង្កឧបសគ្គដល់មន្ត្រីប៉ូលិសដែលកំពុងវិភាគសាកសពជនរងគ្រោះ។ បន្ទាប់ពីឃាត់ខ្លួន ប៉ូលិសក៏បានបញ្ជូនជនសង្ស័យទៅកាន់កន្លែងឃុំខ្លួនរបស់ប៉ូលិសក្រុងឡុងដ៍។ តាមច្បាប់ ជនសង្ស័យរូបនេះអាចជាប់ពន្ធនាគារដល់ទៅ៦ខែឯណោះ។
នេះជាគ្រោះថ្នាក់អគ្គីភ័យធ្ងន់ធ្ងរមិនបំផុតក្នុងប្រវត្តិសាស្ត្ររបស់ចក្រភពអង់គ្លេស។ មនុស្ស១២នាក់បានស្លាប់ ហើយក្រុមជួយសង្គ្រោះបានជួយមនុស្ស៦៥នាក់ក្នុងហេតុការណ៍ឆេះនេះ។ សាក្សីដែលឃើញហេតុការណ៍និយាយដែរថា មានមនុស្សជាច្រើនបន្តជាប់ខ្លួនក្នុងអាគារនេះ ហើយខ្លះទៀតព្យាយាមលោតពីលើអាគារតែម្ដង ដើម្បីគេចផុតពីភ្លើងកំពុងឆាបឆេះ។
អនុប្រធានអង្គភាពពន្លត់អគ្គីភ័យក្រុងឡុងដ៍ Steve Apter និយាយថា ភ្លើងបន្តឆេះអាគារនៅឡើយ ព្រោះកន្លែងខ្លះក្រុមពន្លត់អគ្គីភ័យមិនអាចូលដល់បានឡើយ ប៉ុន្តែក៏បានរុករកស្ទើរមួយអាគារទៅហើយដែរ។ ដោយឡែកអភិបាលក្រុងឡុងដ៍ Sadiq Khan លើកឡើងថា ក្រុមសង្គ្រោះបន្ទាន់បានបញ្ចប់ការងារសង្គ្រោះហើយ ដោយពេលនេះបន្តដល់ការងារព្យាបាល ឬក៏រុករកវិញម្ដង៕
ប៉ូលិសអង់គ្លេស បានឃាត់ខ្លួនបុរសវ័យ៤៣ឆ្នាំ ក្រោយបុរសរូបនេះបង្ហោះរូបសាកសពជនរងគ្រោះក្នុងហេតុការណ៍ឆេះអាគារ Grenfell Tower កាលពីព្រឹកថ្ងៃទី១៤ ខែមិថុនា។ បុរសអង់គ្លេសដដែលនេះ បានបង្ហោះរូបភាពសាកសព ដែលមានបិទបាំងតែផ្នែកខ្លះប៉ុណ្ណោះនៅលើបណ្ដាញសង្គមរបស់រូបគេផ្ទាល់។
បង្ហោះភ្ជាប់ជាមួយរូបភាពសាកសព បុរសខាងលើនោះក៏បានសរសេរពាក្យមួយថា មានអ្នកណាស្គាល់ជនរងគ្រោះនេះឬទេ ហើយរូបគេទាញក្រណាត់ដែលបិទបាំងសាកសពដែរ។ គោលដៅនៃការបង្ហោះរូបសាកសព ទំនងជាដើម្បីស្វែងរកសាច់ញាតិជនរងគ្រោះដែលកំពុងអន្ទះអន្ទែងរង់ចាំព័ត៌មានពីសមាជិកគ្រួសាររបស់ខ្លួន។
អ្នកនាំពាក្យប៉ូលិសក្នុងក្រុងឡុងដ៍និយាយថា បុរសខាងលើត្រូវបានចាប់ខ្លួននៅក្បែរស្ថានីយ៍ Latimer Road ដោយជាប់សង្ស័យថាបានចែកចាយរូបភាពមិនសមរម្យ និងបង្កឧបសគ្គដល់មន្ត្រីប៉ូលិសដែលកំពុងវិភាគសាកសពជនរងគ្រោះ។ បន្ទាប់ពីឃាត់ខ្លួន ប៉ូលិសក៏បានបញ្ជូនជនសង្ស័យទៅកាន់កន្លែងឃុំខ្លួនរបស់ប៉ូលិសក្រុងឡុងដ៍។ តាមច្បាប់ ជនសង្ស័យរូបនេះអាចជាប់ពន្ធនាគារដល់ទៅ៦ខែឯណោះ។
នេះជាគ្រោះថ្នាក់អគ្គីភ័យធ្ងន់ធ្ងរមិនបំផុតក្នុងប្រវត្តិសាស្ត្ររបស់ចក្រភពអង់គ្លេស។ មនុស្ស១២នាក់បានស្លាប់ ហើយក្រុមជួយសង្គ្រោះបានជួយមនុស្ស៦៥នាក់ក្នុងហេតុការណ៍ឆេះនេះ។ សាក្សីដែលឃើញហេតុការណ៍និយាយដែរថា មានមនុស្សជាច្រើនបន្តជាប់ខ្លួនក្នុងអាគារនេះ ហើយខ្លះទៀតព្យាយាមលោតពីលើអាគារតែម្ដង ដើម្បីគេចផុតពីភ្លើងកំពុងឆាបឆេះ។
អនុប្រធានអង្គភាពពន្លត់អគ្គីភ័យក្រុងឡុងដ៍ Steve Apter និយាយថា ភ្លើងបន្តឆេះអាគារនៅឡើយ ព្រោះកន្លែងខ្លះក្រុមពន្លត់អគ្គីភ័យមិនអាចូលដល់បានឡើយ ប៉ុន្តែក៏បានរុករកស្ទើរមួយអាគារទៅហើយដែរ។ ដោយឡែកអភិបាលក្រុងឡុងដ៍ Sadiq Khan លើកឡើងថា ក្រុមសង្គ្រោះបន្ទាន់បានបញ្ចប់ការងារសង្គ្រោះហើយ ដោយពេលនេះបន្តដល់ការងារព្យាបាល ឬក៏រុករកវិញម្ដង៕
Tag:
អង់គ្លេស
អគ្គីភ័យ
© រក្សាសិទ្ធិដោយ thmeythmey.com
