អន្តរជាតិ
ក្មេងអាយុ៦ឆ្នាំ និង២ខែ ត្រូវម្តាយបោះបង់ចោល ហើយបងប្រុសយំបដិសេធចេញពីប្អូន
×![]()
ដោយ: ធីតា
ទារកម្នាក់ត្រូវដាក់ក្នុងកេសស្រាបៀពណ៌ក្រហមមួយ និងមានបងប្រុសខ្លួនអង្គុយក្បែរនោះ។ ពួកគេគឺជាក្មេងដែលត្រូវម្តាយបោះបង់ចោលនៅក្បែរវិហារមួយក្នុងទីក្រុងហាណូយ ប្រទេសវៀតណាម កាលពីព្រឹកព្រលឹមថ្ងៃទី១៦ ខែមិថុនា កន្លងមក។ នេះបើតាមការផ្សាយរបស់ Daily Mail។
រូបថត និងឃ្លីបវីដេអូ បានធ្វើឲ្យអ្នកទស្សនារន្ធត់ចិត្តយ៉ាងខ្លាំង ដោយក្មេងប្រុសអាយុ៦ឆ្នាំម្នាក់ អង្គុយនៅជាប់នឹងប្អូនរបស់ខ្លួនទាំងទឹកភ្នែក។ គេមិនព្រមដើរចេញទៅណាឆ្ងាយពីប្អូនប្រុសអាយុត្រឹម២ខែរបស់ខ្លួននោះឡើយ។
បើតាមប្រភពដែល Daily Mail បានដកស្រង់ ម្តាយរបស់ក្មេងប្រុសទាំងពីរ បានជិះម៉ូតូទម្លាក់កូនរបស់ខ្លួនចោលកាលពីវេលាម៉ោង៥ព្រឹក ដោយអះអាងថាខ្លួនយកម៉ូតូទៅចាក់សាំង។ ប៉ុន្តែបន្ទាប់មក ស្រីរូបនោះ មិនបានទៅរកកូនរបស់ខ្លួនវិញនោះឡើយ។
បច្ចុប្បន្ន ប៉ូលិសមូលដ្ឋានកំពុងស្រាវជ្រាវរកឪពុកម្តាយរបស់កុមារទាំងពីរដើម្បីស្វែងយល់ពីមូលហេតុឲ្យបានច្បាស់លាស់។ ទារកអាយុ២ខែ ត្រូវបានបញ្ជូនទៅថែទាំនៅមន្ទីរពេទ្យ ខណៈបងប្រុសរបស់គេក៏ទទួលបានការយកចិត្តទុកដាក់ពីអាជ្ញាធរមូលដ្ឋានផងដែរ៕
រូបថត និងឃ្លីបវីដេអូ បានធ្វើឲ្យអ្នកទស្សនារន្ធត់ចិត្តយ៉ាងខ្លាំង ដោយក្មេងប្រុសអាយុ៦ឆ្នាំម្នាក់ អង្គុយនៅជាប់នឹងប្អូនរបស់ខ្លួនទាំងទឹកភ្នែក។ គេមិនព្រមដើរចេញទៅណាឆ្ងាយពីប្អូនប្រុសអាយុត្រឹម២ខែរបស់ខ្លួននោះឡើយ។
បើតាមប្រភពដែល Daily Mail បានដកស្រង់ ម្តាយរបស់ក្មេងប្រុសទាំងពីរ បានជិះម៉ូតូទម្លាក់កូនរបស់ខ្លួនចោលកាលពីវេលាម៉ោង៥ព្រឹក ដោយអះអាងថាខ្លួនយកម៉ូតូទៅចាក់សាំង។ ប៉ុន្តែបន្ទាប់មក ស្រីរូបនោះ មិនបានទៅរកកូនរបស់ខ្លួនវិញនោះឡើយ។
បច្ចុប្បន្ន ប៉ូលិសមូលដ្ឋានកំពុងស្រាវជ្រាវរកឪពុកម្តាយរបស់កុមារទាំងពីរដើម្បីស្វែងយល់ពីមូលហេតុឲ្យបានច្បាស់លាស់។ ទារកអាយុ២ខែ ត្រូវបានបញ្ជូនទៅថែទាំនៅមន្ទីរពេទ្យ ខណៈបងប្រុសរបស់គេក៏ទទួលបានការយកចិត្តទុកដាក់ពីអាជ្ញាធរមូលដ្ឋានផងដែរ៕
© រក្សាសិទ្ធិដោយ thmeythmey.com
